نيسان صنى ولا هيونداى النترا الجديده؟

**Ahmed Anwer** · 25-12-2007 07:57 PM

المشاركة الأصلية كتبت بواسطة ahmedfd

أيوة حضرتك بس خد بالك إن أكيد الأرقام دي مش من فراغ - أكيد دة عن ثقة في جودة سياراتهم و إلا هيونداي تفلس بعد سنتين لو الناس طالبت بحقها في الضمان لو حصلت مشكلة قبل 160 ألف كيلو أو 10 سنوات.

انا عارف ان الدنيا اتغيرت و هيونداي بقت خامس اكبر شركة في العالم ،،

و تويوتا تحديدا ،، شايفها الخطر الوحيد عليها ،، لأنهم بيعملوا اللي كانت تويوتا بتعمله بالضبط ،، و عارف كل الكلام ده

بس لازال عنصر إن دي ياباني و دي كوري عنصر موجود في اي مقارنة ،،

عشان الثقة مش واحدة ،، ممكن بعد عشر سنين ،، الرؤية دي تتغير لما شوف موديلات هيونداي الجديدة بنفس مستوي نظيراتها اليابانية ،،

و حتي إشعار اخر لا يزال عنصر هام

و غالبا مش هتتغير في مصر أبدا ،، عشان بيخش فيها حتة البرستيج ، زي ما حتي الآن الفاخر بالنسبة لنا البي ام و المرسيدس ، رغم إن كل الدنيا اتغيرت و عرفت اللكزس و الإنفنتي

و الثقة دي بتفرق اوي ،، بمعني اخر ، الياباني لو فيه عيب أو مشكلة بيبقي علي قلبك زي العسل ،، لكن الكوري بتندم و تحس إنك استرخصت و خدت قرار غلط

**ahmedfd** · 26-12-2007 07:21 AM

المشاركة الأصلية كتبت بواسطة Ahmed Anwer

انا عارف ان الدنيا اتغيرت و هيونداي بقت خامس اكبر شركة في العالم ،،

و تويوتا تحديدا ،، شايفها الخطر الوحيد عليها ،، لأنهم بيعملوا اللي كانت تويوتا بتعمله بالضبط ،، و عارف كل الكلام ده

بس لازال عنصر إن دي ياباني و دي كوري عنصر موجود في اي مقارنة ،،

عشان الثقة مش واحدة ،، ممكن بعد عشر سنين ،، الرؤية دي تتغير لما شوف موديلات هيونداي الجديدة بنفس مستوي نظيراتها اليابانية ،،

و حتي إشعار اخر لا يزال عنصر هام

و غالبا مش هتتغير في مصر أبدا ،، عشان بيخش فيها حتة البرستيج ، زي ما حتي الآن الفاخر بالنسبة لنا البي ام و المرسيدس ، رغم إن كل الدنيا اتغيرت و عرفت اللكزس و الإنفنتي

و الثقة دي بتفرق اوي ،، بمعني اخر ، الياباني لو فيه عيب أو مشكلة بيبقي علي قلبك زي العسل ،، لكن الكوري بتندم و تحس إنك استرخصت و خدت قرار غلط

أتفق معاك في جزء من كلامك يا أخ أحمد لكن خد بالك إن موضوع ماركة أحسن من ماركة و خلاص ده مش موضوعي و مرتبط بينا إحنا بس لإن فعلاً كإعتمادية و إمكانيات اللكزس بالتحديد غالباً بتسبق المرسيدس و البي إم في كل اليرفيوهات في الخارج و في نفس المستوى معاهم بتيجي برضه الإنفينيتي و الأكورا و غيرهم.
و بعدين الكورولا موديل أسطوري مفشيش كلام و زيها السيفيك و الصاني و اللانسر لكن مش معني كدة إننا ننسى الأوكتافيا و الـ بي إم الفئة الثالثة أو الأولى و الأودي A3 أو A4 و الفولفو S40 و الأفاروميو الـ 147 و البيجو 307SW أو 407 و الرينو ميجان و السيتروين C4 و الشيفروليه كوبالت و القائمة طويلة جداً.... و كلهم نفس الفئة تقريباً كتصنيف الـ EPA و هي فئة Compact و بعضهم Mid size.
يعني أنا أقولك الكورولا بالفعل بتكون الأولى في الريفيوهات لكن لو إنت معاك فلوس كافية تركب كورولا ولا بي إم أو Volvo S40؟

على كل إحنا شبه متفقين على الموضوع الأساسي و حتى لو مش متفقين أنا أشكرك على هذا الحوار الموضوعي و المتحضر.

**amirfahmy** · 13-01-2008 03:01 PM

ya gama3a 7'osho 3ala page beta3et el optra fel montada hatla2o mashakel bel habal

**thegreatnileman** · 14-01-2008 09:25 PM

النيسان صنى دى عربية زبالة (اسف على هذا الوصف)
عندنا فى الشركة عربية منهم (2007) دخلت فيها عربية رينو ميجان فاتت فيها من اول الشنطة لحد كرسى السائق واخدت الاستبن معاها لحد ما دمر كرسى السائق وجابله شرخ فى الحوض
ولما تشوف العربية تلاقيها متاشرة من الشاسيه بتاعها زى علبة البلوبيف
وكانت مفاجاه لينا كلنا لما شوفنا المنظر
النيسان دى مافيهاش اى امان (الامان من عند الله) يعنى العضو اللى قال انها علبة صفيح ده مجاملها جامد جدا

**mtcvodafone2** · 21-01-2008 06:50 PM

انا عندى النترا والحمد لله العربية جميلة ومتفرقش عن العربيات اليابانى حاجة

عيوبها

واطية شوية لما بيركب فيها 3 اشخاص واكتر
صعبة فى الركنة وعايزة sensors
كاست عبيط اللى مركبينه فيها لكن الاصلى شكله جامد جدا

اما مميزاتها

تسارع ممتاز
دريكسيون ناعم جدا
تكييف ممتاز

فى رأى أي حاجة مستوردة أحسن من أي حاجة بركة المصريين حلت عليها :)

**CosmicOne** · 30-01-2008 12:28 AM

I say Elantra

**أبو عبدالله** · 05-02-2008 02:35 PM

المشاركة الأصلية كتبت بواسطة Ahmed Anwer

اسمحلي بقه أنا اختلف مع حضرتك رغم إني ممكن تعتبرني من المعسكر الكوري لو صح التعبير ،،

غطس كده في الإنترنت و حضرتك هتشوفهم بيقولوا ايه علي هيونداي تحديدا تاريخيا ،، من أول Garbage on wheels و البطة القبيحة لحد يوم ما بيكرموها يقولوا عليها بادجت كار أو Cheep & cheerful

و ده تاريخيا ،، لكن تقييمات الجودة الحالية بتحط الكوري علي نفس الدرجة مع الياباني ،، و هيونداي دلوقتي في تقييم jdpower سابقة نيسان و سوبارو و سوزوكي و ميتسوبيشي ،، ده غير قائمة الجوائز اللي عربيات هيونداي واخداها

بس لما نتكلم علي فلوس هتدفع يبقي تقييمات الإنترنت مش هتنفعني ،، ينفعني رأي السوق و العربيات اللي شايفها قدامي ،، و التاريخ عشان أكون في المضمون أكتر ،، بمعني أكثر لو عربيتين عجبني بنفس الدرجة واحدة ياباني و واحدة كوري ،، يبقي أختار الياباني أو لو الإثنين بنفس السعر و الإمكانيات

لكن أنا متفق مع حضرتك إن ده عنصر من ضمن كذا عنصر ،، ميبقاش هوا العنصر الوحيد ،، مثلآ أنا بخش علي منتديات سعودية و دلوقتي هيونداي هناك الثانية بعد تويوتا و تقرأ أحلي كلام عليها و وجهة نظرهم التالي :_

1- الياباني سعره سرقة و مبالغ فيه ،، بثمن الكورولا اجيب سوناتا و بثمن الكامري اجيب ازيرا يعني باخد امكانيات اعلي.

2- علي أسوأ الظروف و تاريخيا ، الكوري بيعيش خمس سنين من غير مشاكل كبيرة و دي فترة مناسبة لواحد بيشتري عربية زيرو ،،

فعشان كده أنا متفق مع حضرتك إن الناس في المنتدي بتبالغ بسذاجة في حتة ياباني و كوري،، ده لو قيسنا علي التاريخ اللي مش ممتاز للكوري ،،

فما بالك لو طلع فعلآ إن الدنيا اتغيرت و هيونداي اتطورت و جودتها فعلآ بقت زي الياباني ( علي حسب التقارير) و ممكن احسن من بعض ماركاته

،، ده كده يبقي إختيار عبقري ،، و مش لازم نقعد ثلاثين سنة عقبال منكتشف إن الكوري تطور زي ما قعدنا ثلاثين سنة عقبال مكتشفنا إن الياباني كويس ،، في حين الناس كانت في الخليج مهيصة تكييف وباور و نعومة و إعتمادية من الثمانينات و إحنا هنا عايشين مع الفيات ،، و عقبال ما نكتشف كده يكون الكوري خد اسمه و بقي غالي جدا هوا كمان ( و ده اللي بيحصل حاليا كل شوية الكوري سعره بيزيد )

انا بستغرب والله اني أؤكد على كلامي بتقييمات الجي دي بور
مع ان هيونداي في المركز 14

ولا تأخذ في الاعتبار ان دايهاتسو حاصله على المركز الخامس بعد تويوتا

والفارق بين 82.4% لدايهاتسو
و 79.5 % لهيونداي

حوالي 3 %
ودي اربعه نجوم ودي ثلاثة نجوم

وبرضه تقول الدايهاتسو متبهدله في الشوارع وشكلها مش عارف ايه

ياريت تقولي انت بتاخد برأي واحد ولا الكل

وبعدين الفارق بين هيونداي وسوبارو واحد من عشره في الميه

ولا تنسى الفارق في الأنتاج في كمية الموديلات والعربيات
لن التقييم بيتكلم على المصانع ككل وليس موديل معين

يعني لو سوبارو واخده ثلاثة نجوم على انتاجها اللي هو مثلا خمس عربيات
فهيونداي واخده ثلاثة نجوم على 50 عربيه مش خمسه وكذلك باقي الشركات الياباني ودايهاتسو انتاجها معروف شاريد وسيريون ماتيريا وتيريوس وكوبين
اما هيونداي متعدش

عاوز تقارن قارنها بتويوتا ومتقوليش الاتنين زي بعض لأن التقييم واضح

**Ahmed Anwer** · 05-02-2008 03:30 PM

طيب ما أنا رأيي واضح في كل الردود ،،

انا مبخليش تقييمات الإنترنت في المرتبة الأولي ،،

بخلي رأي السوق و التاريخ و التجارب في المرتبة الأولي !!!!

و ده بعد ماقارن بالطريقة السليمة

Apple to Apple

جودة و امكانيات و متطلبات و راحة نفسية و اعادة بيع و صيانة

و بعدين اسم و تاريخ و سمعة

عشان الاسم و التاريخ ده انا بدفع مقابلة فلوس مش قليلة

يعني هيونداي ثلاث نجوم و المركز 14 ،، ميتسوبيشي نجمتين و المركز 25

هل لو قلت لحد في مصر كلها الكلام ده ،، يدخل دماغه ؟؟؟

ميتسوبيشي بتاريخها العريق في مصر ، بطة و كريستالة و بومة ،،،، اللي لسه بيجروا جنبنا في الشوارع

أقل بكتير من هيونداي بتاريخها اللي علي احسن تقدير سيارات كويسة علي قد فلوسها و مش بتاعت شقي !!!

و كذلك ديهاتسو اخر صف الياباني في مصر ،، مع سوزوكي ،،،

عشان كده بقول السمعة و التجربة هيا الأهم بس من غير مبالغة مادام الفروق مش كبيرة

يعني في كل الأحوال بنكلم علي انتاج اكبر شركات في العالم ،،

و مهما حاولت مش هاقتنع بالحلول السهلة تويوتا و خلاص ،، إن فاتك الياباني مش هيرجع تاني ،،

عشان دي مشكلتنا و اللي بتخلينا لحد دلوقتي في ناس شايفة إن بعد البيجو 405 و ال 131 مفيش عربيات كويسة ،،

كده هنقعد ثلاثين سنة كمان نقول كورولا و لانسر ،، و منوسعش مداركنا

و الدنيا بتتغير ،،،

**أبو عبدالله** · 05-02-2008 10:26 PM

المشكلة ان شركة هيونداي في الخارج انتاج غير انتاج غبور وده مش قادر الاقي له تفسير نهائي

عربيات هيونداي بتاعت بورسعيد ايام زمان
واللي كانت بتبقى جايه من الخليج بصراحه شئ تاني عن الجديد بتاع غبور ليه برضه مش قادر افهم

يعني كلامك على شركة هيونداي جميل وحلو
بس بكلام متطلبات السوق والكلام ده هنا في مصر مش عارف هيونداي غبور مش زي الخارج وده راي شخصي بحت