نيسان صنى ولا هيونداى النترا الجديده؟

**s_eldeeb** · 11-10-2008 09:48 PM

راى النيسان صنى سعرها 102 السوبر صالون (اعلى فئه)الف اوتوماتك بينما الانترا على ما بسمع معديه 120
الفرق جامد وكمان ممكن تجيب الصنى بحاجه وتسعين ex صالون

**ouba2** · 25-10-2008 01:46 AM

النيسان احسن

**alivara** · 31-10-2008 09:54 PM

رأيى هيونداى النترا عشان شكلها احسن و موتورها قوى و عفشتها ناعمة و صنى حلوة برضه بس متقفلة كلها فى مصر و انا عن نفسي مش بحب شكلها
يبقى النترا ( رأى شخصى يا جماعة و اظن مافيهاش حاجة يعنى لما اقول رأى حلو فى هيونداى يا رب ما يتقلبش المنتدى عليا )

**Ramy_Ali** · 01-11-2008 11:50 AM

بعد مراجعة لعدد الممتلكين للاثنين من المنتدى النيسان تكسب
وخصوصا ان وحش المنتدى استاذ سبعاوى شاريها وبيشكر فيها جدا (والراجل دا مش اى كلام فى اختياره للسيارة)
وكتب عن موضوع التقفيل المصرى بما فيه الكفاية فى موضوع شيق ممكن حضاتك تراجعة فى قسم النيسان

**s_eldeeb** · 01-11-2008 01:39 PM

مازال رائى ان الصنى افضل لو انت متقبل الشكل الكلاسيكى للسيارة لان المكنه اليبانى فعلا معمره وبتحافظ على نفسها اطول فترة ممكنه كمان سعر الالنترا مبالغ فيه اوى.

ولو انت عاوز نفس موتور الألنترا ممكن تجيب نيو اكسنت لانى سمعت من ناس فى غبور موثوق منها بإن الموتور فى العربيتن واحد والنيو اكسنت ب80 الف النهارد علشان سعرها رخص 2000 جنيه.

وليه راى ثالث ليه متفكرش فى اليارس عربيه يبانى مستورده بالكامل من تويوتا الصانع رقم 1 فى العالم واللون الاحمر يتاعها تحفة وسمعت ان الموتور اللى فيها هوه موتور الكرولا من 2001 الى 2007 يعنى الموتور متجرب ومحدش اشتكه منه حتى مع التكيف والأتومتك والله الموفق.

**alivara** · 01-11-2008 05:37 PM

المشاركة الأصلية كتبت بواسطة Ramy_Ali

بعد مراجعة لعدد الممتلكين للاثنين من المنتدى النيسان تكسب
وخصوصا ان وحش المنتدى استاذ سبعاوى شاريها وبيشكر فيها جدا (والراجل دا مش اى كلام فى اختياره للسيارة)
وكتب عن موضوع التقفيل المصرى بما فيه الكفاية فى موضوع شيق ممكن حضاتك تراجعة فى قسم النيسان

"حضرتك" ؟ يا راجل انت متأكد انك بتكلمنى انا ؟ يا عم انت بتحترم واحد عنده بطيخة ورق زي ما قولت ليه ؟ بس على فكرة فيه اختلاف شوية بين النترا و البطيخة ان البطيخة خضراء من برة و انا هجيب النترا بتنجانى لأنى بجد ما لقتش لون اخضر حالص عشان تبقى زى البطيخة بالظبط زى ما قولت سيادتك
يمكن قررت تغير طريقة نقدك و ربنا يهدى الجميع

**Ramy_Ali** · 03-11-2008 03:52 PM

المشاركة الأصلية كتبت بواسطة alivara

"حضرتك" ؟ يا راجل انت متأكد انك بتكلمنى انا ؟ يا عم انت بتحترم واحد عنده بطيخة ورق زي ما قولت ليه ؟ بس على فكرة فيه اختلاف شوية بين النترا و البطيخة ان البطيخة خضراء من برة و انا هجيب النترا بتنجانى لأنى بجد ما لقتش لون اخضر حالص عشان تبقى زى البطيخة بالظبط زى ما قولت سيادتك
يمكن قررت تغير طريقة نقدك و ربنا يهدى الجميع

اسلوب حوارك لايرتقى وغير لائق بالمرة

**Abo.Omar** · 03-11-2008 04:07 PM

انا مع النترا طبعا لكن السيئه الوحيده اللى لازم نعمل حسابها هى التوكيل الـ..... بتاعها ودا اللى بيكره الناس كلها فالهيونداى لكن الانترا ابصملها بالعشره حتى لو فى شويه فرق بينها وبين الصنى هتلاقى انها زايده بحاجات فالعربيه يعنى مثلا التكيف التاتش وشكل التابلوه الجااامد بتاعها

**alivara** · 14-11-2008 11:58 PM

المشاركة الأصلية كتبت بواسطة Ramy_Ali

اسلوب حوارك لايرتقى وغير لائق بالمرة

طبعا اسلوبي لا يرتقي الى اسلوب حضرتك ... انا هقفل مع حضرتك احسن عشان انا لسة راجع بعد غيبة و مش عايز ادخل فى مشاكل جديدة مع حضرتك انت بالذات ... انا يا سيدى الفاضل اللى غلطان و مش هرد على سيادتك تانى .... اسف كل الاسف

**ahmad--ezzat** · 15-11-2008 12:48 AM

يا جماعة لا خلاف ولا اى مشاكل
ربنا ميجبش خناق
نهاية الموضوع النيسان طبعا احسن وماتورها افضل بكتير وتوكيل محترم وعلى فكرة انا مش بقول كدة عشان انا من ملاكها لا
بس عشان فعلا هيا كدة وراى الملاك فى المنتدى يدل على كدة
(مفيش احسن من اليابانىىىىىىىىىىىىىىىىىى ىىىىى)

مشاهدة نتائج الإستطلاع: نيسان صنى ولا هيونداى النترا الجديده

الموضوع: نيسان صنى ولا هيونداى النترا الجديده؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اخيرا بالفيديو مقارنه فعليه بين هيونداى كوبيه 2013 الجديده و هاتش باك النترا,فيلوستر

بلصـــــــــــــــور هيونداى النترا 2013 بلتعديلات الجديده

مطلوب هيونداى النترا او نيسان صنى فورااا بشرط الجاله الممتازه والسعر العادل للطرفين

الكلمات الدلالية لهذا الموضوع

المفضلات

المفضلات

ضوابط المشاركة