انا هاقوللك تفرق فى ايه
معروف ان فى الحالتين الاتنين خليجى ومفيش ضمان واى حاجه حصلت هاتدفع من جيبك
بس نفترض مثلا انك هاتشترى اى عربيه خليجى ( لانسر مثلا )
وفى بعلامة ميتسوبيشى وفى بعلامة شركة تانيه
هاتختار أنهى
مع ان الاتنين خليجى ومفيش ضمان
بس نفسيا انت هاتبقى مرتاح أكتر للميتسوبيشى
وهاتبقى مقلق أكتر من الماركه التانيه مع انها هى هى العربيه
وكمان لما تيجى تبيع العربيه هاتفرق جامد
نفس المثال ينطبق على الشيفروليه والدايو
تخيل كدا لو بعد 3 او 4 سنين واحد عامل اعلان ليشفروليه كروز خليجى 1600
وواحد عامل اعلان لدايو لاسيتى خليجى 1600
هاتشترى أنهى وانهى سعرها هايبقى أفضل ؟
المفضلات