الموضوع: بفكر فى حاجة ياريت الناس تدخل

اعتزر يا جماعه عن التأخير
بس شايف ان عصابة اوبل قايمه بالواجب وزياده :)

المشاركة الأصلية كتبت بواسطة goofy_in_love

طالما كدا كدا هتغير يبقي احسنلك تغير ل 1600 ايكوتك الاتنين كامه متور جبار بجد و هيبقي احسنلك من ال 2000 بكتير في كل حاجه دا من رايي و جوان وش السلندر مش حاجه كبيره يعني ممكن يتغير و العربيه تتظبط من غير ما تسقط متور

بلاش الموتور ده سمعنا ان فيه مشاكل فى الكنترول يونت

المشاركة الأصلية كتبت بواسطة eng\ahmed

هيغير العدادات ال 2.0 اخرة 260
حوار الفتيس مش قضية وملوش دعوة بالموتور انت ممكن تجيبة لوحدة

مش لازم يا احمد
بتنزل سوفت وير للعداد عشان يظبط نفسه على المكنه الجديده
بس مش هيديك قرايه اكتر من 220 كم عشان ده اخر العداد

بس هيديك الحراره مظبوطه والار بى ام مظبوطه وكل حاجة تمام

انا اعرف واحد كان مغير عداد ولاحظ ان المكنه بتفصل منه بدرى على 4 rpm
رحنا للراجل اللى انا عملت شغلى عنده قال العداد ده بتاع مكنه 6 سلندر
ونزل السوفت وير بتاع المكنه ال 2000 العادى مش الايكوتك
لاقينا الار بى ام اتعدل وبقى بيفصل عند 7 والحراره كانت ديما معديه ال95 نزلت لمستواها الطبيعى وكله بقى تمام

المشاركة الأصلية كتبت بواسطة tananybasha

1. الله ينور عليكم و انا رأيي يغير العربية عشان ما يتحملش مصاريف كتير
2. محمد مختار اول و احسن واحد عرفته عدل عربيته
3. انا زعلان منك يا محمد

انا افتكرت زعلان منى انا والله اتخضيت

المشاركة الأصلية كتبت بواسطة zizo50001

بس يا رجالة القواعد بتتغير لية مش هى هى ولا اية

القواعد مختلفة


طبعا كل اللى الرجاله قاللوك عليه فعلا صح
هتغير حاجات كتير
ووجع دماغ جامد جدا
وهتقعد كل شويه حاجة مش عجباك هتروح تجيب الجديد بتاعها عشان تريح دماغك
وهتصرف معاك جامد
مش كموتور وضفيره والحاجات الاساسية دى
لا ابدا
الحاجات الرفيعه هى اللى هتصرف معاك

رأيى الشخصى بعد تجربتى الخاصه
هتصرف كتير من غير داعى ووجع الدماغ كبير جدا
ظبط موتورك او هات موتور 1600 وبيع وهات وحده 2000 لو عايز

انا صرفت كتير عشان اركب عربيه على مزاجى واللى ماكنش بيعجبنى كنت برميه واجيب جديد
وفى الاخر لو بعت هخسر فيها مبلغ محترم جدا
خصوصا لو عرفوا انك انت اللى معدل العربيه

مع انى كنت جايب نص كامل واخد منه كل حاجة وخليتها زى الفابريكه حتى ضفيرة التابلوه غيرتها عشان مش نقص ونلحم والكلام ده
بس اللى بيتكلم بيقولك ياعم ده انت اللى معدله تبقى اى كلام

الحمدلله ع سلامته ياباشا ربنا يشفي جميع مرضانا اجمعين