الموضوع: حاول تبتسم مع بلدياتنا :)

لي سؤال يا بشمهندس محمد مين هم المقصود بيهم بلديادتنا هل هم الصاعايدة و الفلاحين ولا مين بالظبط

بصراحة بقت حاجة غريبة كل اللي بيقول نكتة يقول بلدياتنا مش عارف ايه

طبعا انا عارف ان دائما ما يكون المقصود ببلدياتنا هم الصعايدة و دائما هم اللي بتكون عليهم التريقة و النكت مع انهم ناس محترمين جدا
و علي فكرة انا صعيدي من قنا و مش مبسوط من النكت دي لانهاا بتتريق علي ناس ذنبهم الوحيد انهم ناس طيبين و اغلبهم عايش بالفطرة و مسالمين و كرماء لأبعد الحدود و رجالة جدا في كل الأوقات و اللي بيعاشرهم بيلمس دا فيهم
و لكن للأسف احنا كدا المصريين نحب نتريق و بس و في ستين داهية مشاعر الناس دي طالما احنا هنضحك و نفرفش شوية بالنكت علي الصعايدة
مع ان الأصل في المواطن المصري هو يا اما صعيدي او فلاح و مافيش حاجة اسمها من القاهرة اصلا لانك لو بحثت هتلاقية يا اما من الصعيد او من الفلاحين يعني الحكاية في عبك زي ما بنقول بالبلدي
للأسف الإعلام المحترم بتاعنا هو اللي بدع الحكاية دي من خلال الأفلام اللي دائما كانت تصور الشخصية الصعيدية علي انها شخصية سازجة غبية متخلفة و كانت مفهمة الناس ان الصعايدة دول قتالين قتلا و طول اليوم معارك و ضرب نار و تار بين العائلات و ففيه ناس لغاية دلوقتي فاهمة كدا و لما بتيجي فرصة وتيجي الصعيد تلاقي الوضع مختلف تماما عن اللي كانوا متخيلينه ويلاقوا الناس طيبين و محترمين و كرماء جدا و بالعكس بيحسوا بالأمان اكتر ما بيحسوه في القاهرة و ما فيش حاجة اسمها حرامي و لا نشال ولا الكلام اللي القاهرة مشهورة به من عنف و جرائم ما بنسمعش عنها في الصعيد
يا ريت يا جماعة بلاش نتريق علي بعضنا و نحترم بعضنا اكتر من كدا ونراعي ان معانا ناس صعايدة بالمنتدي وبتشرفوا انهم صعايدة و بيعتزوا جدا بدا
يعني لما نحب نقول نكتة ممكن نقول واحد غبي واحد احمق واحد مسطول وبلاش بلدياتنا و صعيدي وفلاح لان الناس ما تستحقش ان احنا نتريق عليها بالشكل دا
لكن نقول ايه منه لله الملك مينا موحد القطرين اللي خرب بيتنا لما وحد الجنوب و الشمال مع بعض كنا زماننا دلوقتي بلد لوحدنا و عايشين في خيرنا و ماكناش بقينا بالشكل دا الحكومة ناسية تماما ان هناك حاجة اسمها الوجة القبلي في مصر و كل تركيزها كان في القاهرة و الوجة البحري لما القاهرة اتملت و مش عارفين يعملوا ايه في مشكلة الزحام الرهيب في القاهرة مع ان الوادي كان ممكن يسع الناس دي كلها و كان حالنا بقي احسن من كدا

علي فكرة الصعايدة دول اللي بيتريقوا عليهم بالرغم من ظروفهم المعيشية الصعبة و عدم اهتمام الحكومة بيهم من زمان ونقص في كل الخدمات الأساسية زي الصحة و التعليم و السكن طلع منهم العالم و الطبيب و المهندس و المحامي و المعلم و التاريخ مليان امثلة كتير

مصطفى باشا بكري
عمر مكان القصد النكت على الصعايده التريقه عليهم
و كل حته في مصر مشهوره بحاجه
يعني الدمايطه مثلا بخلا و عمر محد دمياطي زعل من الموضوع ده
البورسعيدي فنجري بق و محدش بورسعيدي برضه زعل
و المنايفه و الاسكندرانيه و البحراويه و غيره و غيره
لان في مثل بيقول
في الحلو و في الوحش
و انا معايا اصحاب في الكليه صعايده بيموتوا في نكت الصاعيده
لان في نكت على الدمايطه و ابو العربي و المنايفه و السياسيين و الدكاتره و المهندسين و البوابين و العرب القصد منها الضحكه مش التريقه و دي بجد
و لو زعلتك نكت الصعايده
خد نكته على ابو العربي
مره ابو العربي مره بيفشر كالعاده فبيقول مره كنت ماشي في الصحراء طلعلي اسد استخبيت في البيت
رد عليه واحد مفيش بيت في الصحراء كله خيام قاله متزعلش نفسك مره كنت في الصحراء و طلعلي اسد استخبيت فوق شجره رد عليه واحد قاله مفيش شجر في الصحراء كله نخل قاله متزعلش نفسك مره كنت ماشي في الصحراء طلع عليا اسد و اكلني ارتحت يا خويا

ههههههههههههههه ضحكتني وانا ماليش نفس و الله
نكتة حلوة

انا معاك ان كل بلد مشهورة بشئ معين و النكت بتتقال علي الشئ دا
لكن الحاجة اللي بتضايق ان الصعايدة كل النكت اللي بتتقال عنهم بتدل علي حاجة واحدة هي الغباء و التخلف ليه مش عارف
و بعدين فيه ناس كتير بتقول نكت بايخة عن الصعايدة و مافيهاش حاجة تضحك و تلاقيها شتيمة اكتر منها نكتة يعني تحس انه بيشتم بس بطريقة غير مباشرة ودا اللي بيضايقني ان النكتة مش مبلوعة عشان حتي نضحك منها

والله يا استاذ مصطفى انا زيك تمام
مش عارف ليه دايما يقولك واحد صعيدى واحد بلدياتنا
وانا رديت مرة على اخ هنا فى المنتدى رد مشابه لحضرتك كدا لما قال نكت على الصعايدة
بس طبعا لا حياة لمن تنادى
بقيت لما اقرا نكتة على صعايدة اعمل نفسى مقريتش حاجة لان مفيش فايدة
مع انى متاكد ان الكلام اكيد حرام لانو بيزعل ناس وفيه سخرية منهم بدون ذنب عملوه
ياللا حعمل ايه؟؟؟؟؟؟؟؟؟؟؟
ربنا يدى كل واحد على اد نيته