الموضوع: حاول تبتسم مع بلدياتنا :)

منقول

استضافوا واحد بلدياتنا في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة .

بلدياتنا فتح محل جواهرجى عمل أول يوم ببلاش .

بلدياتنا بيقول لصاحبه شوف العالم الهطله يدفعوا 25 مليون علشان بن لادن أمال لو كان بن محوج كانوا عملوا إيه .

بلدياتنا بلعبوا على قهوة واحد قال كش ملك والتاني قال دبش والثالث راح واخد الكوتشينة وماشى .

بلدياتنا سافر بره خمس سنين متواصلة لما رجع القاهرة لقاهم بيحتفلوا بسبوع أبنه بقى ماشى فرحان أوى ويقول موجودين بنخلف مش موجودين برضه بنخلف .

بلدياتنا راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب .

الأمريكان والروس بيترسموا على بعض الأمريكان يقولوا أحنا أول ناس طلعنا القمر والروس يقولوا لا أحنا أول ناس طلعنا القمر بلدياتنا كان واقف أضايق أوى قالهم أنتوا لما طلعتوا القمر لقيتوا هناك إيه قالوله طوب ورمل وزلط قالهم أحنا اللي مطالعينه.

واحده بتقول لجوزها بلدياتنا عمرك ماقلتلى كلمه تحسسني أن أنا مرآتك قالها أنتي طالق .

جماعه بلدياتنا سمعوا عن اختراع أسمه السيفون حبوا يعرفوا هو إيه بعتو واحد منهم أمريكا لما رجع قالهم أما السيفون ده حتة اختراع يا رجاله تدوس على السيفون ويا تلحق تشرب يا متلحقش .

بلدياتنا مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه .

بلدياتنا راح لدكتور بلدياته قاله يا دكتور كل أما أحط أيدي على عيني مشوفش الدكتور خرمله أيده .
10 بلدياتنا بيتعلموا ربط الكرافتة 6 ماتوا و 4 في حاله حرجه.

واحد بلدياتنا أتجوز جه أبو العروسه قاله لو لقيتها بنت بنوت أضرب طلقتين لو ملقتهاش بنت بنوت اقتلها واغسل عارنا أول يوم ضرب طلقتين تانى يوم قتلها .

بلدياتنا فتحوا محل بيتزا سموه بيتزا هعععععععععع .

بلدياتنا خرج من الجيش ومعاهوش أي صنعه فتح كشك شرطه عسكرية .

2 بلدياتنا بيلعبوا شطرنج الملك مات مشلول .

بلدياتنا عاوز يزور فلوس جاب ورقه بعشرين جنيه وزورها بالضبط بس غلط وكتب بدل الـ 20 (18) وراح يفكها من القاهرة راح لأول واحد قاله عايز أفك الورقة دى الراجل قاله الله يخرب بيتك زورتها إزاى وخد الورقة ومشى وأستغرب أوى إن الراجل عرف دى مزورة منين وقال أنا هرجع البلد أفكها من هريدى ولد عمى راح لهريدى قال لهريدى ونبي ياهريدى فك لي الورقة دى هريدى قاله والله مفيش جنيهات تاخد ورجتين بتسعه ؟

بلدياتنا أشترى عربيه هيدروماتك قطع رجله الشمال .

بلدياتنا جاى ينزل من باب العربية لقي الدنيا بتمطر راح نازل من الباب التاني .

بلدياتنا دايخ في كل محلات الموبايل ومش لاقى طلبه وراح شركة نوكيا برضه مش لاقى طلبه عشان عايز موبايل بقرص .

بلدياتنا بيسأل صاحبه بيقوله إيه رأيك في تجارة المخدرات قاله تجارة عين شمس أحسن .

بلدياتنا أشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن بلدياتنا قال يلعن أبو السرعة .

بلدياتنا صغير بيسأل أبوه بيقوله ليه ربنا خلق لنا الودان قاله عشان نعرف العمة هتجف لحد فين .

بلدياتنا واقف قدامه 5 شياطين 1 بيوسوسله و 4 بيفهموه .

شكرا يا محمد باشا