الموضوع: القول الفصل في الهوندا سيفيك.....قبل أن أشتري؟

المشاركة الأصلية كتبت بواسطة ghazy12

معلش اني هتكلم في حاجه تانيه بس في نفس الموضوع طبعا.. لأن انا من عشاق السيفيك, بس يمكن شكلها من جوه كان غريب شويه اول ما نزلت, بس لمل ركبتها في المعرض و شوفتها بجد, حسيت باختلاف كبييييييييييييييير (تعود بس على الجديد مش اكتر) و مش محتاج اجرب اداءها لأن لا خلاف عليه اكييييد... طلقه ما شاء الله

بس انا هتجنن من حاجه... السيفيك ارتفاعها عن الارض بالجنط الـ16", 15.4سم, (من موقع هوندا)..!!!!!!!!!!!!!!!!!!!!!!!! ده ارتفاع ممتاز جداا و مش واطيه المفرووض, بس ليه الناس كلها بتحس انها واطيه على الأرض.؟؟؟؟ هل السبب قاعدة العجلات (المسافة بين العجل الأمامي و الخلفي اكبر من العربيات اللي في فئتها, 2700مم) و ده مديها اتزان خرافي طبعا..

اضافة الى الكلام ده... انا والدي معاه مرسيدس c200 و بتحك في منزل الجراج و اي مطب و السبب الدامبينج سيستم المريح جدااا (المساعدين بتنضغط جامد لامتصاص الصدمات) + قاعدة العجلات بردو كبيره... زي موضوع السيفيك يعني, بس العربية تستاهل و لو المشكله دي جوهريه قوي ماكنش حد اشترى مرسيدس, ولا بي ام , و لا سيفيك بردو, ولا جيتا.... لأن كوووول دوول و غيرهم واطيين على الأرض قوي...

الخلاصة ان لو مشكلتك الوحيده مع السيفيك انها منخفضه (و ده اكيد لأن ما شاء الله مفيش مشاكل تانيه) يبقى استخير ربنا و توكل على الله, و ربنا يديك خيرها و يكفيك شرها...

يا سلام عليك دا اللي كنت عايز أتأكد منه
أنا دخلت المنتدى ومعرفش حاجة عن السيفيك غير أني شوفتها ماشية مرة على السريع واتوهمت
كما أني لاحظت الكثير من الردود تتكلم عن الإنخفاض

لكن كلام حضرتك كلامك منطقي جدا عن العربيات المنخفضة بغض النظر حتى عن السيفيك أمثال الميرسيدس والبي إم

جزاك الله كل خير

سلام عليكم , حكاية السيفيك و الارتفاع حاسس انها مبالغ فيها اوى يا شباب العربية مش بتحك و ما شاء الله اربعة باخد المطب براحتى مفيش مشاكل فى الوقت نفسه الياريس معايا لايمكن تحك لو معييش حد فى العربية غير كده بتحك و الميجان بحس انها 4*4 لما بسافر واكون معايا شنط حكت مرتين واستغربت و الله , و مع كده الكرولا فيها تعليق ناعم يعنى اذا كانت مبتحكش لو محمل هتحك برضو و فرق الارتفاع بينها وبين السيفيك مش كبير حاجة بسيطة جدا , فى الاخر عايز اقول انك لو فى مصر و سايق همر لازم تاخد بالك من خوذيق الشوارع ههههه ربنا يكفينا شر الطريق و البيظهر فيه فجاءة , انا لو مكانك هختار السيفيك تحكم ممتاز على السرعات و تسعفك ان شاء الله فى الظروف الصعبة فى السفر حتى لو ركبت عليات مش هتعوم ده غير انها لسه يابانى و ان فاتك اليبانى اكيد عارف . ان شاء الله ربنا يوفقك لانسب اختيار ليك .

المشاركة الأصلية كتبت بواسطة aboel3oref

سلام عليكم , حكاية السيفيك و الارتفاع حاسس انها مبالغ فيها اوى يا شباب العربية مش بتحك و ما شاء الله اربعة باخد المطب براحتى مفيش مشاكل فى الوقت نفسه الياريس معايا لايمكن تحك لو معييش حد فى العربية غير كده بتحك و الميجان بحس انها 4*4 لما بسافر واكون معايا شنط حكت مرتين واستغربت و الله , و مع كده الكرولا فيها تعليق ناعم يعنى اذا كانت مبتحكش لو محمل هتحك برضو و فرق الارتفاع بينها وبين السيفيك مش كبير حاجة بسيطة جدا , فى الاخر عايز اقول انك لو فى مصر و سايق همر لازم تاخد بالك من خوذيق الشوارع ههههه ربنا يكفينا شر الطريق و البيظهر فيه فجاءة , انا لو مكانك هختار السيفيك تحكم ممتاز على السرعات و تسعفك ان شاء الله فى الظروف الصعبة فى السفر حتى لو ركبت عليات مش هتعوم ده غير انها لسه يابانى و ان فاتك اليبانى اكيد عارف . ان شاء الله ربنا يوفقك لانسب اختيار ليك .

كلام في محله
شكر الله لك
جزاك الله خيرا

أشكر جميع الإخوة الذين شاركوا معنا في الموضوع
ولم يبخلوا علينا قط بما لديهم
جزاكم الله كل خير

بعد التفكير كثيرا في كلام الإخوة الكرام
خلاص الحمد لله هتوكل على الله وهجيب السيفيك