الموضوع: ما رأيكم في قرار البرادعي فيما يخص الترشح للرئاسة

المشاركة الأصلية كتبت بواسطة madooo

الحلقه دى للدكتور محمد البرادعى مع منى الشاذلى بيتكلم فيها عن منصبه و تصوره لمستقبل مصر
ياريت الناس اللى متعرفش حاجه عنه غير الكلام الى الحزب الوطنى بيردده يتفرج عليها هى الحلقه أكتر من ساعه بس تستحق المشاهده

تانى حاجه بالنسبه للبطاقه الانتخابيه ايه هى خطوات استخراجها

انا بتفرج عالحلقة كلها دلوقتى ... و الحمد لله ظنى طلع فى محله ... كلام الكاتب المنافق أسامه سرايا طلع كله غلط و ظلم و إفتراء على شخصية محترمة زى الدكتور البرادعى ... سقطت من نظرى يا أستاذ أسامه أكتر ما كنت ساقط قبل كده ... أكتر حاجة تفور دمى بجد النفاق و كمان من رئيس أكبر جريدة فى مصر !!! ... سلملى على حرية الصحافة




معلش هفور دمكم بمقالته الأسبوع اللى فات عشان متفتكروش انى اتجننت:

مقال رئيس التحرير


44927‏السنه 134-العدد2009ديسمبر8‏21 من ذي الحجه 1430 هـالثلاثاء


د‏.‏ البرادعي‏..‏ اوهام مابعد التقاعد‏!‏

ادلي الدكتور محمد البرادعي بتصريح للصحف القوميه والمستقله حول نيه ترشيحه لانتخابات الرئاسه القادمه‏,‏ طالب خلاله بشروط غير غائبه عن الواقع السياسي المصري كما نعرفه في السنوات الاخيره‏.‏ ويبدو ان فتره غيابه الطويله عن مصر ـ والتي بلغت اكثر من‏27‏ عاما ـ قد ابعدته عن الواقع المصري الذي شهد متغيرات كبيره ابرزها التعديلات الدستوريه التي فتحت مجالات الحريه والمنافسه علي منصب الرئيس‏,‏ وشكلت لجنه قوميه مستقله ومحايده تتولي تنظيم جميع الاجراءات الخاصه بالعمليه الانتخابيه لضمان نزاهتها‏(‏ كما طالب في بنده الاول‏).‏

الدكتور البرادعي بعد تقاعده‏..‏ يبدو في تصريحه الاخير مازال يحمل ضغينه لبلاده ـ فاراد ان يحمل تصريحه اوجها تعود بالنظام السياسي المصري للمربع رقم‏1‏ قبل التعديلات الدستوريه الاخيره‏,‏ مطالبا بدستور جديد‏..‏ وواصفا الوضع القائم بغياب الفرص المتكافئه‏.‏

ويجب ان يكون مفهوما للدكتور البرادعي ـ ولغيره من المرشحين او المتطلعين للترشيح للمنصب الرفيع كما وصفه في خطابه ـ انه من الضروري علي الجميع احترام الدستور الحالي وشروطه‏,‏ وليس تفصيل دستور ـ كما يريد‏,‏ يحقق رغبات وطموح البعض او جهات خارجيه للتحكم في مصير مصر‏,‏ والوثوب علي المنصب الكبير لحساب مصالح متعدده‏.‏

الدكتور البرادعي لم ينس انه كان مرشحا محسوبا علي الامريكيين والاوروبيين وتيارات اخري ضد مرشح مصر في ذلك الوقت الدكتور محمد شاكر‏,‏ واحترام الدستور الحالي يكفل للمنصب الرفيع ان يحصل عليه من يستحقه ومن هو جدير به‏,‏ وان يكون ملما ومستوعبا قضايا الداخل وكل قضايا الخارج‏..‏ ولا يكفي ان يكون خبيرا في شئون نزع السلاح النووي فقط‏.‏

للترشيح للمنصب الكبير يجب ان يكون المرشح مصريا وليس مزدوج الجنسيه‏..‏ والدكتور البرادعي يحمل الجواز السويدي منذ سنوات‏.‏ ولعله يتذكر سنوات خدمته القليله في مصر عندما دخل الخارجيه عام‏1964,‏ وكان ترتيبه في دفعته الاخير‏,‏ او قبل الاخير وذهب مباشره الي نيويورك للحصول علي بعثه للدكتوراه‏.‏ والتحق بوظيفه في وكاله الطاقه الذريه‏..‏ وعمل مديرا لمكتبها في نيويورك‏.‏ ثم اصبح مديرا لها‏.‏

نتفق مع الدكتور البرادعي في ان الامر يتعلق بمصير وطن‏,‏ وان نتحلي بالقدره علي الرويه الشامله وروح المصارحه والمصالحه دون ان نشغل انفسنا بالماضي وتبعاته‏,‏ علي ان نشارك جميعا في بناء مجتمع يقوم علي حريه الراي وحريه العقيده‏..‏ والحريه من الحاجه‏..‏ والحريه من الخوف‏..‏ ووضع تكافو الفرص والتفكير العقلاني والتركيز علي البحث والتطوير العلمي‏..‏ وتحقيق التوازن بين الاقتصاد الحر والعداله الاجتماعيه‏.‏

وندعوه الي اعاده قراءه الواقع المصري الحديث بهدوء وقد اصبح يملك وقتا كافيا بعد تقاعده‏.‏ ولكننا نرفض توصيفه لكلمتي الاغلبيه والاقليه‏..‏ فالتاريخ المصري الممتد يرفض اعتبار المسيحيين او النوبيين اقليه كما تردد بعض القوي التي يستمع اليها او يقراها الدكتور البرادعي الان‏.‏

واذا كان يهدف كما يقول الي ان نعمل جميعا لضمان مجتمع غايته الانسان وضمان حق كل انسان في حياه كريمه امنه‏..‏ فيجب ان تستند قراراتنا الي هذا الواقع بعمق ورويه ولا تستند الي قراءات او تحليلات صاغتها قوه معاديه لبلادنا تبحث عن اثاره الفوضي والقلاقل او تفتح الباب للتدخل في الشان المصري الداخلي‏..‏ فقد علمتنا التجارب ان المجتمع لايبنيه الا ابناوه‏..‏ وكفانا تدخلا في شئوننا الداخليه وكفي ما يحدث في العراق وافغانستان من مصائب كبري علي شعوبها‏,‏ فالكثير من سياسات التدخل صنعت لبلادنا مصاعب الحياه‏,‏ وفتحت الباب للفوضي الخلاقه التي بشرنا بها جورج بوش الابن قبل ان يذهب‏,‏ تاركا خلفه اخطاء سياساته بل وكوارثها في حق شعوبنا وبلادنا ويريد الدكتور البرادعي ان يكررها الان او يدعو اليها متصورا انه يمكنه احراج مصر ونظامها السياسي‏.‏

وقفه موضوعيه مع د‏.‏ البرادعي تدعونا الي ان نقول له رفقا بنفسك وببلادك ولا تسهم مثل كثيرين من الذين استفادوا من مناخ الحريه والتغيير في مصر في الاساءه لمصر‏,‏ وان تكون مطيه سهله لقوه خارجيه او لمجموعات مصالح تتربص بالتجربه المصريه في الاصلاح بمجالاته الثلاثه السياسي والاقتصادي والاجتماعي لمصالح خارجيه او لقوه تفتح الباب تحت ستار الاصلاح والحريه لتبديد مكاسبنا من الاصلاحات التي تحدث في مصر الان وتبني عليها كل يوم‏.‏

و للأمانة هو نشر توضيح للمقال ده الأسبوع ده بس بهدل فيه الدنيا أكتر برضه ... اللى عاوزة هيلاقيه على سايت الأهرام بعنوان في مسألة ترشيح البرادعي .

المشاركة الأصلية كتبت بواسطة amrbakly

itsonlyme

أعتقد اننا متفقين في كل حاجة تقريبا ما عدا فكرة حمدين صباحي، اقسملك ان معلومة ان حصل علي اموال من ليبيا مؤكدة في الوسط السياسي المصري بقوة و كان سببها أنة عمل عدد من جريدة الكرامة ما هو إلا مديح في القذافي و لا داعي للكلام عن القذافي

أما فيما يخص كبونات النفط، فالموضوع لا يزال قد التحقيق من قبل السلطات العراقية و لكن إسمة بالفعل أدرج علي قوائم كبونات النفط

dodino2006

كلامك بدرجة انا متفق معاة، لكن أعتقد ان البرادعي راجل وسطي و إن كان ذو ميول ليبرالية علي مستوي الحريات الشخصية و حقوق الإنسان و دة أنا اسشفيتة من كلامة في حوار دريم مع المسلماني، كمان أعتقد انة مع حرية الإقتصاد و إن كان معتدل من الناحية الإقتصادية لأن لما كان بيتكلم عن الإقتصاد كان بيتكلم في نفس الوقت مع العدالة الإجتماعية و الفقراء و المعدمين و مستويات الأمية

بالتأكيد الرجل لم يقدم برنامج سياسي حتي الأن، و علي فكرة دة كويس و يبين موضوعيتة لأنة لسة لم يختار مستشارين ولا مساعدين في حملتة الإنتخابية، لأن انا ممكن أقعد اوعد وعود لطيفة و في الأخر منشوفش منها حاجة علي طريقة سعيد صالح " إن شاء الله حبنيلكم مستشفي و جامع و أخلي الترماي يعدي من قدام البيت "

اعتقد تصديق اي شيء يفرضه النظام علينا غلط
اولا حرام نقول نحس
ثانيا النظام خلانا نظن ان ان ايمن نور ده مزور وضلالي وخرجه من دائرة الضوء بسهولة جدا وخرجه من حساباتي كرئيس لمصر بسهولة ايضا واصبح بالنسبه لي حاليا لا يصلح بعد ما كنت بنزل اقول للناس صوتولو في الشوارع عشان مكنش سني يسمح
اكيد النظام ال عمل كدا فيا و في ايمن نور قبل مني قادر انه يخلي حمدين صباحي عميل ومش بعيد يبقى جاسوس لاسرائيل
لازم نفهم المواضيع على حقيقتها ومنكررش اشاعات
ثانيا بالنسبه للعدد بتاع القذافي ف لو دا العدد ال بعد مؤتمر دول عدم الانحياز ف كدا انا زاد اعجابيي بيه زيادة

المشاركة الأصلية كتبت بواسطة dodino2006

في الحقيقة انا مندهش من كم المناقشات التي تدور حول ترشيح البرادعي و كأننا نختار زعيم لقبيلة و ليس رئيس دولة، فهناك من يؤيده بشده و اخرون يرفضونه بشده، و اقطع ذراعي لو اي من الطرفين يستطيع ان يحدد ماهية توجهات البرادعي السياسية و الفكرية و غيرها من التوجهات، و ما هي خططه لإصلاح ما فسد، و ما جدوي خططه إن وجدت....

هل سأل احدكم نفسه إن كان البرادعي ذو توجه سياسي اسلامي او علماني او ليبرالي ؟؟ هل توجهاته الاقتصادية اشتراكيه ام رأس مالية ؟؟ هل يؤمن باقتصاد السوق المفتوح ام باقتصاد خاضع لسيطرة الدولة ؟؟؟

انا لست ضد البرادعي و لسه معه، فهو كرجل يستحق منا كل الاحترام و لا يستطيع مجادل ان ينكر دوره في رفع رأس مصر عالية، و لكن إذا قدر الله لنا في حياتنا ان نختار رئيس لمصر، فلن اعطي صوتي إلا لمن يمثل قناعاتي و توجهاتي، و لمن يستطيع ان يقنعني انه قادر علي تنفيذ وعوده و اجندته....

بصراحة رايك احرجني جدا وكلامك جامد اوي
بس دا ميغيرش من وجهة نظري انه لا يصلح حتى لو قدم برنامج قوي
وعلى فكره انا مرشحيني للرئاسة كتير مش حمدين وجمال بس لا في كمان رشيد محمد رشيد وال في رايي الاقدر على المهمة بس عارف ان الناس هتتريق عليا وللاسف مقدرش اقول بكره نشوف لان بكره هيبقى زي النهاردة

بالنسبة لاستخراج بطاقة انتخابية كل ال عليك تروح القسم ال تابع لمنطقتك السكنية بصورة البطاقة وتقولهم هاتو بطاقتي الانتخابية
وعلى فكره الموضوع عكس ما الناس متصورة الناس مش بتقى كرهاك ولا حاجة بالعكس بيبقو مرحبين بيك جدا خاصة لو شباب باستثناء اللواء ال بيختمها بيبقى كشر اويييييييييييييييييييي
وممكن تلاقي حاجة تساعدك اكتر على اللينك دا
Anmelden | Facebook

علي ...

انا عايز اقولك بالعكس رشيد رجل كويس وواعي و في رأيي رجل دولة من الطراز الأول و انا فعلا عاجبني جدا الراجل دة

مشكلتة انة معندوش طموح سياسي و مش عايز يترشح و اتعرض علية الموضوع كذا مرة لكنة خايف تقريب (حنعملة اية؟)

انا في رأيي لو الناس عملت ضغط شعبي قوي حيبدأ وقتها النظام يتفاوض لأن علية ضغط، و دة اسلوب سلمي و ديموقراطي و حضاري و مش عايزين ننسي ان ثورة 1919 قامت بتوكيلات لسعد زغلول و تعتبر احد اكتر الثورات الشعبية السلمية في التاريخ

و عايز اقول حاجة لأحمد لية منخليش أحلامنا كوابيس بالنسبة ليهم مش كوابيس بالنسبة لينا إحنا ؟ احنا الناس و الشرعية في أي حد في التانية ولو عوزنا حاجة كل الدنيا و كل الأحرار في العالم حيقفوا معانا، زي ما السود قعدوا في جنوب افريقيا يتبهدلوا لكن يوم ما قاموا العالم كلة وقف معاهم في قضيتهم العادلة

المشاركة الأصلية كتبت بواسطة amrbakly

علي ...

انا عايز اقولك بالعكس رشيد رجل كويس وواعي و في رأيي رجل دولة من الطراز الأول و انا فعلا عاجبني جدا الراجل دة

مشكلتة انة معندوش طموح سياسي و مش عايز يترشح و اتعرض علية الموضوع كذا مرة لكنة خايف تقريب (حنعملة اية؟)

انا في رأيي لو الناس عملت ضغط شعبي قوي حيبدأ وقتها النظام يتفاوض لأن علية ضغط، و دة اسلوب سلمي و ديموقراطي و حضاري و مش عايزين ننسي ان ثورة 1919 قامت بتوكيلات لسعد زغلول و تعتبر احد اكتر الثورات الشعبية السلمية في التاريخ

و عايز اقول حاجة لأحمد لية منخليش أحلامنا كوابيس بالنسبة ليهم مش كوابيس بالنسبة لينا إحنا ؟ احنا الناس و الشرعية في أي حد في التانية ولو عوزنا حاجة كل الدنيا و كل الأحرار في العالم حيقفوا معانا، زي ما السود قعدوا في جنوب افريقيا يتبهدلوا لكن يوم ما قاموا العالم كلة وقف معاهم في قضيتهم العادلة

اولا انا بحييك على اسلوبك في الحوار والرد وال يخلي اي حد يحبك
ثانيا بالنسبه للضغط على النظام ف دا بقى شيء صعب
الناس للاسف هنا بتجري ورا التافه
انا مش عايز اقولك في كام واحد عارفه قالي بدون اي فكاهة انه ال نعرفه احسن من ال منعرفوش
وفي ناس فاكره ان عدم الدفاع عن اسم مصر دا حنكة سياسية عشان منحاربش دبان وشنا
للاسف ال النظام عايزه بيعمله
يعني لما حبيت انا عن نفسي اعبر عن رايي في غلط عمله نظام اصغير بكتيييييييييييير وهي ادارة الكلية عندنا لما طالب ساقط نجح بالرشوة في الاول كله قال انا معاك عملت ورقة احتجاج وروحت اقول لصحابي امضو
من اصل اكتر من 150 واحد بلا مبالغة ال مضى على الورقة 4 وفي خامس بس مضى وخلاص ميعرفش هو مضى على
صحيح انا مسكتش والطالب دا سقط لاني خليت الكلية كلها تعرف انه ناجح رشوة بالتالي ال نجحه خاف وسقطه بس دا لاني بالنسبه للكلي كتييييييييييير واحد من 5000 انما بالنبسه لمصر انا واحد من 80000000 ولما احب اخليني 2 او 3 ساعة الجد برجع واحد تاني

المشاركة الأصلية كتبت بواسطة dodino2006

في الحقيقة انا مندهش من كم المناقشات التي تدور حول ترشيح البرادعي و كأننا نختار زعيم لقبيلة و ليس رئيس دولة، فهناك من يؤيده بشده و اخرون يرفضونه بشده، و اقطع ذراعي لو اي من الطرفين يستطيع ان يحدد ماهية توجهات البرادعي السياسية و الفكرية و غيرها من التوجهات، و ما هي خططه لإصلاح ما فسد، و ما جدوي خططه إن وجدت....

هل سأل احدكم نفسه إن كان البرادعي ذو توجه سياسي اسلامي او علماني او ليبرالي ؟؟ هل توجهاته الاقتصادية اشتراكيه ام رأس مالية ؟؟ هل يؤمن باقتصاد السوق المفتوح ام باقتصاد خاضع لسيطرة الدولة ؟؟؟

انا لست ضد البرادعي و لسه معه، فهو كرجل يستحق منا كل الاحترام و لا يستطيع مجادل ان ينكر دوره في رفع رأس مصر عالية، و لكن إذا قدر الله لنا في حياتنا ان نختار رئيس لمصر، فلن اعطي صوتي إلا لمن يمثل قناعاتي و توجهاتي، و لمن يستطيع ان يقنعني انه قادر علي تنفيذ وعوده و اجندته....

كلامك سليم 100% في الوضع الطبيعي. يعني لو كانت الديمقراطية مستقرة واحنا نملك رفاهية الاختيار بتأني. لكن وضع البلد دلوقتي من فساد وتدهور بيتطلب مننا اننا نختار واحد يمسك البلد لفترة انتقالية ويعمل اصلاحات ويمهد لوضع سياسي سليم بغض النظر عن توجهاته السياسية/الاقتصادية طالما يؤمن بالحريات. الموقف خطر ولو ج. م. مسك الحكم يبقى قدامنا 40 سنة كمان عقبال ما تجلنا فرصة عشان نصلح الوضع.

المشاركة الأصلية كتبت بواسطة madooo

الحلقه دى للدكتور محمد البرادعى مع منى الشاذلى بيتكلم فيها عن منصبه و تصوره لمستقبل مصر
ياريت الناس اللى متعرفش حاجه عنه غير الكلام الى الحزب الوطنى بيردده يتفرج عليها هى الحلقه أكتر من ساعه بس تستحق المشاهده

[youtube]http://www.youtube.com/watch?v=7hvq3grklym[/youtube]
تانى حاجه بالنسبه للبطاقه الانتخابيه ايه هى خطوات استخراجها

لأ و لا عضو بيقولك البرادعي عمل إيه في دنيته !! أتفرج على الفيديو .
و الله ما فيش مقارنه مع أي مرشح حالي خالص
و الناس اللي بتتكلم على برنامجه الإنتخابي هو الراجل هيعلن ترشحه و برنامجه في نفس اليوم

المشاركة الأصلية كتبت بواسطة aly_hosny

اولا انا بحييك على اسلوبك في الحوار والرد وال يخلي اي حد يحبك
ثانيا بالنسبه للضغط على النظام ف دا بقى شيء صعب
الناس للاسف هنا بتجري ورا التافه
انا مش عايز اقولك في كام واحد عارفه قالي بدون اي فكاهة انه ال نعرفه احسن من ال منعرفوش
وفي ناس فاكره ان عدم الدفاع عن اسم مصر دا حنكة سياسية عشان منحاربش دبان وشنا
للاسف ال النظام عايزه بيعمله
يعني لما حبيت انا عن نفسي اعبر عن رايي في غلط عمله نظام اصغير بكتيييييييييييير وهي ادارة الكلية عندنا لما طالب ساقط نجح بالرشوة في الاول كله قال انا معاك عملت ورقة احتجاج وروحت اقول لصحابي امضو
من اصل اكتر من 150 واحد بلا مبالغة ال مضى على الورقة 4 وفي خامس بس مضى وخلاص ميعرفش هو مضى على
صحيح انا مسكتش والطالب دا سقط لاني خليت الكلية كلها تعرف انه ناجح رشوة بالتالي ال نجحه خاف وسقطه بس دا لاني بالنسبه للكلي كتييييييييييير واحد من 5000 انما بالنبسه لمصر انا واحد من 80000000 ولما احب اخليني 2 او 3 ساعة الجد برجع واحد تاني

ما هو للأسف الناس بتقولك احنا مالنا و اللي نعرفة احسن من اللي معرفوش و كل الأكليشيهات المصرية المملة دية و تكبير النافوخ اللي بيخلينا نعمل أسد علي بعض و نتحول بقدرة قادر نعامة علي امين شرطة

بس هو الفكرة لو الراجل تغيب الصبح لأي سبب حنعمل اية ؟

معتقدش ان المصريين بقوا عندهم رفاهية توهان طفل من امة في مولد، لأننا فعلا بقينا تايهين توهان مهبب و مبسوطين ان الوضع كدة اهو الراجل ربنا يديلة طولة العمر و اهي ماشية

نكونش احنا اللي مغامرين زيادة عن اللزوم ؟

.