خناقات مع الجيران

**human** · 13-12-2009 04:08 PM

انا جارى اللى تحت مكفر سيئات اهلى

**amr.elsayed** · 13-12-2009 04:13 PM

المشاركة الأصلية كتبت بواسطة Tyler_Durden

٩٥ % من الشعب ده مكانه مستشفى العباسية

+1
عايز اقول كدة بس خايف من السنجة

اكتر حاجة بتغيظنى لما اشوف واحد غارز حديد فى الارض عشان محدش يركن
غير سعادته ببقى عايز اشيل الحديد واديله بيه فوق دماغه

**Abo_Lina** · 13-12-2009 04:16 PM

طيب دول الجيران و ممكن نقاطعهم و نريح دماغنا
طب القرايب نعمل فيهم ايه

**kareemhisham** · 13-12-2009 04:28 PM

الحاجة الوحيدة الكويسة العملوها جرانى .. هما انهم علمونى انى عمرى ما اتصدر فى حاجة ابدااااا

**نور القمر** · 13-12-2009 04:36 PM

المشاركة الأصلية كتبت بواسطة human12

انا جارى اللى تحت مكفر سيئات اهلى

اللي بيتخانقوا معاك عشان بتركب انبوبة ؟؟؟

علاقتي بجيراني لا تتجاوز سلام عليكم وعليكم السلام
وفي ناس لو شوفتهم في مكان غير البلكونة مش هعرفهم في الشارع
دلوقت علاقتي بقرايبي الجيران اقتصرت على السلامات والطيبات وخلاص فينش

بس كان في حتة خناقة من اسبوعين عند الجيران عايزة موضوع لوحده
فيها كل مظاهر الفساد واستغلال السطلة والنفوذ وفي نفس الوقت فيها شهامة وجدعنة الجيران

**Eng_Mostafa_89** · 13-12-2009 04:41 PM

انا واخد شقة جديدة فى عمارة والشقة مش متوضبة المهم عايزين نوضب
اول حاجة جبنا ونش علشان نطلع الرمل والاسمنت وننزل الردش وكدة تيجى الجيران تقولك اية لا انت كدة هتكسر السلم وانت طالع بالحاجة دى (اجزاء الونش)وكمان الونش هيكسر وجهة العمارة وهو شغال قلتلهم اعمل اية خلاص انا اجرت الونش ادفعولى حق الايجار وانا امشية طبعا كل واحد دخل شقتة
المهم بعديها بكام يوم جبت شوية طلبات تانى وقلت اجيب عمال يطلعوها (اوفر من ايجار الونش) وانا بطلع الحاجات من علىة السلم لقيت واحد من العمارة طالعلى يا استاذ انت كدة هتوسخ السلم رديت وقلتلة وانا اعميل اية اجيب ونش مش عجبكم اجيب عمال مش عجابكم ان شاء الله المرة اللى جية هعمل مهبط طائرات فوق العمارة وابقى اجيب الحاجة بالطائرات اعتقد دى مش هتضركم

دة موقف من ضمن المواقف
استنوا لسة فى مواقف كتير هكتبها بعدين لما افضى
انا دلوقتى بقيت مسجل خطر فى العمارة وعمال مشاكل مع 4 شقق من 21 شقة وعلى فكرة المشاكل الشقق اللى متخانق معاهم هما دول اللى المفروض انى رايح العمارة وفى بينا سابق معرفة

**Eng_Mostafa_89** · 13-12-2009 04:43 PM

المشاركة الأصلية كتبت بواسطة نور القمر

بس كان في حتة خناقة من اسبوعين عند الجيران عايزة موضوع لوحده
فيها كل مظاهر الفساد واستغلال السطلة والنفوذ وفي نفس الوقت فيها شهامة وجدعنة الجيران

احكى طيب عايزين نتفرج

**Mohamed.Ramah** · 13-12-2009 05:16 PM

المشاركة الأصلية كتبت بواسطة mohamedezat

ادينا بنفضفض وندردش ونفرفش ونزجطط

ههههههههههههههههههههههههه :10d5c8~1107:

**Mohamed.Ramah** · 13-12-2009 05:33 PM

احنا جرانا اللى جمبينا مزعجين شد وخناقات مع بعضهم وصوت عالى طبعا وصوتهم كلوا معايا فى الاوضة لدرجة انا بروح انام فى living من كتر دوشتهم ثانيا حشريين اوى وبيرمو نفسهم كل شوية حاجة ملل واللى تحتينا علاقة غير وطيدة اوى وخصوصا صاحب العمارة بسبب الركنة مرة ثانيا بسبب مشاكل كامنة من سنين مكنتش لسة اتولدت مع افتراض حسن النوايا من ناحيتنا وسوئها من ناحيتهم دا حتى السلام عليكم مكنوش بيردوها او بيقولوها

**amrbakly** · 13-12-2009 05:37 PM

مرة بيغسلوا الشيش وقعولي الشيش علي العربية و عينك ما تشوف إلا النور

خبطة في السقف و الباب الشمال بسبب سن الشيش و الإرتفاع عاملة زي ما تكون العربية واخدة كرباج ، و المشكلة انها جاية في طرف السقف يعني تقدر تقول أخدت خبطة في العارضة

و طبعا مقدرتش افتح بوقي، الناس أول ما خبطوة قالولي الشيش اتفك غصب عننا و احنا مستعدين ندفع تمن التصليح، فطبعا من زوق الناس اتكتمت رغم ان الجنب الشمال شكلة مشوهه بالنسبة ليا بسبب الخبطة دية و لحد النهاردة مش عارف اصلحها و لا مصلحهاش، و طبعا يوم ما أجيب ابيع العربية حلاقي اللي حيشتريها فية فتاكة الدنيا و مش بعيد يقولي نزل 5000 جنية من تمن العربية علشان الخبطة كنوع من الإستهبال يعني ما هي ناقصاة هو كمان رغم ان السمكري قال متكلفكش 70 جنية يعني و اعملها عادي دية مش خبطة في الدواخل بس فعلا مش عارف اعملها ولا لأ

الموضوع: خناقات مع الجيران

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الجيران الساقعة

الكلااااااب عند الجيران

شقة الجيران ولعت......

خناقات بسبب البنات

الكلمات الدلالية لهذا الموضوع

المفضلات

المفضلات

ضوابط المشاركة