والارتفاع عن الأرض ، قد ايه فى العربيتين؟
والارتفاع عن الأرض ، قد ايه فى العربيتين؟
أشكر حضرتك ياأستاذ كريم عالمقارنه الموضوعيه والمجهود الرائع ...
على فكره موتور الcrv هو هو إللي في الأكورد وطبعا قصدي على مويل 2009
لأنها كانت معايا فتره بتاعت واحد صاحبي وكان إستخدمها للبنزين عادي في المعقول بس بصراحه مواتير الهوندا زي البركان الخامد ... متعرفشي إيه إللي بيحصل لما تركب أي هوندا ... أنا عن نفسي السيارة تحسسك بالغرور وإنك ممكن تاكل الطريق ربنا يبارك فيها لملاكها .
مقارنة متكافئة لأبعد الحدود
======================================
مقارنة جميلة ومختصرة
خلوص السيفيك 10.9 سم ودا اهم عيب فى السيارة بالنسبة للطرق المصرية ممكن حضرتك تضيفه لعيوب السيارة مع ان لو الطرق زى بقية خلق الله فى معظم بلاد العالم لكانت هذه السيارة وحتى مع انخفاض خلوصها من احسن ان لم تكن احسن سيارات فئتها تقبل تحياتى:Y_hi_3[1]:
معلش اللى بيقول ان موتور الكورولا يأتي بعد السيفيك لازم يقرا كتير. هو معندوش فكرة عن الموتور الجديد ال دوال في في تي ، و ده موضوع لوحده، بلاش ده الفتيس ال ايزيترونيك مجبتش سيرته خالص، و مجبتش سيرة فتيس السيفيك يعني. واضح انك منحاز للسيفيك لسبب ما غير فني و غير هندسي، و في النهاية طبعا شكرا على تقريرك، و لكن هذا رأيي في النهاية اقبله أو ارفضه و لكن ادرسه أولا.
==================================
دا رابط الموقع وهو على فكرة موقع محترم واحترافى ودقيق ولو حضرتك حبيت اقوللك على مواقع تانية ماعنديش مانع
CarSyr :: ط§ظ„ظ…ط¬ظ„ط© ط§ظ„ط§ظ„ظƒطھط±ظˆظ†ظٹط© ظ„ظ„ط³ظٹط§ط±ط§طھ
حضرتك انا معايا الكورولا الفيها الموتور الdual VVT-i البينتج 122 حصان .. لو حضرتك قصدك على دة ..
و انا جربت السيفيك و سقتها .. و احب اقول لحضرتك اني بعد تجربة ليست قصيرة .. السيفيك كتجميع و جري .. فهي افضل من الكورولا بفارق بسيط ..
و موتور السيفيك ينتج 124 حصان .. يعني الموتورين يتنافسوا مع بعض بقوة .. ايه بقى الشئ الهندسي او الفني اليميز موتور الكورولا عن السيفيك في الاداء ؟
اما عن الفتيس .. فهو مش الايزيترونيك .. هو الmm-t ..
و طبعا هو يتفوق على فتيس السيفيك لانه مبني في الاساس على المانيوال .. عكس فتيس السيفيك الهوا اوتوماتيك pure ..
و لكن الفتيس الmm-t .. خلاص مش هينزل تاني .. و اخد سمعة وحشة في مصر .. و من منتصف 2009 بدأت الكورولا تنزل بفتيس اوتوماتيك عادي 4 سرعات ..
و لذلك ليس من العدل اني اقارن الفتيس المانيوال بالاوتوماتيك .. خصوصا مع تقارب قوى المحركين ..
لازم اقارن اوتوماتيك باوتوماتيك او مانيوال بمانيوال .. و السيفيك مش بينزل منها مانيوال
و الغريب ان حضرتك بتقولي منحاز لسيفيك .. مع اني امتلك الكورولا و بحبها جدا و مش ندمان تماما على اني اشترتها .. و شايف انها بتنافس السيفيك بشدة .. و لكنها ستنتصر عليها بفرق في الفترة القادمة ..
و ذلك لازدياد سعر السيفيك الbasic لاين ليصل ب158 الف .. بينما الكورولا هاي لاين ب160