الموضوع: ايه رأيكم فى موبيلات سامسونج

المشاركة الأصلية كتبت بواسطة Ahmed0Nouh

اسمه C3212 وسعره فى شناوى 760 جنيه

دى مواصفاته

Samsung C3212 - Full phone specifications

وفى كمان C5212 امكانياته اعلى وشريحتين و ب 800

Samsung C5212 - Full phone specifications

الشناوى اسعاره رخيص شوية , لان c5212 شوفته فى كارفور ب 840

المشاركة الأصلية كتبت بواسطة HaMeD_73

ايه رايكم ف سامسونج
somsong star s5233 touch

ناوى اجيبه ان شاء الله ايه رايكو فيه وياريت حد لو استعمله يقولى خصائصه بالتفصيل وفيه وير لس ولا وثرى جى ولا

انا كنت جايبه هديه لاخويا واستعملته اسبوع الاول علشان كنت بفكر فيه , استغلال يعنى :)

التليفون حجمه كويس جدا وخاماته ما بين متوسط وممتاز وشكله يوحى بأعلى من سعره بكتير

ميزته اللى مش هتلاقيها فى كل المنافسين فى كل السعر ده هى حجم الشاشه ال 3 بوصه ومدى حاساسيتها واللى بجد تحفه , ال HTC والنوكيا لحد ال 2000 جنيه هتلاقيهم اسوء منه فى النقطه دى بكتير

واجه المستخدم فيه رائعه وتديك احساس انه اغلى من ثمنه بكتير , مثلا الخلفيه عباره عن 3 صفحات تقلب بينهم يمين وشمال عن طريق انك تشدها و فيه ويدجت على جانب الشاشه بتحط فيها اختصارات لكل الوظائف الى بتحتاجها وتخرجهم على الخلفيه نفسها تستعملهم وترجعهم تانى او تسيبهم براحتك وكذلك تقدر تحرك اى حاجه على الخلفيه وتغير مكانها زى ما تحب يعنى ببساطه انت اللى بترسم شكل واجهه التليفون

مساحته الداخليه 50 ميجا بس بياخد كارت لحد 16 جيجا وشخصيا استعملته على كارت 8 وكان شغال كويس جدا بدون تقطيع او تهنيج

الكاميرا 3.2 ولو كنت مش واخد على التليفونات اللى بكاميرات نقيه اوى هتحس انها تحفه فى الصور بس بصراحه معجبتنيش مقارنه بكاميرات السونى اريكسون

صوته جميل جدا سوءا على السماعه الخارجيه او الهيدسيت وفيه سنسور للحركه تقدر عن طريقه تستعمل بعض الوظائف زى تقليب الصور وعرض اى حاجه بعرض الشاشه وبيتعرف على الكتابه بالايد وممكن حتى تظبط حرف معين لما تعمله على الشاشه يفتح لك اللوك

فيه برنامج لخرائط جوجل وبيشتغل عليها اون لاين بس مفيهوش GPS

حسب الريفيوهات ودى شخصيا ملحقتش اجربها انه ممتاز فى تصفح النت وان البروزر اللى فيه ذكى قوى وامكانياته عليه وكمان بينزل عليه اوبيرا لو بتحب تشتغل عليه

عيوبه ان لا يدعم ال 3G ومفيهوش فلاش فى الكاميرا والبرامج بتاعته مش منتشره اوى ولو انت من النوع اللى بيغير الكارت كتير هيضايقك ان الكارت تحت البطاريه

وفى منه نسخه تانيه اغللى ب 200 جنيه فيها واى فاى لو انت مدمن نت على الموبايل

شخصيا اشتريه وانا مغمض وفعلا هجيبه قريب , المنافس الوحيد ليه فى السوق ال LG KP500 واتفرجت عليه مع واحد زميلى زباله بصراحه شكل او خامه او امكانيات

وفى برده النوكيا 5230 افضل منه فى حجم الشاشه وفيه 3G بس بصراحه مجربتوش لكن اللى بسمعه عن النوكيا تاتش سكرين مش حلو

Nokia 5230 - Full phone specifications

وده حسب ما اعرف متوفر فى رايه بحوالى الف ونص

انا شايف ان فى سعر السامسونج مفيش منافس نهائى