الموضوع: ايه رأيكم فى موبيلات سامسونج

طيب هو ف تصوير فيديو ولا

انا مجربتوش فعليا بنفسي
بس الي اعرفه طول عمر السامسونج صوته اكتر من تحفه حضرتك تقدر تشوف الريفيوهات علي النت لان الكل بيشكر فيه .. وهو مش احسن موبايل يعني لكن هو بالنسبة لسعره اكتر من رائع صعب انك تلاقي زيه في فئه الالف جنيه اصلا
الكاميرا بتاعته 3 ميجا بكسل وصورتها كويسة اوي بس عيبها مفيش فلاش ضوئى للاسف.

واعتقد برضه يوتيوب كمان بيدي تغطيه حلوة للشكل والامكانيات بتاعت اي موبايل

وسعره من 875 ل890 تقريبا في السوق


بالتوفيق

شكرا يمان
وبالنسبه للتصوير الفديو

تصوير الفيديو مش قوى فى التليفون وهو شغال بكاميرا 3.2 والفيديو 15 فرام فى الثانيه بس , جوده الصور كويسه جدا ولكن مش الافضل فى الفئه دى وتليفونات سونى اريكسون تقطعه فى الموضوع ده

شاشته 3 بوصه والالوان فيها جيده و التاتش بتاعه فوق الممتاز واستجابته كويسه جدا وحتى البروسيسنج بتاع التليفون كويس ومفيهوش البطئ اللى فى تليفونات تاتش كتير زى ال lg من نفس الفئه مثلا

التطبيقات فيه مش كويسه قوى لأنها جافا بس الالعاب فيه بالملايين وغالبا لأستخدام مش بيزنس مش هتحتاج برامج معينه ومتلاقيهاش يعنى مثلا البروزر بتاع النت اللى فيه ممتاز جدا وتطبيقات الفيس بوك والفوتو بوكيت والمواقع المشهوره دى كلها بتشتغل عليه ممتازه وحتى فيه برنامج للشغل على خرايط جوجل اون لاين بس طبعا مفيهوش gps ريسيفر

صوته محترم جدا جدا جدا واعلى من كل النوكيات اللى شوفتها واعلى كمان من الايفون ودى كانت مفاجأ ليا بصراحه , وده ميقللش ابدا من جوده صوته سواء فى السماعه الخارجيه او الهيد سيت

بيستقبل لحد 16 جيجا كروت وانا شغال بيه بكارت 8 كويس جدا , وخصائص الاتصال فيه سهله جدا وبسيطه

بيفتح ملفات الوورد والاكسيل والبوربوينت وال pdf

شخصيا انا مبسوط بيه قوى ومش محتاج منه حاجه تانى

عيوبه : 1 - مع البرامج اللى فيها وظايف كتير ممكن تلاقيه بيقف حوالى 3 ثوانى بين ادخال البيانات والرجوع تانى للبرنامج
2 - مفيهوش فلاش فى الكاميرا ودى حركه زباله قوى
3 - الكارت تحت البطاريه ودى عيب للناس اللى تغير الكارت وتشيله وتحطه كتير
4 - احساسى انه مش هيقوم لو اتخبط منى مره واحده مع ان خاماته تبدو محترمه بس خفه وزنه محسسانى انه نايتى

لو معاك مبلغ فوق ال 1500 طبعا مبتبصش عليه نهائى لكن لو عايز اعلى امكانيات فى رنج ال 1000 جنيه التليفون ده ملوش منافس

المشاركة الأصلية كتبت بواسطة ahmed0nouh

4 - احساسى انه مش هيقوم لو اتخبط منى مره واحده مع ان خاماته تبدو محترمه بس خفه وزنه محسسانى انه نايتى

فظييييييييع انا بجد فطسان من الضحك ربنا يكرمك علي خفة دمك
علي فكره انا برضه كنت حاسس كدة مع نوكيا 5800 اول ماجبته بس والله شاف الذل معايا وخصوصا لما كنت بشغله في العربيه ويتهبد كل شوية وشغال زي الكلب ههههههه لما اتسرق مني عملت عليه حداد من قبل رمضان لحد دلوقت مشلتش موبايل

طب انا معايا 1200 وكنت هجيب النسخه الى فيها واى يرلس ترشحله حاجها شبيه تانى فالسامسنونج اوة النوكيا ف السعر ده وامكانيتها الى حد ما قريبه

المشاركة الأصلية كتبت بواسطة Haitham10

فظييييييييع انا بجد فطسان من الضحك ربنا يكرمك علي خفة دمك
علي فكره انا برضه كنت حاسس كدة مع نوكيا 5800 اول ماجبته بس والله شاف الذل معايا وخصوصا لما كنت بشغله في العربيه ويتهبد كل شوية وشغال زي الكلب ههههههه لما اتسرق مني عملت عليه حداد من قبل رمضان لحد دلوقت مشلتش موبايل

الله يكرمك يا باشا :) , ههههههههه
هو حتى الان محصلش وانه وقع منى او اتخبط بس مسيره فى يوم ياخد نصيبه من العنف

المشاركة الأصلية كتبت بواسطة HaMeD_73

طب انا معايا 1200 وكنت هجيب النسخه الى فيها واى يرلس ترشحله حاجها شبيه تانى فالسامسنونج اوة النوكيا ف السعر ده وامكانيتها الى حد ما قريبه

قبل ال 1400 جنيه مش هتلاقى منافس ويعتبر اقرب منافس ليه من نوكيا هو ال 5230 ممكن تشوف مين الانسب ليك من الاتنين مع الملاحظه ان استخدام الواى فاى فى الستار الناس بتشتكى منه انه صعب وكفائته مش عاليه

انا بصراحه معرفش حد جربه بس الريفيوهات اجمعت على النقطه دى

على العموم هو ال 5230 نازل ينافس الستار رأسا وهو افضل منه فى توافر البرامج لنظام السمبيان والشاشه اكبر 3.2 بوصه فى حين ان الستار 3 بس و بيدعم تقنيات ال 3g فى حين ان الستار لا يدعمها وكمان بيشتغل GPS ودى اهم ميزه فيه

لكن الستار اخف منه وارفع منه و اسهل فى التعامل وصوته افضل وفى نسخه متوفره بواى فاى عكس النوكيا وبطاريه الستار افضل من النوكيا لو انت مهتم بوقت الشحن وبتتكلم كتير وكل ده مازال فرق السعر فى صالح الستار

لو انت محتاج الامكانيات اللى فى النوكيا يبقى هو احسن لكن لو مش محتاج الامكانيات ودى يبقى الافضل توفر الفلوس وتجيب الستار

شكرا ليك ع ردك ومتابعتك الجميله

هو فيه من العداى زى ماقولت لحضرتك ب 1000 جنيه بس اما بحب ادخل ع النت كثير ف قولت الوير لس هيبقى اكيد شى جميل وكاميراتها حلوه بس طبعا يعيبها زى ماحضرتك قولت انها من غير فلاش انا بامنه ماسك نوكيا بقالى اكثر من 7 سنين ف نفسى اغير ومحتار والى معايا 1200 ف محتار حاجه ف نفس السعر وقريبه من ستار