المعدل الفعلى لاستهلاك البنزين فى الانسر 1600

**أبوسيف** · 03-12-2007 06:44 PM

أنا عربيتى بتعمل حوالى 240 فى الصفيحة بس هى لسة مكملتش 2000 كيلو وانا بمشى على سرعات عالية 120 - 140 ، سمعت ان الإستهلاك بيتحسن مع الوقت ، لكن انا شايفه معقول بالنسبة ل 1600.
انا عربيتى مانيوال خليجى موديل 2008 الشكل القديم وبحط بنزين 92.

**اسلام المصرى** · 03-12-2007 07:45 PM

الله يخليك يا أستاذ tutankhamoun ده بس من ذوق حضرتك :)
شكرا جزيلا يا أستاذ عماد على المعلومات , جزاك الله خيرا :)
شكرا جزيلا يا أخ أبوسيف :) جزاك الله خيرا.

**limo** · 04-12-2007 11:16 AM

شكرا جزيلا
كده الصوره اتضحت شويه ان المانيوال بيفرق عن الاتوماتيك فى استهلاك البنزين حوالى 40 او 50 كم
طيب لو ناوى ان شاء الله على لانسر 1600 مانيوال ايه رأيكم اجبها خليجى ولا مواصفات مصرى ؟

**tutankhamoun** · 05-12-2007 06:24 AM

المشاركة الأصلية كتبت بواسطة limo

شكرا جزيلا
كده الصوره اتضحت شويه ان المانيوال بيفرق عن الاتوماتيك فى استهلاك البنزين حوالى 40 او 50 كم
طيب لو ناوى ان شاء الله على لانسر 1600 مانيوال ايه رأيكم اجبها خليجى ولا مواصفات مصرى ؟

يا أستاذ Limo أنا إللي أعرفه إن العربية اللانسر المصري أحسن علشان موضوع الضمان فقط
أما السيارتين نفس المواصفات مع أختلاف بسيط ........ و الله أعلم ( بأسمع كدا من كل الناس )
و الله المستعان

**أبوسيف** · 05-12-2007 01:07 PM

شكرا جزيلا
كده الصوره اتضحت شويه ان المانيوال بيفرق عن الاتوماتيك فى استهلاك البنزين حوالى 40 او 50 كم
طيب لو ناوى ان شاء الله على لانسر 1600 مانيوال ايه رأيكم اجبها خليجى ولا مواصفات مصرى ؟

اللى كان بيميز الخليجى عن المصرى هو فرق السعر اللى كان بيوصل أحيانا ل 10 ألاف جنيه ، لكن اللى ملاحظه دلوقتى ان الأتنين قربوا من بعض قوى ، يمكن فرق ألف ولا أتنين اللى ما يستاهلش انك تضحى بالضمان وال Abs.
أنا شايف انك تاخد لفة على المعارض واسأل على الأتنين ، لو لقيت الفرق أكتر من 5000 خد الخليجى خاصة ان فيها كماليات أعلى من المصرى زى الكاسيت سى دى Mp3 وإيريال السقف وفوانيس كريستال وأبانوس فى التابلوه ومسند للكنبة اللى ورا. أقل من كدة يبقى خد المصرى. وبقى قولنا رسيت على ايه علشان نباركلك

**limo** · 05-12-2007 05:23 PM

شكرا لكل من اسلام المصرى tutankhamoun emadfk roadmaster أبوسيف وابو عبالله و casber على الردود وكل من شارك فى الرد
انا بس مستنى ابيع عربيتى القديمه وانزل لفه حلوه كده على المعارض
انا والله نفسى اركب اتوماتيك بس خايف ليكون استهلاكها للبنزين عالى خاصتا انا معظم سواقتى داخل البلد فعلشان كده انا مستقر على المانيوال الى ن يثبت العكس فى الاتوماتيك

**Ayman2007** · 09-12-2007 08:28 AM

انا معايا لانسر خليجي 1600 سي سي أوتوماتيك موديل 2007 معدل استهلاك البنزين
(بنزين 95) في المتوسط لتر البنزين بيعمل حوالي 12 أو 12.5 كم يعني الصفيحة بتعمل حوالي 240 او 250 كم و في الغالب لما بأفول بأصفر العداد B بتاع الكيلومتر و أول ما عداد الكيلومتر B يعد 500 كم أفول تاني و في التفويلة العربية بتاخد حوالي 40 لتر بنزين 95

**limo** · 09-12-2007 09:41 AM

المشاركة الأصلية كتبت بواسطة Ayman2007

انا معايا لانسر خليجي 1600 سي سي أوتوماتيك موديل 2007 معدل استهلاك البنزين
(بنزين 95) في المتوسط لتر البنزين بيعمل حوالي 12 أو 12.5 كم يعني الصفيحة بتعمل حوالي 240 او 250 كم و في الغالب لما بأفول بأصفر العداد B بتاع الكيلومتر و أول ما عداد الكيلومتر B يعد 500 كم أفول تاني و في التفويلة العربية بتاخد حوالي 40 لتر بنزين 95

شكرا جزيلا يا استاذ ايمن على الرد
كنت عايز استفسر منك على حاجه
240 كم فى الصفيحه جوه البلد ولا خارجها وا
والفتيس الcvt عامل معاك ايه ؟وايه نظامه فى الشد

**Ayman2007** · 12-12-2007 09:11 AM

شوف يا Limo

هي العربية بصراحة ممتازة بس أنا ما بأحسبهاش قوي يعني الـ 500 كم بتوع التفويلة بيبقوا مخلطين شوية زحام و شوية على طرق طوالي بس يعني تقدر تقول إن 70% منهم على طرق مفتوحة بحكم إن أنا ساكن في العبور و حوالي 30% منهم بيبقوا في الزحمة لما بننزل من العبور آخر الأسبوع

بخصوص الفتيس أنا يا سيدي لا بتاع شد و لا جذب إحنا بنحاول نحافظ على الفتيس و العربية فيعني زي ما تقول كده ماشيين جوه الحيط مش جنب الحيط لا بنحاول نشد و لا نعند مع حد إللي عايز يعدي بنسيبه يعدي

إللي بيشد بقى و بيعمل أمريكاني و الذي منه ده غالبا" هتلاقيه هو إللي بيشتكي من اللانسر و مش عاجباه

حافظ على الفتيس الأوتوماتيك يحافظ عليك و خللي بالك لو فتح منك الأوتوماتيك ها تتبهدل

**atolba** · 12-12-2007 10:43 AM

an important precaution for those who have the laancer cvt gear box ! it`s very important to take care for the cvt cause once there is a failure in the gear box in any component u will have to change the whole gear box no repairs can be done for this gear box and u have to use the mitsubishi approved cvt oil only !