اقتباس:
مش عارف ليه كرهت الاوتوماتيك....اعتقد اللي حصل انك اتعاملت مع ميكانيكي مش فاهم...عارف لو كنت رحت لواحد تاني ..بيفهم كان عمل ايه...كان شال الفتيس الاوتوماتيك القديم وغيرلهولك بواحد استيراد هتلاقيه افضل الف مره وعارف سعره هيكون في حدود 1000 -1500 ج وكنت اشتريت دماغك....انا الميكانيكي اللي بعمل عنده- معاه ليجانزا اوتوماتيك وانا استغربت جدا انه جايب اوتوماتيك مش مانوال وبيشكر فيها جدا....انا مش عايزك تزهق بسرعة كده...انت لو كنت سالتنا قبل ما تغير لمانوال كنا اشرنا عليك.....وكمان كنت ممكن تغير الفتيس الاوتوماتيك بفتيس مانوال لو حبيت...من غير ما تغيير العربية كلها وتخسر فيها كل الخسارة ديه واكيد اللي اخذها منك زمانه فرحان لانه هيعمل اللي انا قلته في الكلام اللي فات وتبقى العربية عشرة على عشرة(معلش انت اتسرعت)...على العموم قدر الله وماشاء فعل..وربنا يبارك لك في العربية الجديدة
مع خالص تحياتي
اقتباس:
الموضوع مش مستاهل العربيه أول لما تسخن وحساس حراره الزيت بيخرف حيدى معلومات خاطئه للكنترول بأن الزيت سخن جدا و بالتالى الكنترول سيعطى أوامر بفصل الكهرباء عن السنولويدات بالفتيس لزوم الحمايه .
وأنا مع رائيك لازم لمل أخد قرار تغير فتيس لازم يكون من متخصص فى الأتوماتيك طيب ده حتى معروف أن فتيس اليجانزا أحلى فتيس بينزل فى الدايو (هو هو بتاع الفولفو)
طيب أيه الخطوات الى اخدها الميكانيكى لتحديد العطل ولا هو الفتيس عطلان وخلاص و بيعها أو نغيره .
أنا مش بقول الكلام ده علشان ...نعقد حد أو نعيب فى حد المطلوب أن كلنا نستفيد من تجارب الأخرين وتأخذ حرصها فى ميكانيكيا بتأخذ الحل السهل والى يفتح بيه شغل و خاصا انه مش عارف سبب المشكله أيه .
حتى لو حنغير الفتيس بأخر أستعمال لازم أعرف سبب العطل أيه فى فتايس بتتغير على حاجات تافهه و يوم ما تغير لازم تفهم الميكانيكى أنك حتاخد الفتيس القديم حتى لو عرض عليك قرشين فى المقابل.
و أسف للأطاله أنا زعلان بس من الى حصل مع العضو الفاضل
المهم أنك بصحه وسعاده و فداك و كفاك الله شرها محدش يعرف الخير فين
تحياتى
متشكر جدا يا جماعه على تعاطفكم معايا
الواحد فالاخر بيئول الحمد لله
والأنسان مبيتعلمش ببلاش ((( فعلا ))) !!!!