اعمل مثلي وجرب وقل لي النتيجة انا استعمل
r
n
d
فقط وتمام الحمد لله
الراجل الي بيقول ان المشكلة بتاعت الفتيس الاتوماتيك هيا وضع بطارية سائلة هي دي المشكلة انتا راجل تماااااااااااااام وزي الفل مشاء الله عليك
انتا دماغك حلوة زي ما انتا قولت بالظبط
الاخ الي بيقول اني سعات r مش بيجي معاه ولازم يجيب n ,r,d
المشكلة دي تبيق في علبة البلوف او المخ بتاع الفتيس لانة طبعا من كتر الرواسب الي موجودة بتدخل في مجاري الخريطة بتاعت علبة البلوف فا بتعلق البلف وهكذا
اما بالنسبة للاخ الي معاه ليجنزا وبيقةل اية علاقة حساس درجة حرارة الزيت بفصل الفتيس
عموما اي فتيس كهرباء اي حساس فيها لو في ة مشكلة يفصل الفتيس او ممكن يأخد نقلاتة رزع او يأخر نقلة المهم اني هيا دايرة مغلقة مينفعش حساس يكون فية مشكلة
وبعدين ما تكشف عليها بالكمبيوتر هيقولك المشكلة فين وبعدين الاكيد ان الحساس بتاع درجة حراة الزيت ممكن يكون عايز يتغير
المشكلة الاكبر اني اي حد شغال في الفتيس الاتوماتيك بيشتغل حفظ يعني بيرس طوب المشكلة انة ممكن يحل الفتيس دة ومش عارف اصلا العيب فين بيحل وخلاص و الكلتش الي محروق بيغيرة وهكذا
انا جالي مرة صناعي فتيس اتوماتيك معاه عربية نوبيرا قالي عايز اكشف علي العربية بالكمبيوتر علشان العربية مخنوقة اووووووووي ومتسحبش
قلتة ماشي مفيش مشكلة كشفت علي العربية ملقتش فيها اي مشكلة قلتة انا هجرب العربية مجرد ما شقت العربية لاقيت المشكلة مش في المتور لاقيت المشكلة في الفتيس والمشكلة بسيطة جداااااااا بس علشان تعملها لازم تحل الفتيس كلة والمشكلة كانت في حاجة اسمها الجفرنر
السلام عليكم انا بدور على نوبيرا للبيع و ياريت تكون أتوماتيك بس كل الصنايعيه حتى التجار قالوا ليه المانيوال و لاحظت ان ان الاتوماتيك سمعته وحشة جداجدا بس للأسف احنا هنا فى مصر بنسلم دماغنا للصنايعيه مع كل احترام وتقدير لهم بره فى الفلبين مش هقول اليبان ولا كوريا ولا أمريكا فى الفلبين نقابات العمال بتراسل المشتركين و يتدربوا على أحدث تكنولوجيا وصلت فى السوق وليس فى العلم تقريبا مفيش ميكانيكى فى مصر بيقرأ أو يأخذ دورة صيانة فى توكيل مححد أو غيره علاوة على ذلك ممكن أكون دكتور أو مهندس أو محاسب لما أنوى أشترى للأسف الشديد بنلغى كل العلم اللى تعلمناه ورأى السمكرى والميكانيكى هو الأصح بل قرار) المهم انى لما وجهت المشكلة دى رحت مكان لبيع قطع غيار مستوردة المستعمل طبعا فى الحسنية فى المنصورة لقت الاتى الفتيس الأتوماتيك في النوبيرا نوعين 1- كهربا 2- واير والنوع الأخير(الواير)هو صاحب السمعة السيئة بل سببها وسعره كام أول كلمه من غير فصال و لانقاش (كنت بخذ سعر فقط)1000 جنيه ولو متور بالفتيس بتاعه 4000 فا ياريت الأخوة العضاء يوضح الأمور دى عشان أن لقيت زميل فى المنتدى سأل فى التوكيل لقاعه 6000 جنيه طبها أنا لما قرأت الرقم أول حاجة قولتها دى دايو يعنى لا تستحق ولن تستحق أنت تصل قطع غيارها للألمانى ولكن مش وحشة.على قد فلوسها.
انا عندى الزرار اللى فى راس الفتيس اللى بيعشق النقلة مش شغال فجاة يا ترى اية السبب
انتا مش بتفك الفتيس ولا حاجة انتا بتحل كارتيرة الفتيس وبتظهر قدامك الخريطة ويقوم الميكانيكي بحل الخريطة ويفكها من بعضها وينظفها كويس وبعدها يقفل الموضوع بسيط انشاء الله ووقت الموضوع دة يأخد بتاع ساعتين
مرحبا شباب
انا اشتريت نوبيرا 2003 اوتوماتيك
حالة العربية من جوة ممتازة المشكلة انها كانت مركونة فترة طويلة كانت رخصتها منتهية
مشكلها ان البطارية فيها كانت سايلة وفارت على العربية فأثرت على الفتيس (طبعا الزيت كان ضايع) والكلاتشات خشنة ومية البطارية أكلت مكنة السرعة
ومن برة كانت محتاجة دوكو وسمكرة خفيفة (تطبيقات بسيطة وخدوش من الركنة)
انا اخدتها وغيرت الفيتيس (كان ماشي تمام بس انا قلقت من مكنة السرعة والصوت) فقلت احرص افضل وعملت الصيانة (رغم انها كان معمولها صيانة جزئية)
والحمد لله العربية حاليا تمام وناقصها الدوكو وتبقى زي الفل وربنا يكفينا شرها ويرزقنا خيرها
ولكم التحية
للاستفادة
تغير الفيتيس + الصيانة كلفتني تقريبا 3200 جنية بالإكراميات
فيتيس استيراد حالته ممتازة كان لون الزيت جواه كأنه متلمسش اتفك بكل أجزائه 1750
طقم صيانة كامل فلتر هواء - فلتر زيت - زيت موتور + زيت فيتيس - سلك بوجيهات+بوجيهات +جوان وش التاكيهات+ سير كاتينة والبلي ثابت ومتحرك- غسيل ردياتير مع مية خضراء - تنظيف موتور بالأسبراي - معاهم شداد جديد للموتور وحاجات ومعاهم المصنعية حوالي 850 جنية
يوم تغير الفيتيس 8 ساعات
يوم الصاينة 5 ساعات
والحمد لله
السلام عليكم
أنا اشهر الى فات قلت أغير زيت الأوتو نوبيرا 2001 كان عامل 20000 لاقيت الزيت نازل لونه بنى قلت كويس انى حغيره فى الوقت المناسب. المهم بعد التغير ال أو ه بتأخذ السرعه الأولى و التانيه فقط والثالثه لما السرعه توصل 80 أو 90 كم/س و الرابع فى لحظتها لأنك أصلا و صلت ل 4 أو 5 rpm .
رجعت للميكانيكى بكل برود قالى بكره الصبح حتلقيها بقت زى الفل بس أنت بيتها و الفتيس يبرد وبكره حتلقيه زى الفل (أنا لعنت اليوم اللى غيرت فيه الزيت ما كانت ماشيه زى الفل!)
المهم صحيت من النجمه دورت العربيه و مشيت بيها أول تانى تالت زى الفل و بعد حوالى 10 كم رجع العيب تانى ( أى كل لما يسخن الفتيس يأخر النقله ...) رجعتله قالى حتروح لوحدها الجفارنر جاء عليه وساخه الزيت الجديد مع الضغط كنس شويه رايش وصلم للجفرنر بعد السخونيه لزوجه الزيت بتقل و الضغط بيقل فتأخر النقله قلتله والحل ؟
قالى يا أما أحل الفتيس علشان أنضف أو وهو راكب أقطع صاجه حمايه و أرش السبرى و كل ده لو أنا عايز حلفورى أنما رأيه هو الى عملناه غيرنا الزيت ُتانى و زوده نصف كيلو و قالى الله يسهلك بعد يومين تلاته ماكانش يبقى مافيش غير التدخل الجراحى.
وقد كان الحمد لله بعد ثلاثه أيام فكت و بقت زى الساعه للحظه كنت بفكر فى فتيس أستعمال بس الحمد لله الله يباركلو الفاهم بيريح.
أسف للأطاله و أدينا بنتعلم