على حد علمى أن طالما rpm بيعلى و العربيه مابتسحبش يبقى الكلاتشات الى فى الفتيس سيئه
بس لو عدم السحب معاه هزه أو رجرجه فى الموتور أتكد الأول من التقسيمه وحساس الكرنك وحساس درجه الحراره
بس هو فى لانوس 2007 ؟
هو زيت موبيل الاحمر هو نفسه esso ؟؟؟؟
ياشباب انا شغال في توكيل دايو بالمنصورة وبصلح الفتيس الاتوماتيك بتاع النوبير وعلي فكرة فتيس النوبير زي الايجنزا بس الاختلاف بيقي في سلك الكيك دون المهم الي عندة مشكلة دة اميلي ممكن تكلمني علية بعد الساعة 9 مساء solom_eslam_2008@yahoo.com
موضوع فكرته ممتازه ومهم جدا ..لاكثر السيارات جدلا ..وهي النوبيرا الاوتوماتيك
..العربيه منتشره انتشار فظيع و منتشره اكثر من النوبيرا المانيوال لحد موديلات 2007 تقريبا
ومع ذلك الانتشار ..لها سمعه سيئه جدا ..طيب ازاي انتشرت كده ..وهي بالسمعه دي
ولا الناس مابتدش تتكلم عليها الا في الكام سنه الاخيره بس ؟؟
دي شوية استفسارات ارجو الافاده فيها ..
وبالنسبه للموضوع ...
انا معايا نوبيرا 2003 اوتوماتيك عامله 91 الف كم..وبقالها معايا سنه وشهر ..والحمد لله الفتيس حالته كويسه ..
بس فيه بعض الملاحظات على العربيه ذات نفسها .مع الاخذ في الاعتبار اني ماسوقتش ولا حتى ركبت اي عربيه نوبيرا تانيه (مانيوال او اوتوماتيك )
العربيه سحبها سئ مقارنه بعربيات تانيه 1600 سي سي اوتوماتيك (صني-اوبترا)على النقله الاولى والتانيه (من 0 الى 55 تقريبا ) والار بي ام بيتحرك بانتظام مع السحب (يعني مابيعلاش والسحب مفيش ) بس صوتها عالي ..والفتيس سليم ...فهل النوبيرا الاوتوماتيك سحبها بطئ في السرعات القليله؟؟
واستهلاك البنزين بيوصل في وسط البلد ل140 كم في الصفيحه
هل كده عادي للعربيه ولا لا؟
وشكرا
انا عندي ثلاث أشياء ولاكن مش اللي تزعل والحمد لله العربية من ساعه ما جبتها شغاله تمام:
1. لاحظت أن الفتيس ساعات لا يستجيب - بمعني مثلاً وقفت في إشارة مرور وجبت n الاشارة تفتح وانا اجيب علي d لا تستجيب تماماً.
وارجعها علي ال n ثم d تمشي عادي.
المهم لم أعد عند البارك أجيب علي ال p يعني انا الآن أستخدم r-n-d فقط.
والسيارة لم يعد بها هذا العيب بعد الاسلوب الجديد !
2.ساعات ليس دائماً احس بهزة عند تغيير السرعة علي الd أثناء السير.
3.عند ركن السيارة اسمع صوت الفتيس عالي بالاخص والعجل كله يمين او العكس.
اتمني الرد علي استفساراتي
وشكراً.
مساء الخير عليكم انا عندى سيارة نوبيرا 1 كورى اتوماتيك موديل 99 المهم كان الفتيس خرف والعربية مش بتسحب خالص وبالاخر العربية فوتت المهم عملت عمرة كاملة دخلت بحوالى 5000 جنية وبعد كدة طبعا لسة السحب وحش وكان المكانيكى قالى ان الفتيس استيرا بحوالى 2500 جنية طبعا مش معايا فلوس قولت امشى بيها كدة وربنا يفرجها ز وذهبت يوم الى الحرفين وبالصدفة بسال على فتيس اللانوس الاتوماتيك لانة هو هو فتيس النوبيرا 1 لقيتة ب900 جنية ماصدقتش سالت كذا واحد طلع فعلا بنفس المبلغ المهم ركبتة وبجرب السيارة يعنى احسن من الاول شوية هيا لما تمشى عادى معقولة بس لما تعمل كيك داون مش بتسحب جامد مع العلم ان الرشاشات عاوزة تغيير وبعدين لما بشد بشم ريحة شياط بالفتيس سورى على الاطالة بس لو اى زميل صادف نفس المشكلة او عندة الحل يقولى واشكركم محمد رفعت
شكرا يا جماعه على الموضوع ده
بس ياريت اعرف ايه احسن زيت للفتيس و يتغير بعد كام