الموضوع: هي الأفيو فعلا سيارة سيئة فعلا ؟؟؟؟

المشاركة الأصلية كتبت بواسطة temoon

هو الواضح ان منصور راحت علية وانة كبر ومحتاج ان حد يمسك ادارة شركاتة ويوقفها على رجليها تانى لان انتم عارفين ان السن لة حكمة وربنا يرحمنا كلنا
لان لو منصور كان فايئ لتوكيلات العربيات الى معاه ولو هو بيفكر صح ماكنش ساب السوق يضيع من ايدة بالسهولة دى والحمد لله انى لا املك اى سيارة من سيارات منصور

مين قلك اصلا انوا هوا الى ماسك حاجة

يا جماعة انا بجبلكوا من الاخر انا اول من اشترى الافيو التقفيل المصرى انا كنت او دفعة مصرى العربية مليانة عيوب من دهان العربية لحد نوع المسامير الى راكبة فى العربية انا بغير تيل قدام و لسة بفك ممار المستر لقيت سنة فوت و طبعا دة دوخة و خلراط نهاية الكلام العربية دة لو هيا نفسها اتركب فيها قطع غيار كورى اصلى مش صينى زى طبعا دوخة الطنابير كانت هتكون عربية كويسة دة للعربية بالنسبة للصيانة طبعا السياسة كلها غلط لية اولا لو حد ناصح جدا بس هوا الى هيعرف يثبت ان دة عيب و تتغير علبى الضمان و المشكلة التانية مشكلة نوع قطع الغيار لان قطع الغيار المسموح بتغيرها فى حالة داخل الضمان بتكون الصينى زى الطنابير الى الناس بتخرج فرحانة انهم قدروا يغيروهم على الضمان و بعد اسبوع يكتشف انهم قفعوا تانى لانهم صينى و مع اى سخونة بتقفع و دة زى كل قطع الغيار منها الريداتير المصرى و المقصات الى بتزيق مع كل شعب مصر و احساسك بالنكد علشان كدا انا بعد ماغيرت نصف العربية على الضمان و طبعا دة لانى عارف حد و مهم جدا اكتشفت انى غلطان لانى تعبت نفسى على الفاضى لانى كل الى غيرتوا باظ تانى و منهم الريداتير يعنى بتشيل قطغ غيار زفت و تحط ازفت

المشاركة الأصلية كتبت بواسطة hosam_optrawy

طب انت ليه اخدت اقتباس من ردى دا

ومردتش على الرد الاولانى اللى رديته عليك ؟

عموما هاعيدلك كلامى تانى برضه

مش عشان انت مثلا معاك افيو تقفيل مصرى ومطلعه عينك وعملالك مشاكل

والتوكيل بيعاملك وحش ومبيرضاش يصلح فى الضمان وبيحطلك قطع غيار صينى

وانا مثلا معايا اوبترا كورى الحمد لله مفيهاش اى مشاكل

وباروح الصيانه باتعامل كويس وكل حاجه بتتعمل تمام وباشكر فى التوكيل

يبقى كدا انا كلامى غريب !!

دا شئ عادى

ان اتنين بيتعاملوا مع نفس التوكيل وكل واحد ليه رأى مختلف

مش لازم عشان اللى بيشتكوا كتير واللى بيشكروا قليلين

يبقى القليلين هما اللى موقفهم غريب ورأيهم غلط

وانا قولتلك على نتيجة الاستطلاع مش عشان اثبتلك ان التوكيل كويس او وحش

لا انا بس كنت باقولك ان فى موضوع معمول ومش قديم اوى ومفتوح لحد دلوقتى للى عايز يصوت ومع ذلك اللى قالوا ممتاز وجيد اكتر من اللى قالوا سئ

ويعدين فى نقطه كمان

ماجايز فى ناس كتير عاجبها الوكيل بس مابتتكلمش , او مابتدخلش المنتدى اصلا

انت اصلا لو بصيت على الاستطلاع هاتلاقى ان اجمالى اللى صوتا ميكملوش 200 واحد

ييجوا ايه ال 200 واحد دول فى مبيعات شيفروليه ؟؟

دا الاوبترا لوحدها بتبيع حوالى 1000 عربيه شهريا !!

ما علينا من دا كله

كل اللى عايز اوصلهولك ان مش شرط انك شايف ان التوكيل زباله ودا رأيك

ان لو حد اختلف معاك فيه وقاللك لأ دا كويس

يبقى رأيه غريب وحاله فرديه وليه ناس ثابته بترد عليه

كل واحد ليه رأيه المختلف عن التانى والاتنين بيبقوا صح

زى مافى اعضاء محترمه زى يوكو وخالد ايمن وابو اسر

مفيش موضوع فى المنتدى غير لما بيقولوا ان منصور زباله واوعى تشترى من منصور حتى لو ادالك عربيه هديه

شوفتنى انا مثلا بارد عليهم اقولهم لا ياجماعه انتوا كلكوا غلط اصل التوكيل بيعاملنى كويس ؟

او شفت حد فيهم بيقولى انت الوحيد اللى بتشكر يبقى انت اكيد غريب وحاله فرديه وليك ناسك ؟

لا طبعا مبيحصلش

كل واحد بيقول رأيه من خلال تجربته الشخصيه ومش عيب ان فى رأيين عكس بعض والرأيين يبقوا صح

واخيرا جزاك الله كل خير على نصيحة الناس بالابتعاد عن الافيو ومنصور عشام محدش يتأذى

يمكن علشان انت لسا موقعتش فى مشكلة استنى بس و انت هتجرب بنقسك