الموضوع: هي الأفيو فعلا سيارة سيئة فعلا ؟؟؟؟

انا واحد اشتريت افيو ....... وى صراحة العربية مش وحشة اوى كدة وى فى نفس الوقت مش زى الالمانى مثلا ..... الطموح بر ضه لى ثمن .... انت معاك كام .....؟؟؟ سعتها بس تقدر تتمكن فى انك تشترى عربية فى الجول ...... انا معايا 80000 اشتريت عربية افيو مقارنة لفئتها ...... وى او حاجة كانت عجبانى انها عالية عن الارض وى شكلها عصرى وى شيك من جوى .... مش زى مثلا الافيو فقيرة جدا جدا من جوى .....
صراحة العربية ادتنى حاجات كتير كويسة بالمنسبة للفلوس اللى معايا وى بالنسبة للظروف وى البلد الزب............. اللى احنا عايشين فيها وى فى نفس الوقت مافيهاش option زى الcerato مثلا ....
ده راي ياشباب الجيل ..... المناقشة فى الموضوع حلوة يا شباب

المشاركة الأصلية كتبت بواسطة aymaneid

انا واحد اشتريت افيو ....... وى صراحة العربية مش وحشة اوى كدة وى فى نفس الوقت مش زى الالمانى مثلا ..... الطموح بر ضه لى ثمن .... انت معاك كام .....؟؟؟ سعتها بس تقدر تتمكن فى انك تشترى عربية فى الجول ...... انا معايا 80000 اشتريت عربية افيو مقارنة لفئتها ...... وى او حاجة كانت عجبانى انها عالية عن الارض وى شكلها عصرى وى شيك من جوى .... مش زى مثلا الافيو فقيرة جدا جدا من جوى .....
صراحة العربية ادتنى حاجات كتير كويسة بالمنسبة للفلوس اللى معايا وى بالنسبة للظروف وى البلد الزب............. اللى احنا عايشين فيها وى فى نفس الوقت مافيهاش option زى الcerato مثلا ....
ده راي ياشباب الجيل ..... المناقشة فى الموضوع حلوة يا شباب

اولا مبروك على العربية و ربنا يباركلك فيها

انا شوفت مشاركة حضرتك الى بتسال فيها عن الصيانة و دا معناة انك ليسة جايبها

انا مش عايز اكرهك فيها - بس انا كنت زيك كدة كنت جايبها و مقتنع بيها و بتمنها و قولت ماشى - شايل نص كماليات العربية الى بتنزل بيها - ماااااشى - العربية غالية و خصوصا انها بتتجمع فى مصر مع الاخز فى الاعتبار عدم وجود جمارك و نسبة المكون المحلى - قولت ماااشى مش مشكلة ما احنا طول حياتنا بنتسرق - مش مشكلة نتسرق فى عربية العمر مش مشكلة

انما بقى تعالى نخش فى الجد - حتسمع من العفشة الامامية طول ما انت ماشى- من عربيتك الجديدة - الى انت شاريها بشقاق على امل انك ترتاح - ايء اىء اىء اىء - دا بقى اية - دية جلب المقصات - المعفننننيين بعد الى قولتهولك بيحطو جلب معفنة زيهم و مش هاين عليهم بعد تقفيل العربية 3 سنيين فى مصر انهم يغيرو المورد او يشوفولها حل

تعالى بقى نخش فى التييل - لما سعادتك تحب تغيير التيل بتاعك حتخش فى حتة متاهه - عندك تيل مصرى معفن و تيل كورى فية ناس تقولك حلو و ناس تقولك وحش بياكل الطنابير و تيل كورى برة الوكيل مش عارف مليتة - دا غير الطنابير الى انت مش عارف هية صينى ولا كورى و لا مصرى و لا ميلتها اية

و لغاية دلوقتى انا داخل على 20000 و المفروض اغير التيل الصيانة الى جاية و ليسة مش عارف اعمل اية فى الوكسة الى جبتها لنفسى

خد بالك انا ليسة مظهرش معايا تعليق الـrpm او ضرب منى مساعد من المساعديين السكرتة بتوع العربية - الى همة معفننيين زى اى حاجة فيها

يعنى الخلاصة بعد السرقة و النهب الى العربية دى اتنهبتة فى التقفيل او حتى الاستيراد من كوريا لان فية كتير بيقولو ان معظم قطع الغيار الى بتتقفل بيها العربية دى برة من الصيين و دى ناس من جوة الوكيل نفسة - الخلاصة بعد دا كلة انهم حتى مش مديينك عربية سليمة تركبها و تحمد ربنا - دول مدينلنا رزية يرازونا بيها و يااااااااااااااريت حلو مشاكلها - كنا ساكتنا

معاك ربنا زينا - و ربنا ينتقم من منصور و gm مصر و كل الى بيساندهم هنا فى المنتدى

"ألا و قول الزور - ألا و قول الزور - ألا و قول الزور......."