هي الأفيو فعلا سيارة سيئة فعلا ؟؟؟؟

**egyptianmafia** · 28-12-2009 03:41 AM

خالد الفكترا 96-2003 كانت تقفيل مصري فقطع الغيار كانوا مصري....نفس الموضوع مع الكورسا و الاسترا!

لكن فكترا c تقفيل الماني....فقطع الغيار بتيجي من بره.....

ده أول حاجة

تاني حاجة شوف تويوتا بتعمل إيه في الكورولا 2009...عندها مخزون كبير جدا من المانيوال mmt

طب ليه نزلت سعر الكورولا جامد كده.....هل ده معناه إن الكورولا وحشة؟؟؟!!!!! لأ طبعا

و بعدين هو لازم يكون عنده كل حاجة؟؟؟؟ ماهو لو جاب كل حاجة هيحتاج مخزن كبير جدا .... و مفيش أي توكيل في مصر عنده مخزن كبير.....كل توكيل بيقولك هنتصل بيك....هما مش محل بقاله....

**TeMoON** · 28-12-2009 08:54 AM

المشاركة الأصلية كتبت بواسطة egyptianmafia

خالد الفكترا 96-2003 كانت تقفيل مصري فقطع الغيار كانوا مصري....نفس الموضوع مع الكورسا و الاسترا!

لكن فكترا c تقفيل الماني....فقطع الغيار بتيجي من بره.....

ده أول حاجة

تاني حاجة شوف تويوتا بتعمل إيه في الكورولا 2009...عندها مخزون كبير جدا من المانيوال mmt

طب ليه نزلت سعر الكورولا جامد كده.....هل ده معناه إن الكورولا وحشة؟؟؟!!!!! لأ طبعا

و بعدين هو لازم يكون عنده كل حاجة؟؟؟؟ ماهو لو جاب كل حاجة هيحتاج مخزن كبير جدا .... و مفيش أي توكيل في مصر عنده مخزن كبير.....كل توكيل بيقولك هنتصل بيك....هما مش محل بقاله....

اسمحلى ارد عليك يا مافيا لو الى انت بتقولو دا صح يبئة دا توكيل فاشل وكل توكيلات مصر فاشلة والحمد لله ازاى يعنى ما يكون عندة قطع غيار طب هو واخد التوكيل لية . عشان يحنس الناس بية ولا اية ما ينفعش سواء منصور او غيرة الى بيعملوة دا ومنصور زية زى توكيل فولكس ما ... من ستى الا سيدى الله يرحم توكيل bmw القديم ابو الفتوح لو عاوزة قطعة غيار لعربية موديل 1980 كانت عنده طول ما احنا كدا لا عمرنا هنتقدم ولا عمرنا هنشوف خير وشلة الحرامية هى الى تفضل تتحكم فينا والحمد لله لان بجد دا اسمة استهبال يعنى اية ماعندوش مخزن كبير طب هو توكيل ازاى لو كدا فهمنى عشان بجد شر البلية ما يضحك
ولو على محل البقالة محل البقالة هيكون انضف منهم على الاقل عندة كل حاجة مش بيقولك هتصلك بالموزع او المصنع

**Ahmed Selim** · 28-12-2009 10:37 AM

المشاركة الأصلية كتبت بواسطة temoon

الله يرحم توكيل bmw القديم ابو الفتوح لو عاوزة قطعة غيار لعربية موديل 1980 كانت عنده طول

كلام صحيح 100%

كانت معايا عربية بى أم 320 مو 86 و كان الحاج خدها منى مشوار فى 2002 يعنى العربية بقالها 16 سنة ماشية.....العربية وقفت منه و هو ميعرفش ميكانيكة فى المهندسين و بالصدفة لقى مركز خدمة بى أم اللى ورا مسرح البالون.....دخل بالعربية و غيرو الحاجة اللى كانت بايظة و العربية خرجت فى نفس اليوم.

و على فكرة........قطع غيار الفيكترا 97 على حسب معلوماتى مش مصرى.....يعنى برضه بتتجاب من برة.......و أيام الفيكترا أتعاملت مع منصور مرتين و مكررتهمش.

**mmtronic** · 28-12-2009 02:47 PM

المشاركة الأصلية كتبت بواسطة KHALED AYMAN

يا باشا انا تلميذك ..

الفيكترا فعلا كانت تقفيل مصرى ...
بس قطع غيارها صناعه ايه ؟؟
مش مصرى ..
المانى ..
لانها لو مصرى تقفيل مصرى مكانتش مشيت سنه على بعضها ..
و برده كان بيستورد قطع الغيار من برا ...
و كمان توافر قطع غيار العربيه برا الوكيل ده بيعتمد على مبيعات العربيه ...
يعنى الفيكترا الجديده و الاسترا الجديده قطع غيارهم قليله جدا برا الوكيل ليه ؟؟
تاجر الاستيراد يجيبها لمين ؟؟
مهو ملاك العربيه قليلين جدا ..
و نرجع تانى لنقطه البدايه ..
انخفاض المبيعات بسبب فشل منصور ...
بالنسبه بقى لموضوع مخزون التويوتا ..
ده نتيجه اختلاف الناس فى الراى من ناحيه الفتيس ...
مؤيد ..
و معارض..
خايف ..
و مطمن ..
فكلو خاف يجيبها ..
بس بعد كده المبيعات ارتفعت بشكل ملحوظ ...
بالنسبه بنقطه هو لازم يكون عنده كل حاجه ...
معندوش اكصدام ولا فوجات ولا رداتير ولا سربنتينه تكييف ...
امال هيبقى عنده ايه ؟؟
تخيل بقى لو روحت بعيب فى الموتور مثلا ..
لقينا ان حله تغيير جزء فى الموتور و العربيه عطلانه ...
هيبقى عنده ؟؟
اكيد لا ..
بلاش دى ...
انا لما عملت حادثه بعربيتى منصور قالى ايه ؟؟
اسبوع او 10 ايام و قطع الغيار هتكون عندنا و نكلمك ..
اولا محدش اتصل ...
ثانيا بعد ما صلحت العربيه (براااا منصور)...
كلمتهم سالتهم على نفس قطع الغيار ...(كان فات حوالى شهرين)...
قالولى اسبوع عشر ايام يا فندم و تكون عندنا ...
بلاش دىىىىى
الاسترا الى كانت معايا قالولى هنجيبلك ايرباج فى الضمان ..
الكلام ده من 3 سنين و لحد دلوقتى مجاش ...
هو الايرباج هرب ولا ايه ..
هتقولى الجمارك و بيدخلوه على انه مفرقعات ...
امال صاحبى عمل حادثه باوكتافيا و جابوله ايرباج بعد 3 ايام ازاى ؟؟

تهريب ؟؟
طيب بتوع قطع غيار الاستيراد بيجيبوه ازاى ؟؟؟
بيحطوه تحت التيشرت و يدخلو بيه؟؟
معلش انا طولت عليكو ...
انا بس حبيت اشرحلكو مدى فشل منصور فى السوق المصرى و بأذن الله التوكيل ده هيقع ...
لانه مش بيراعى ربنا ..

ان شاء الله

**mada121977** · 28-12-2009 03:22 PM

شهاده حق لوجه الله وبما ان حمايا معاه افيو كورى 2009 مانيوال عامله حتى الان 6 الاف كم وكنت عملت تقييم عنها بعد استلامها بشهر وبعد ظهور مشكله ال tps اللى ظهرت بعد 500 كم فقط من استلام العربيه .... الافيو دى عربيه سيئه بكل المقاييس والتوكيل اسؤ من العربيه يعنى اللى اشتراها اضحك عليه مرتين مره عند شرائه عربيه سيئه ومليانه مشاكل ومره لما وقع فى ايد توكيل تعبان زى منصور ده .. وكل المشاركات اللى بتتحدث عن عيوب التوكيل هى صحيحه واؤيدها بشده بعد التعرض للعديد من السخافات والمعامله السيئه من توكيل منصور اللى فى ابوروش والذهاب اليه اكثر من مره لحل مشكله tps دون اى جدوى

**egyptianmafia** · 28-12-2009 03:46 PM

بردو على موضوع المبيعات....الناس خايفة أو مش عارفة يعني إيه إيزي ترونك.....هي لو كانت نزلت بستب ترونك...كانت هتعمل شغل جامد......

**ldsaklf** · 28-12-2009 05:20 PM

لصاحب الموضوع انا رأيي انك تاخد الكلام من ملاك العربية فقط لاغير مع الاعتذار للاخوه الاعضاء الي ردو في الموضوع بس عشان الراجل مايتشتتش

**KHALED AYMAN** · 28-12-2009 06:22 PM

المشاركة الأصلية كتبت بواسطة egyptianmafia

بردو على موضوع المبيعات....الناس خايفة أو مش عارفة يعني إيه إيزي ترونك.....هي لو كانت نزلت بستب ترونك...كانت هتعمل شغل جامد......

مهو دى برده مشكله منصور ...
لانه اول ما نزلها مشرحش للزبون ايه ده ؟؟
ساب الناس و لما تساله يقولك فتيس مانيوال و اوتوماتيك فى نفس الوقت ...
يبقى انا كده افهم انه زى الاوكتافيا ...
يبقى مفيش مشاكل ...
و اشترى ..
وهووووووب
الاقى احساس بالنقله ...
يبقى الفتيس بايظ,,,
اروح منصور يقولى لا اصل ده مختلف عن باقى العربيات

طيب ما كان يقول من الاول ,,,
على الاقل لو مش هتبيع ...
كانت سمعتها هتبقى كويسه ...
و اصلا ايه الى يخليه ينزل الايزى ترونيك هنا ؟؟
مهى برا فى منها اوتو عادى ...
و انا شخصيا معنديش مشكله فى الفتيس (كان عندى و منصور حاولو يلبسونى العمه و يقنعونى انى الى اول مره اسوق عربيه ...لما عملت فيها عبده العبيط و شبطااان فى السوفت وير الجديد نزلوه و ظبتو افتيس ...)...