اقتباس المشاركة الأصلية كتبت بواسطة mmtronic مشاهدة المشاركة
الموضوع مش موضوع تلميحات - انا شايف حاجة - قلتها
انا دايما بشوف ردود الناس على بعضها - يمكن اكون انا غلطان و واخد موقف غلط من منصور - احتمال وارد

لكن دايما اقرا من اشخاص معيين و اتابع مشاركتهم ابص الاقى كلام غريب غير الى انا بشوفة و عايشة مع التوكيل الزبالة دة

المهم - الموضوع مش هجوم شخصى عليك لانى ببساطة معرفكش لكن كنت بقول حاجة لاحظتها


و على فكرة التقييم الى بتتكلم عنة كان فى الربع الاول من 2008 - جرب تعملة دلوقتى

عايز اقولك ان على الرغم من موقفى دة من التوكيل لم يظهر مع عيوب غير تزييق العفشة و دة بقولة علشان اكون واضح

و لكن موقفى يرجع لنقط كتييير كنت كتبتها قبل كدة و لا داعى لزكرها تانى علشان مكنش رخم و بتكلم على الفاضية و المليانة

لكن انا دايما احب ان غيرى ميتازاش ازيتى - و كل واحد شقيان بفلوسة و عايز يشترى عربية علشان يرتاح - يلاقى دايما الحقيقة الواضحة

كلمة اخيرة - مهما كانت العربية ناجحة و ممتازة باى اسم - طالما التوكيل زبالة يبقى حيصقطها و يفشلها - دا رايى
طب انت ليه اخدت اقتباس من ردى دا

ومردتش على الرد الاولانى اللى رديته عليك ؟

عموما هاعيدلك كلامى تانى برضه

مش عشان انت مثلا معاك افيو تقفيل مصرى ومطلعه عينك وعملالك مشاكل

والتوكيل بيعاملك وحش ومبيرضاش يصلح فى الضمان وبيحطلك قطع غيار صينى

وانا مثلا معايا اوبترا كورى الحمد لله مفيهاش اى مشاكل

وباروح الصيانه باتعامل كويس وكل حاجه بتتعمل تمام وباشكر فى التوكيل

يبقى كدا انا كلامى غريب !!

دا شئ عادى

ان اتنين بيتعاملوا مع نفس التوكيل وكل واحد ليه رأى مختلف

مش لازم عشان اللى بيشتكوا كتير واللى بيشكروا قليلين

يبقى القليلين هما اللى موقفهم غريب ورأيهم غلط

وانا قولتلك على نتيجة الاستطلاع مش عشان اثبتلك ان التوكيل كويس او وحش

لا انا بس كنت باقولك ان فى موضوع معمول ومش قديم اوى ومفتوح لحد دلوقتى للى عايز يصوت ومع ذلك اللى قالوا ممتاز وجيد اكتر من اللى قالوا سئ

ويعدين فى نقطه كمان

ماجايز فى ناس كتير عاجبها الوكيل بس مابتتكلمش , او مابتدخلش المنتدى اصلا

انت اصلا لو بصيت على الاستطلاع هاتلاقى ان اجمالى اللى صوتا ميكملوش 200 واحد

ييجوا ايه ال 200 واحد دول فى مبيعات شيفروليه ؟؟

دا الاوبترا لوحدها بتبيع حوالى 1000 عربيه شهريا !!

ما علينا من دا كله

كل اللى عايز اوصلهولك ان مش شرط انك شايف ان التوكيل زباله ودا رأيك

ان لو حد اختلف معاك فيه وقاللك لأ دا كويس

يبقى رأيه غريب وحاله فرديه وليه ناس ثابته بترد عليه

كل واحد ليه رأيه المختلف عن التانى والاتنين بيبقوا صح

زى مافى اعضاء محترمه زى يوكو وخالد ايمن وابو اسر

مفيش موضوع فى المنتدى غير لما بيقولوا ان منصور زباله واوعى تشترى من منصور حتى لو ادالك عربيه هديه

شوفتنى انا مثلا بارد عليهم اقولهم لا ياجماعه انتوا كلكوا غلط اصل التوكيل بيعاملنى كويس ؟

او شفت حد فيهم بيقولى انت الوحيد اللى بتشكر يبقى انت اكيد غريب وحاله فرديه وليك ناسك ؟

لا طبعا مبيحصلش

كل واحد بيقول رأيه من خلال تجربته الشخصيه ومش عيب ان فى رأيين عكس بعض والرأيين يبقوا صح

واخيرا جزاك الله كل خير على نصيحة الناس بالابتعاد عن الافيو ومنصور عشام محدش يتأذى