اقتباس المشاركة الأصلية كتبت بواسطة hosam_optrawy مشاهدة المشاركة
انا مقصدتش انك اخدت اخر رد ليا انك اخترت الكلام

انا بس كنت عايزك ترد على النقط اللى انا ذكرتها فى الاول

عموما زى ما انت قولت مش هانختلف على دى

وانا لما كتبت قطع الغيار الصينى والحاجات دى مكنتش اقصدك انت بالذات

انا كنت باقول مثلا لان هى دى اغلب المشاكل اللى باقراها عن العربيه والتوكيل

وبعدين اسمح لى طلبك مش منطقى

اى توكيل فى الدنيا لو قولتله انا هاغير حاجه برا التوكيل بس اضمنهالى اكيد هايرفض

لو متمسك بالضمان يبقى غير عندهم

لو شايف ان حاجتهم ( عفشه ) يبقى غير برا على حسابك من غير ماتطلب ضمان عليهم

مادام انت شايف ان الضمان كدا كدا ملوش لازمه والتوكيل مبيعملكش حاجه ويوم مابيغير بيغير بقطع بايظه

وبرضه هاعيد تانى واقولك

انت شايف انه توكيل سئ سئ سئ , براحتك انت حر

وانا شايف انه كويس وعاجبنى لحد دلوقتى

مش لازم تحجر على رأيى , وتقوللى الموضوع مش محتاج اراء

ومتخافش محدش هايدعى عليه انى نصحته يشترى حاجه منصور

لانى مابقولش روح اشترى من عند فلان

لما حد بيسألنى رأيك ايه فى العربيه والتوكيل

باقول اللى حصل لى بكل امانه وبما يمليه عليه ضميرى وربنا الشاهد

هو بقى يشترى مايشتريش دا يرجع لتقديره الشخصى

فالحمد لله مش خايف من الموضوع دا خالص

لانى عمرى ماباضلل حد واخليه يشترى حاجه انا عارف انها سيئه
اسمحلى مع احترامى ليك انا مبحجرش على رايك بدليل انى كاتب رايك يحترم

ثانيا - معروف انك لما بتغير حاجة على حسابك فى اى توكيل محترم بيديلك عليها ضمان - دا الى اعرفة - مش عارف اذا كان دا برضة اتغير فى الايام السودة دى و لا لا

و نقطة انى اغير حاجة برة الضمان بعيد عن التوكيل - دا حيحصل بس لما يخلص ضمان العربية - عارف لية - لانة توكيل قذر و ممكن يتلككلى على اى حاجة و يخرجهالى برة الضمان و معرفش اقاضيهم - انا بس سايبهم لما المشاكل الحقيقية تظهر عندى و حتظهر ان اجلا او عاجلا - دا انا حتى اجلت تركيب جهاز الانزار علشان لما احب اخد حقى ميكنش عندى عورية

و بمناسبة جهاز الانزار - عرضت عليهم يركبوة و يخدو الى همة عايزينة - العباقرة قالو ان السيارة مش مجهزة يركب عليها جهاز انزار - التوكيل المحترم قوى قوى