اقتباس المشاركة الأصلية كتبت بواسطة mmtronic مشاهدة المشاركة
انا اخدت اخر رد ليك علشان كلامك كلة مرتبط ببعضة - بس مش هية دى النقطة الى حنختلف عليها

لو قريت كلامى بدقة حتلاقى انى معنديش مشكلة فى عربيتى غير التزييق

لاانا كتبت انى بغير حاجة على الضمان او اغيرها صينى او الى حضرتك كتبتة

و الى حضرتك متعرفوش انى جالى سكة انى اروح الى مدير خدمة مابعد البيع الى حضرتك اكيد سمعت بية و لم اذهب الية عارف لية

لانى سالت المهندسيين الى فى التوكيل" الى عاجب حضرتك" و دة رايك يحترم - انى اغير الجلب او المقصات كلها على حسابى و مش عايز منهم حاجة بس يضمنولى قطع الغيار - فطبعا كل واحد ادرى ببضاعتة العفشة

دا غير سيادتك رحلة تغيير التيل الى انا داخل عليها و مش عارف اعمل اية

بكل المقاييس الى انا شايفها - دا توكيل سىء سىء سىء -و الموضوع حضرتك مش محتاج اراء - ما انا بروح و الله بنفسى المركز الرئيسى بالهرم و بشوف بنفسى يعنى ليسة و الله ما اتخبلتش و اعرف اقييم اية الى بيحصل ادامى و ربنا يكفيك دعوة واحد نصحتة يشترى حاجة من منصور و اكتشف الفاجعة

انا مقصدتش انك اخدت اخر رد ليا انك اخترت الكلام

انا بس كنت عايزك ترد على النقط اللى انا ذكرتها فى الاول

عموما زى ما انت قولت مش هانختلف على دى

وانا لما كتبت قطع الغيار الصينى والحاجات دى مكنتش اقصدك انت بالذات

انا كنت باقول مثلا لان هى دى اغلب المشاكل اللى باقراها عن العربيه والتوكيل

وبعدين اسمح لى طلبك مش منطقى

اى توكيل فى الدنيا لو قولتله انا هاغير حاجه برا التوكيل بس اضمنهالى اكيد هايرفض

لو متمسك بالضمان يبقى غير عندهم

لو شايف ان حاجتهم ( عفشه ) يبقى غير برا على حسابك من غير ماتطلب ضمان عليهم

مادام انت شايف ان الضمان كدا كدا ملوش لازمه والتوكيل مبيعملكش حاجه ويوم مابيغير بيغير بقطع بايظه

وبرضه هاعيد تانى واقولك

انت شايف انه توكيل سئ سئ سئ , براحتك انت حر

وانا شايف انه كويس وعاجبنى لحد دلوقتى

مش لازم تحجر على رأيى , وتقوللى الموضوع مش محتاج اراء

ومتخافش محدش هايدعى عليه انى نصحته يشترى حاجه منصور

لانى مابقولش روح اشترى من عند فلان

لما حد بيسألنى رأيك ايه فى العربيه والتوكيل

باقول اللى حصل لى بكل امانه وبما يمليه عليه ضميرى وربنا الشاهد

هو بقى يشترى مايشتريش دا يرجع لتقديره الشخصى

فالحمد لله مش خايف من الموضوع دا خالص

لانى عمرى ماباضلل حد واخليه يشترى حاجه انا عارف انها سيئه