انا مع كلام مصطفى
كليه الشرطه بتدي فعلا لطلابها جنون العظمه
ومش الكليه بس..
الناس العاديه كمان بتساهم في كده
والوزاره بتاعتهم الي بتحمي ولادها مهما غلطوا حفاظا على هيبة النظام الدكتاتوري
...
انا اعرف بره مصر ..العلاقه بين الظابط والمواطن
علاقه وديه دايما ..إلا لو ظهر ان المواطن مجرم او مخالف
ساعتها الظابط يكون معذور في تعامله الخشن
لكن مايجيش الظباط في مصر يطلعوا عقدتهم النفسيه علينا
يعني انا مثلا
كنت رايح ابو كبير لواحد صاحبي علشان اتسحر معاه في رمضان الي فات
كانت الساعه 3 بالليل ..وفاضل ع الفجر ساعتين
لقيت حملة ع الطريق ..وفيها ظابط ملازم اول
بيقولي:" الرخص"
وريتهاله ..مكتوب فيها "طالب بكليه طب جامعه القاهره"
"رخصه العربيه"
وريتهاله ..باسم بابا طبعا
قالي اركن
ركنت
سابني ملطوع شويه
وجه يلف حوالين العربيه (مكنش لاقي حاجه مخالفه يديني عليها مخالفه)
قالي :" معاك توكيل"
وريتهوله
شكله كان مدايق انه مش لاقي حاجه يخالفني عليها
وبكل قرف قالي :" يلا امشي"
بكل برود وبابتسامه صفرا مستفزه ..بصيتله وضحكت
ومشيت
مع الملاحظه انه يمكن يكون اصغر مني في السن
ومدايق بقا انه ملطوع ع الاسفلت في الشهر الكريم بالليل...وبيطلع عقدته علينا
المفضلات