متابع باهتمام
رقم العضوية : 54164
تاريخ التسجيل : 29Nov2009
المشاركات : 656
النوع : ذكر
الاقامة : Italia
السيارة: مش عارف اجيب ايه
السيارة[2]: اتباعت Honda civic 92
دراجة بخارية: yamaha
الحالة :
السلام عليكم جميعا ويارب تكونوا بخير
انا أخوكم وائل عضو جديد معاكم فى المنتدى وأول مرة أكتب موضوع
بناء طبعا على نصيحة دكتور أحمد وبعد إستئذانة طبعا أخدت نفس الأسم وطبعا كلها تجارب حياة شخصية يمكن فعلا حد يستفيد بيها ... مش هطول عليكم
ابتدى منين؟؟ ...... ابتدى منين من أول متولدت
انا من مواليد محافظة القاهرة حى شبرا العريق وبالتحديد شارع الخلفاوي ٠٦ أكتوبر 1980
من حيث التنشئة انا اتربيت فى المحلة الكبرى طول عمرى بس الأجازات بتاعة أخر السنة كانت معظمها فى القاهرة لأن جزء كبيير من العائلة عايشين هناك والدى كان شغال فى سنترال المحلة بعد كدا ساب الشغل وأصبح تاجر بقوليات فى بلد بعد المحلة ب ١٠ كيلو ... كنت بكرة البلد دى أوى لأن الكهرباء دايما مقطوعة
مراحل عمرى كالأتى
مرحلة الحضانة :
ودى بقى كانت مرحلة جميلة أوى كنت روميو أوى ولد بعنين خضرا وبنت الجيران كانت بتعدى عليا علشان نروح الحضانة سوا
فى يوم عمرى مأنساه أبدا اليوم دا أنا صممت أخد النظارة الريبان القديمة بتاعتة والدى والجرنان تحت دراعى والجرافتة لابسها على تشيرت تقريبا كانت للارض ( ياخسارة ان مكانش عندنا كاميرا اليوم دا ) المهم نزلت الشارع وكانت تقريبا ٧ونص الصبح قابلنى ولد أكبر منى أعتقد حوالى ٢٠ سنة وقعد يضحك .... طبيعى لازم يضحك على منظرى الفظيع :POINTI~2[2]:
دايما كان داخلى المجرم الصغير لية ياعم بس كدة :
لأنى كنت بهرب ( بطفش) من الحضانة أول ما جدتى تقولى حنروح عند عمتك أتجنن وأبقى عايز اليوم فى الحضانة يخلص بسرعة كنت بناديها بماما مش عمتى..... المهم الحضانة كانت فى الدور الأرى كنت أستأذن الأبلة أروح الحمام وأخد الشنطة معايا وأروح الغرفة التانية وأفتح الشباك وزى سوبر انط اجرى اروح البيت الساعة ١٠ بدل الساعة ١٢ ...... كانت أيام حلوة
مرحلة الأبتدائي :
أول سنة قضيتها فى العراق ..... أيوة العراق سنة أولى ابتدائى هناك فى منطقة الرمادى بالتحديد مدينة حديثة معقل المقاومة السنية للأمريكان .... كنت خايف فى سفارة ايطاليا انهم يكتشفوا الموضوع دة وأنا باخد الفيزا بس الحمد لله عدا عليهم مخدوش بالهم
والدى لقا عقد هناك سواق خلاط أسمنت ( كان أتعلم سواقة النقل التقيل فى ألمانيا ) وطبعا غير المهنة لما رجع مصر لأن انتوا عارفين أنهم فئة مكروة من عامة الشعب بس فى ألمانيا بيكسبوا هناك كتيير أوى حاليا ما بين ٥٠٠٠ و٨٠٠٠ يورو فى الشهر ) أنا سرحت أوى
نرجع للعراق وأولى سنة ابتدائى
أول أسبوع مكنتش فاهم أى حاجة من الأبلة طبعا بتتكلم عراقى ومكنتش فاهم حاجة أنا والتخته حتة واحدة ( على فكرة بيقولوا عليها هناك ست مش أبلة ولا مس زى ما كان الواحد متعود ) كنا ٣ مصريين فى الفصل وكنا الثلاثة الأوائل فى الفصل دايما كنا متفوقين انا كان ترتيبى الثانى فى الدرجات وكان والدى بيجبنى ويودينى بالعربية لأن المدرسة كانت فى الصحراء وبسببها كنت بغير كل أسبوع جزمة لأنى كنت محترف شوط الطوب والزلط الجبلى كانت فية تبه عالية شوية من هناك كنت بشوط الطوب على المدرسة يعنى لو عملوا مسابقة أكون فيها الأول بجدارة ولايوجد منافس
رقم العضوية : 29215
تاريخ التسجيل : 04Jan2009
المشاركات : 166
النوع : ذكر
الاقامة : القاهرة
السيارة: -
السيارة[2]: KIA Rio 2004 M/T
دراجة بخارية: -
الحالة :
متابع باهتمام
رقم العضوية : 33115
تاريخ التسجيل : 16Feb2009
المشاركات : 2,225
النوع : ذكر
الاقامة : Obour City
السيارة: Gen2 /2017
السيارة[2]: Gen2 /2010
الحالة :
هههههههههههههههههه
http://img844.imageshack.us/i/dscf0140c.jpg/
رقم العضوية : 8588
تاريخ التسجيل : 08Apr2008
المشاركات : 5,810
النوع : ذكر
الاقامة : Ras Ghareb/Red Sea
السيارة: 000
السيارة[2]: Proton wira 2005
دراجة بخارية: لا يوجد
الحالة :
رقم العضوية : 54164
تاريخ التسجيل : 29Nov2009
المشاركات : 656
النوع : ذكر
الاقامة : Italia
السيارة: مش عارف اجيب ايه
السيارة[2]: اتباعت Honda civic 92
دراجة بخارية: yamaha
الحالة :
ورجعتلكم تانى أنا معكم طول الليل ... بعيد عندكم عندى NIGHT SHIFT اصل أنا شغال RECEPTIONIST فى فندق
نرجع للعراق ولأخر السنة طبعا طلعت التانى على الفصل وإدونى هدية عبارة عن شراب ومسدس لعبة ( واتحجز منى فى مطار بغداد كانوا فاكرين إنى حخطف بية الطيارة وأطلب اللجوء لدولة أروبية مش بقولكم الأجرام فى دمى من وأنا صغير مع إنى والله غلبان جدا لما كبرت
المهم لما جينا نرجع مصر طبعا كنا لازم نسافر من بغداد ( الله يرحمها دلوقتى - والله بيعيط من جوة قلبى لما بشوفها مدينة كانت جميلة جدا ) خدنا الطريق من مدينة حديثة الى بغداد فى ١٢ ساعة وقعدت أرجع أكتر من مرة فى الطريق المهم رجعنا أرض الوطن بسلام وقضيت الأجازة فى القاهرة وقبل بداية الدراسة بشهر رجعنا على المحلة
وقبل دخول المدارس توفت جدتى هى كانت بالنسبة لى أهم وأغلى مخلوق عندى كنت بحبها أكتر من بابا ( الله يرحمها ) ودخلت المدرسة فى المحلة وابدت الأشتغالات
سنة ثانية ابتدائى :
طبعا راجع من العراق ولهجتى أغلبها عراقى أتعلمتها علشان أفهم المدرسين هناك وفى أول يوم فى المدرسة بقول للواد اللى جنبى إدينى الماحايه (وبشاورعلى الأستيكة ) ودا مات على نفسة من الضحك وقعد يحكى للفصل كلة وطبعا خد من دا بقى اشتغلات لأخر الأسبوع يامعلم
رقم العضوية : 54164
تاريخ التسجيل : 29Nov2009
المشاركات : 656
النوع : ذكر
الاقامة : Italia
السيارة: مش عارف اجيب ايه
السيارة[2]: اتباعت Honda civic 92
دراجة بخارية: yamaha
الحالة :
أول حالة حب فى حياتى :
طبعا بما أنى كنت روميو فى الحضانة يبقى لازم أكمل المسيرة فى الأبتدائى وأخوض المغامرات من جديد لأدُكُ حصون النساء بجوادى الأبيض ...... حلوة والله الحتة دى ينفع أكون شاعر مش كدة ؟
أول حب ليا ومش هنساة أبدا كانت الأبلة بتاعتى أبلة وفاء :b4_007: الله يمسيها بالخير كان عندى ٧ سنين وعمرى منسيتها لحد الأن كانت جميلة جدا لدرجة انى كنت بفضل باصصلها طول الحصة وفاتح بقى زى مكون شفت ملاك نازل من السما --- تبارك الله فيما خلق ورغم إنى كنت كارة المدرسة علشان العيال كانت بيتريؤ على لهجتى إلا انى كانت حابب أروح علشانها ..... شوفت الأخلاص مش موجود فى الزمان دا دلوقتى
المهم إظاهر والله أعلم أبلة وفاء فقستنى وفهمت انى بحبها وبدئت الأشتغلات من طرفى ومن طرفها زى مثلا بقولها
أنا : أبلة انا حغيب يومين من المدرسة علشان فرح واحدة قريتنا
الأبلة وفاء : معقولة هتسافر يومين وتسبنى هنا .... أنا زعلانة منك
أنا : والله يا أبلة أنا مش عايز أروح وقولتلهم أقعد فى البيت لوحدى بس مرضيوش مش عارف أعمل إية ( الجملة دى تحمل معنى الأستقلال والأعتماد على النفس )
الأبلة : خلاص روح وأنا مش هديلك واجب الأسبوع دا ( شغل حريم بقى)
روحت الفرح اللى كان فى القاهرة طبعا ورجعت المدرسة أدور على أبلة وفاء مش موجودة يانهار ؟ هيا فين ياجماعة قالوا اتنقلت مدرسة تانية فى طنطا ... ياخبر أبيض يبقى لازم أحول طنطا وحاولت أعرف فى أى مدرسة بالظبط ومعرفتش وساعتها جالى اكتئاب ومكنتش عايز أروح المدرسة وبقيت أعيط ..... شوف الواد محروق على الأبلة بتاعتة ازاى ؟ ~
جابولنا بعديها أبلة تانية إسمها فاطمة كانت طخينة وتقريبا كانت السبب فى تعقيدى فى العملية التعليمية كلها ومن موقعى هذا أناشد وزير التربية والتعليم انة يعمل امتحانات اختبار نفسى للبيدرسوا لأطفال بالذات لأن فعلا فى السن دا الطفل يا بيحب يا بيكره المدرسة وغالبا الأختيار الثانى هو اللى سائد اليومين دول .....
أفتكر يوم أبلة فاطمة سألت زميلنا أمير انه يجيبلها كرسى علشان تريح شوية أمير راح جرى غرفة المدرسين وجاب أول كرس شافة والأبلة قعدت على الكرسى من هنا وطاخ لقينها على الأرض ( الكرسى كان فية رجل مكسورة ) انا وبنت تانية مقدرناش نمسك نفسنا من الضحك بس الأبلة سمعتها هيا بس والأبلة بتقولها ماشى ياأمينة سامعاكى والله لتسقطى فى الحساب والعربى والدين كمان ... تعالوا قومونيى ياعيال ونحاول مفيش فايدة اخر ما زهقنا نادينا الفراش يقومها وهى بتتوعد أمينة بالعقاب الشنيع
عدت بقى مرحلة الأبتدائى لحد خامسة من غير أى حالة حب تانية لحد أولى إعدادى وديى بقا مرحلة تانية خالص
خلال الأجازات طبعا كنت بشتغل مع والدى فى المحل بتاعنا ( مقلة لب وتجارة حبوب وبقوليات انما اية تمام التمام )
كان عندى ٧ سنين وكنت بفتح المحل لوحدى وببيع كمان وأخد فلوس أوديها للتجاروأجيب بضاعة وأرجع بيها فى الأتوبيس غالبا كان كل سواقين الخط دا معرفة وكان بينزلونى قصاد المحل علطول ( أكبر مبلغ شيلتة فى الشراب وأنا عندى ٨ سنين كان ٥٠٠ جنية ) ودى كانت حاجة كبيرة أوى عليا بالنسبة لسنى
رقم العضوية : 43904
تاريخ التسجيل : 24Jul2009
المشاركات : 6,322
النوع : ذكر
الاقامة : القناطر الخيرية
السيارة: مفيش
السيارة[2]: kia-sephia 99
دراجة بخارية: كريم منير لسه هايشترلى واحد
الحالة :
كمل كمل انتوا ناوبين تسقطونا السنة دى
مفيش توقيع
عشان تتبسط :D
رقم العضوية : 22704
تاريخ التسجيل : 20Oct2008
المشاركات : 6,911
النوع : ذكر
الاقامة : Alexandria-Sidi Bishr
السيارة: ربنا يسهل
السيارة[2]: Daweoo Lanos 1 model 99
دراجة بخارية: لا
الحالة :
يامسهل
ان شاء الله هترفد من الشغل ومن البيت كمان
رقم العضوية : 12283
تاريخ التسجيل : 05Jun2008
المشاركات : 305
النوع : ذكر
الاقامة : Cairo , hadayek alkobba
السيارة: لا يوجد
السيارة[2]: Chevrolet spark 2008
دراجة بخارية: لا يوجد
الحالة :
متابع باهتمام
رقم العضوية : 36884
تاريخ التسجيل : 30Mar2009
المشاركات : 760
النوع : ذكر
الاقامة : Cairo - Nasr City
السيارة: ---
السيارة[2]: Lancer 98
دراجة بخارية: قريبا
الحالة :
مش عارف ليه فعلا اغلبنا واحنا صغيرين اول حد من الجنس الاخر نتعلق بيه
بيبقي المس
متابع معاك باهتمام شديد يا وائل
المفضلات