اقتباس:
المشاركة الأصلية كتبت بواسطة wael3m
ووصلت ايطاليا .... انا فاكر اليوم دا
نهار خارجى داخلى الساعة 7 صباحا بتوقيت ايطاليا
يوم 21 يناير 2005 انفتح باب الطائرة على مصراعيه
وإذا بنسمة هواء باردة تصفعى على وجنتى لتعلن لى انى
بالفعل فى ايطاليا درجة الحرارة كما أعلن كابتن الطائرة 5 درجات فقط ...
كملت نزول سلم الطائرة بخطوات متثاقلة حتى وصلت الى
موظف المطار وختم جواز السفر ....
ايه رأيكم فى لغة كتابة القصص دى؟
انفع ولا محكوم عليا بالفشل ؟
المهم وانا بختم الجواز لقيت ظابط الشرطة بيشاور
على حاجات انا مش فاهمها كلمتة ايطالى
لقيته مستغرب أوى وبسألنى انت بتتكلم ايطالى
قولتله طبعا قالى غريبة مع انك رايح حتة مش
بيتكلموا فيها ايطالى خالص دول بيتكلموا ألمانى وختم الجواز وسابنى أمشى ..
كنت اتعرفت على واحد مصرى فى الطيارة
عايش فى ميلانو من 20 سنة قعدنا اتكلمنا مع بعض
وادانى نمرة تليفونة وقالى لو مراتك عملت قلت معاك بأصلها اتصل بيا وتعال اشتغل معايا ...
طبعا كنت مستغرب كلامة اوى ..
ازاى واحدة عملت المستحيل علشان تجبتى ايطاليا
ممكن تتخلى عنى بسهولة ؟
المهم شفتها وكان عقلى هيطير من الفرحة وبدئنا
رحلة العودة الى المنزل الى مدينة Bolzano ...
طبعا فى كمبيوتر العربية
انا شايف درجة الحرارة عمالة تقل الى سالب 1 وسالب 5
والدفاية شغالة فى العربية وانا مش واخد بالى وعمال أقول
اكيد فى حاجة فى العربية بايظة وشوية لحد ما شفت تلج على الجبل وجنب الطريق فرحت اوى لما شفت تلج .
منظرة حلو أوى مش زى الطين اللى عندنا فى مصر
وبعد 4 ساعات سفر وصلنا البيت وكانت درجة الحرارة سالب 11
كمل كمل سكت ليه :H_angry[1]: