المشاركة الأصلية كتبت بواسطة wael3m
شوية ولقيت شغل عن طريق صاحبى المصرى اللى
اتعرفت على فى الكورس كان يعرف واحد مصرى تانى
شغال نقاش وروحت اشتغلت معاه صبى نقاش
وطبعا ما كنتش ممانع فى أى شغل زى ما قلت المهم
انى اشتغل وبس ... اشتغلت معاه اسبوعين واللى كان واخد
منه المقاولاة ضحك علية ومدلوش اى مليم يادى الفقر
حتى الحاجة اللى لقيتها مش راضية تكمل بعدها روحت
لمكتب توظيف عمالة وجابولى شغل لمده أسبوع
كل دا وانا فعلا عمال أضرب نفسى بالجزمة على انى جيت
ايطاليا وكل شوية خناقات مع المدام وأعصابى بقت خلاص
لدرجة انى فى يوم سبت البيت وخد شنتطى الوحيدة
ورحت انام عند المعلم النقاش اللى كنت بشتغل عندة
وتانى يوم الصبح لقيتها بتكلمنى وبتقولى انا اسفة
ومتزعلش منى وأخوكم كان بيحبها اوى ورجعت البيت
وكانت كلمت واحدة صاحبتها عندها شركة نظافة
يعنى بيروحوا يمسحوا سلام البيوت ... تخيلوا وصل بيا الحال
للدرجة دى ؟؟ طبعا علشان كنت بحبها أوى قولت استحمل
ورحت أمسح سلالم وأكنس جراجات عربيات على الحال دا شهرين
لحد ما وصل الصيف ولقيتها بتقولى انا عايزة أروح مصر
ونقضى شهر هناك قولتلها بس انا لسة مستلم شغل من شهرين
مينفعش أقولهم فى الشغل ادونى شهر ولاحتى أسبوع
عملت زى الاطفال و ماليش دعوة وانا بستنى العيال تخلص
المدارس ودى فرصة .... رديت عليها اكلم أصحاب الشغل
وأقولهم على 10 ايام قالتلى ماشى بس مقدرش أسيبلك البيت
لانه ممكن يحصل فية حاجة .. قولتلها حاجة زى اية يعنى انا
مش بتوع نسوان ولا عمرى هكون لانى ببساطة متجوز ولو حتى
فية مشاكل بينا عمرى ما ح أفكر أخونك لسبب بسيط ان دينى
وتربيتى بتمنعنى عن كدا .. قالتلى مش بتكلم على كدا انت ممكن
تنسى حاجة على النار والبيت يولع .. قولتلها ممكن يحصل منك
نفس الشئ .. ردت وقالت دى بيتى لما يولع منى تبقى مسئوليتى
انما لما يولع منك مش هرحمك ... طبعا أخوكم سمع الكلمتين من
هنا وولعت وقعدت أزعق فيها وقولتلها يعنى انتى متأمنانى على أولادك
ومش مأمنانى على البيت طيب ماشى وسبت البيت وقوتلها نتكلم بعدين
لانى عندى شغل دلوقتى وطلعت من البيت وانا مولع وقولت يارب
ألاقى بيت تانى وروحت الشغل وصاحبت الشغل شافنتى
وقالتلى مالك قولتلها على اللى حصل وقالتلى ولا يهمك
وفى ظرف نص ساعة كانت جابتلى شقة والستات اللى كانوا
معايا ساعدونى اللى جابتلى حلل ومعالق وشوك وسكاكين
واللى جابتلى هدوم من بتوع أولادها واللى طبخت وجابتلى اكل
كنت فرحان أوى لان ربنا استجاب لدعائى وروحت البيت اخر النهار ولميت هدومى للمرة التانية وهى بتقولى انت بتعمل ايه
رايح فين قولتلها طالما انت مش عايزة تسيبنى فى البيت
يعنى معنى كدا ان انتى مش عايزانى انا مش عايز أشوفك تانى
كنت فرحان وزعلان فى نفس الوقت .... فرحان لانى خرجت
من البيت وارتحت من الخناق والزعيق .. صحيح الحياة الزوجية
واحدة فى كل الدنيا مش بتفرق بقا مصرية من أجنبية :M_yes[1]:
كلها عيشة نكد :stink[1]: كنت زعلان لانى كان ليها شوية حب فى
قلبى وكان صعبان عليا أوى لما سبت البيت
ا