فكرة هايلة ياريت يا وائل باشا تعمل كده
الواحد ادمن الموضوع ده خلاص .... ده لو منتج شافه ممكن يعمله فيلم او مسلسل :C_laugh[1]:
وعموما كلنا متبعين معاك :S_thum1[1]:
عرض للطباعة
علشان انا فى بلد اروبى لازم اعرف بلدى
علشان الناس متخفش منا كمسلمين أولا ثم كمصريين ثانيا
دا دور كل واحد مننا بره بلده وخصوصا فى أروبا وأمريكا
لان الاعلام فى البلاد شديد جدا علينا كعرب سواء مسلمين
أو مسيحين علشان كدا بحاول أعمل الندوات دى كتيير
وربنا يوفقنا
ميزو باشا انا اسف انى مش بكتب باستمرار كل شوية يخش زبون اقعد اشرحلة يجى نص ساعة فى الاخر مايشتريش:I_angr1[1]:بس بجد بحاول اكتب على قد ما أقدر .... تانى حاجة انا مش بكتب عربى كتيير علشان كدا تقيل فى العربى
لا اسف ولا حاجهاقتباس:
ميزو باشا انا اسف انى مش بكتب باستمرار كل شوية يخش زبون اقعد اشرحلة يجى نص ساعة فى الاخر مايشتريش:i_angr1[1]:بس بجد بحاول اكتب على قد ما أقدر .... تانى حاجة انا مش بكتب عربى كتيير علشان كدا تقيل فى العربى
بس انا مستنى اعرف الباقى
انت لسه فى يناير 2005 واحنا فى مارس 2010
فى لسه 5 سنين وفى نظرى انهم ممكن يكونو اهم 5 سنين
متابع معاك براحتك خالص
وربنا يوعدك بزبون يشترى يارب
دى بجد من اجمل القصص اللى قريتها فى حياتى...
بعد متخلصها نزلها فى كتاب وحتبقى جامده جدااااااا
:)
المهم أول ما خرجت رجلى بره العربية دخلتها بسرعة
يا نهار مش فايت دى درجة الحرارة بجد -11 المهم دخلت البيت بسرعة
وكان أبوها وأمها كانوا موجودين ورحبوا بيا عادى
على عكس ما كنت متوقع وبعدين قالتلى يالا نروح
نجيب البنت من الحضانة اللى هيا جنب البيت ...
بصراحة مكنتش عاوز أخرج بسبب البرد بس اضريت ..
واحنا بنجيب البنت قالتلى نعملها مفاجاة
تستنى جنب العربية ونركنها بعيد شوية قلت ومالة
على ما راحت تجيب البنت لقيت ست طلعت من
شباك الحضانة بتكلمنى ألمانى
رديت عليها بالايطالى انى مش فاهمها
وياريت تتكلمى ايطالى ودى ركبها 100 عفريت
كانى شتهمتها بالام مثلا
ولسة هتدخل من الشباك و شكلها طبعا كان
هتتطلبى الشرطة لانها بلد صغيرة ويعرفوا بعض
وأى غريب بتعرف بسرعة لقيت ليزا والبنت جايين
وطبعا بوصولهم أنقذونى من وصول الشرطة طبعا الموقف ضايقنى أوى
و حكيت لليزا اللى حصل
قالتلى ولا يهمك الناس هنا بتكرة الايطالين من زمان
من أيام الحرب العالمية التانية لان الارض دى
كانت جزء من النمسا والحاج موسولينى خد الارض
دى غصب عنهم ولغا العملة فخلى عاليهم سافلهم
وكمان اللى كان ببتكلم ألمانى كانوا بيعدموه فى
الشارع فكانوا بيخافوا يتكلموا ألمانى وبيتكلموه يا أما فى
البيوت بصوت واطى او فى الكنايس المقفولة ...
علشان كدا الناس العواجيز هناك كانوا بتكلموا ايطالى
تمام اما الشباب فكان الايطالى بتاعهم ضعيف شوية
رغم انهم بيحملوا الجنسية الايطالية ...
وفى ناس قابلتها أقسم بالله ما كانت بتتكلم ولا كلمة ايطالى ..
طبعا فى الاول كنت مستغرب اوى العملية دى
بس بعد كدا اتعودت عليها
شهر والتانى وانا مش لاقى شغل بسبب انى مش بتكلم المانى
رغم انى اعرف ايطالى وانجليزى وروسى وبردة مش لاقى شغل
طبعا انا كنت طالع بعقد عمل بس مش حقيقى
دا كانت حاجة كدا علشان أعرف أوصل ايطاليا
طبعا كانت نفسيتى زى الزفت ومكنتش طايق نفسى
والفلوس اللى معايا خلصت كنت واخد معايا حوالى 1000 يورو
على اساس انى قاعد فى بيت ببلاش وتقريبا
مصرافيى هتكون الاكل وبس .... بس الوضع كان غير كدا
خالص بقينا نطلع كل أسبوع ناكل فى مطعم وطبعا
انا اللى كنت بحاسب ليا وكمان 3 اشخاص هيا وأولادها الاتنين
بقينا فى شهر مارس والفلوس خلصت وبقيت أعصابى مش
مستحملة أى كلمة منها وبقينا نتخانق كتيير أوى
كنت فى الفترة اتعرفت على 1 مصرى من كورس الالمانى اللى
كنت بدئت فيه علشان الاقى شغل شخصية كويسة وعرفنى على
واحد صاحبة كمان برده شخصية ممتازة ولسة على اتصال بيهم
حتى الان ....
فى مرة من المرات اللى روحت أدور على شغل مراتى لقت إعلان فى جرنان ( غسيل صحون فى فندق )
انتوا عارفين مش بتفرق معايا بس
الصراحة كنت حاسس بألم نفسى فظيع بعد اللى انا
كنت فيه فى شرم والمكانة اللى انا وصلتها يحصل فيا كدا وأربع لغات وكلية حتى لو زى قلتها ....
ما علينا ياواد على الاقل أهى حاجة احسن من القعدة فى وش
العيال اللى فعلا جنونى المهم حددولى ميعاد علشان اروح أعمل
مقابلة مع صاحب الفندق ومديرة
قابلت السكرتيرة وماكنتش بتتكلم ولا كلمة ايطالى ولا انجليزى
ولا فرنساوى بس ألمانى بالعافية فهمتها انى معايا ميعاد مع المدير
وجه المدير ومن حظى انه كان بيتكلم ايطالى أول حاجة سألهانى
انت بتتكلم المانى قولتله لا بس بتعلمة وبفهمة كويس
يعنى لو حد من الموظفين كلمنى ألمانى هفهمه كويس
قالى انا اسف انا محتاج حد بيتكلم ألمانى ....
طبعا رديت علية انا جاى اشتغل غسيل صحون يعنى
مش هتكلم المانى مع الاطباق وسيبتة ومشيت
وانا مخنوق والدنيا مضلمه فى عينى ومش طايق
انى اروح البيت وكان هاين عليا ارمى نفسى
من على الجبل من كتر الاحباط اللى
وصلتله من قلة الشغل وعمال أقول لنفسى
ايه اللى جابنى هنا ؟ اية اللى انا بعمله هنا
الجو برد ومفيش شغل ومفيش اصحاب
وكنت بفتكر الناس اصحابى اللى كانوا فى شرم
اللى كانوا بتجوزوا أجانب ويرجعوا بعد 6 شهور
يقولولنا انا احنا فى نعمة واحنا بنفكرهم بيقولوا كدا
علشان العين وأتاريهم كانوا عندهم جق
اللهم أمين
على فكرة يا أستاذ عاطف أنا فعلا بكتبها فى كتاب بس بالايطالى
بحاول فيه اتكلم عن مصر وعاداتنا وبنعمل اية
فى رمضان والعيد حاجة زيادة على الندوات
زى ما قلت علشان الناس هنا متخافش مننا
و بفكر أكتبها عربى بس مش عارف هتلاقى
نجاح ولا لاء وكمان معرفش
دور نشر فى مصر ... ايدى على كتفك
ان شاء الله ربنا يوفقك فى المحل الجديد واحنا متابعين معاك اهه
وائل ممكن تبعتلنا صورة ليك نحب نشوف الشخصية الي بتكلمنا :U_thin1[1]::U_thin1[1]::U_thin1[1]::36_7_4[1]::36_7_4[1]:
لو تسمح
بس كدا يا مان من عينى الاتنين اللينك دا فبه الصوره ليا
ImageShack® - wael3m's Profile Page