متابع يا وائل فعلا قصه جمليه ربنا يباركلك
عرض للطباعة
متابع يا وائل فعلا قصه جمليه ربنا يباركلك
اول مره اخد بالي من موضوعك ياريت السرعه موضوع شيق جداااااااا
احلى حاجه في الموضوع ده انوا مسلسل ولا بولد اند بيوتيفول. بقالوا 4 شهور و لسه شغال.
اسلوبك شيق و ممتع و قصة حياتك فعلا مشوقه بس انت نفسك عارف نهايتها ايه؟
يقول الله عز وجل (ومن يتقي الله يجعل له مخرجا ويرزقه من حيث لا يحتسب )
يقول الله عز وجل (ومن يتقي الله يجعل له من امره يسرا)
يعني لو هنطبق الاية الكريمة هيكون كلامك مش مبرر انك تشتغل في الاماكن دية علي الاطلاق
خصوصا حديث الني صلي الله عليه وسلم ( ان الله حرم بيع الخمر والميتة والخنزير والاصنام ) فقيل يارسول الله ارايت شحوم الميته فأنها يطلي بها السفن ويدهن بها الجلود وبستصبح بها الناس فقال (لا هو حرام) ثم قال رسول الله صلي الله علية وسلم عند ذلك (قاتل الله اليهود ان الله لما حرم شحومها جملوه ثم باعوه فاكلوا ثمنة) رواة البخاري
وعن عائشة رضي الله عنها قالت -لما نزلت ايات سورة البقرة عن اخرها خرج النبي صلي الله علية وسلم فقال (حرمت التجارة في الخمر) رواه مسلم
وقال جابر - رضي الله عنة -حرم النبي صلي الله علية وسلم بيع الخمر
ولازم الواحد يحسن الظن في الله عز وجل
الله عليك يا وائل ربنا يعينك وتكمل الباقي لاني مستمتع جدا الحقيقة
انت مثال رائع للصبر والطموح ... ربنا يوفقك يا كبير
مع احترامي لصاحب الموضوع وكفاحه وكل الناس المشاركه في الموضوع
بس فيه حاجات انا شايف انك مش المفروض تقولها لانها تعتبر جهر بالذنب وده شيء حرام
والله ياوائل انا معجب حقيقة بقصة كفاحك وربنا يقويك وانتا بصراحة مثال للشاب العصامى برغم الحاجات اللى ممكن نقول عليها انك كنت مجبر انك تعملها ولكن كونك انك ذكرتها فدا يبرر انك إنسان صادق وعلى رأى المثل ( قول الحق فضيلة) وانا فى انتظار باقى مذكراتك وربنا يعينك والف الف مبروك على المحل الجديد وإن شاء الله يكون فتحت خير عليك وتكون برضه سبب انك تساعد واحد يكون فى حاجة زى ما فى ناس ساعدتك.. والله الموفق
الله يكرم حضرتك وشكرا لمرورك على الموضوع
يعنى ممكن ينفع مسلسل يتعمل فى رمضان اللى جاى :ma(30):
مفيش حد بيعرف نهايته ... انا بحكى الأحداث الى يومنا هذا
شوف ياأستاذ محمد انا مش مبسوط وانا بحكى على اللى حصلى
ومش راضى كمان عن نفسى بس حبيت أوضح للناس ان
الحياة هنا واى مكان تانى بره مصر مش وردى خالص
وانا قولت اكتر من مرة ربنا يسامحنى ويغفر لى ما تقدم من
ذنبى وما تأخر
استاذ شداد انا مكنش قصدى انى أجاهر بالذنب انا كنت بحكى
على حاجة مريت بيها ونادم عليها وبعلن توبتى منها واول حاجة
عملتها انى اعترفت بذنوبى وعاهدت الله انى مكررهاش تانى
أبدا .... اول طريق التوبة الاعتراف بالذنوب صح ولا انا غلطان ؟
الله يبارك فيك ويارب وفقنى انى اساعد اى حد يكون فى شدة
اول الطريق الصحيح ان الواحد يقف شوية مع نفسه ويحاسبها
ويعرف هو عايز ايه من حياته .... زى ما انت قولت انا كنت
مجبر على حاجات مكنتش عايز أعملها بس كان غصب عنى
انى عملتها بس كنت بدعى ربنا انه ينجينى منها وفعلا كان بيحصل
السلام عليكم جميعا
وبدئت الشغل فى انتركونتنتال روما
بجد الفندق دا كان وشه حلو عليا سنتين
لحد ما وصلت مساعد مدير استقبال
assistant front office Manager
والبقشيش كان حلو والزباين كانت حلوة
وبدء أختى يجيلها عرسان فى اللحظة دى
حسيت انها كبرت وأنا كمان عجزت :M_yes[1]: لان كنت
بحس ان أختى دى زى بنتى:shyy: لقيتها كبرت أوى وانا مش
دارى وأخويا كمان قرب يخلص جيش وبيقولى شوفلى شغل فى
أى حتة دا بحكم ان كان بيجى فى الفندق شخصيات كبيرة أوى
من دول عربية .... وكانوا بيكلمونى اكتر من أى شخصية
تانية فى الفندق بحكم انى المصرى الوحيد اللى فى الفندق
طيب ياعم انت عايز تشتغل اية ؟ يرد ويقولى أى حاجة
ودى بقى اكتر حاجة بتقرفنى من أى حد يقولى الرد دا
لازم الانسان يعرف هو عايز يشتغل ايه وعايز اية من حياتة
المهم بعد ما خلص جيش بأسبوع كنت جايبلة شغل
بس المرة دى فى شركتى .... أيوة شركتى
كان كلمنى ابن عمتى عليها وتعالى يابنى نعملها مع بعض
ومكسبها حلو ( سنتين لحد الان ومشفتش مكسب حلو زى ماقال)
بس نقول الحمد الله بتجيب مصارفيها من غير ما ألمس راس المال ...
دى عبارة عن شركة مقاولات تخصص عزل
يعنى لو فى عمارة وبتسرب مياه من البدروم بنروح
نعزل المياة عن البدروم بمواد كيماوية عازلة
اشتغلنا فى محطة مياة فى المنوفية لمدة سنتين
وحاليا شغالين فى مدينتى تقريبا من سنة ونص
شغل تشطيبات ولسة واخدين شغل بنا لفيلات
بعد ما أثبتنا للناس ان احنا شغالين تمام وبنسلم قبل الميعاد
طبعا اخويا اشتغل فيها وربنا كرمه وخطب هو كمان
طبعا همى كله انى اجوز أختى وحلفت ما أتجوز تانى إلا
لما ما هيا تتجوز وتبقى تمام ( دلوقتى خلفت بنوتة اسمها سما
وبقيت خال ياجماعة ) بعد ما اطمنت على اختى واخويا اللى
هيتجوز بعد كام شهر قررت أفتح المحل اللى انا فيه
طبعا سبت الشغل فى انتركونتنتال روما لموقف معين هقولكم علية
فى يوم من الايام اتنين موظفين من سفارة دولة عربية وصولوا
عندنا الفندق علشان يحجزوا غرف للأمير ومراتة وعيالة
وطبعا أول ما شافوا اسمى سألونى ان كنت بتكلم عربى
قلتلهم ايوة انا الوحيد اللى بتكلم عربى فى الفندق هنا بقوا
مبسوطين أوى وطلبوا منى انى اطبعلهم كلمة القبلة بالعربى
وأحطها فى كل الغرف اللى هما نازلين فيها وسألتهم طبعا ان
كانوا عايزين كمان مواقيت الصلاة قالولى طبعا وشكرا
فى اللحظة دى كان معايا نائب المدير طبعا كلنا عمالين
نتكلم عربى وهو مش فاهم حاجة وجت لحظة وصول الامير
ومراتة وعيالة وانا طبعا برحب بيهم بالعربى وحمد الله على
السلامة وأهلا بيكم فى الفندق ولقيت نائب المدير بيقولى قدامهم
بالايطالى متتكلمش عربى معاهم اللغة الرسمية بتاعه الفندق
الانجليزى ...طبعا وشى أحمر من الغضب وسبت الناس
يدخلوا الفندق وبعدين بصتلة وبكل هدوء قلتله واضح ان
حضرتك مش عارف حاجة عن قواعد الفندق بتاعنا اللى حضرتك
شغال فية بقالك 20 سنة لان القواعد بتقول
ان حضرتك تقول التحية بتاعتة البلد اللى
حضرتك فيها ولو الزبون مش
بيفهم اللغة تقوم تتكلم معاه انجليزى
المدير العام بينزل بيرحب بالناس الالمان بالالمانى
لية مبتقلوش حاجة ... حضرتك أثبتلى انك مبتفهمش أى حاجة
ولا بتفهم يعنى اية خدمة سياح
وعلى العموم لو انت جاهل مبتعرفش عربى دى مش مشكلتى
دى مشكلة حضرتك طبعا الراجل وشة قلب 100 لون وقعد
يزعقلى قدام بقيه الموظفين انت ازاى تكلمنى كدا وانا هعمل أسوى
فيك ومش هخليك تشتغل هنا تانى وانا بكل بروووووووووووود
قلتة لو سمحت توطى صوتك وهنشوف مين هيمشى مين من الفندق
وسبته ورحت جايب ورقة وكاتب عليها
استقالة مسببة وفى ظرف 5 دقايق كنت فى غرفة المدير العام
بقدمله الاستقالة طبعا الراجل قراها اتجنن وجاب مدير الاستقبال
يسأله اذا كان دا حصل ولا لاء والراجل قلة حصل فعلا من
نائب المدير كدا قام المدير قالى انا اسف ليك قولتلة حضرتك
مش المفروض اللى تتسألف لانك معملتش حاجة وقام مكلم نائب
المدير وقالة تعالى فورا وطبعا وصل ومش قادر يبص فى وشى
المدير قاله اعتذرله والراجل رفض وانا واقف من الموبايل بتاعى
كلمت الشرطة والمدير يقولى خلاص بقى ملوش لزمة تكلمهم
المهم الشرطة وصلت بعد 10 دقايق وعملوا محضر للاخ
بأنة عنصرى وان استخدم لهجة ألحقت ضرر معنوى بالعبد لله
ورغم انى ان أجنبى وهو ابن البلد ألا والله المدير العام ومدير
الريسبشن والموظفين كانوا معايا انا لانى عمرى ما زعلت حد
منى وكان لسانى حلو مع الكل ولما كنت بنزل مصر بجيب
هدايا للكل علشان كدا بيحبونى جدا ومازالوا على اتصال معايا
فى نفس اليوم باليل بعت ايميل لرئيس مجموعة انتركونتنتال
على مستوى العالم وحكيتلة اللى حصل وبعتله نسخة من المحضر
بالايطالى شرحتله انى اخترت اشتغل فى انتركونتنتال روما لانى
بحب المجوعة بس لو كنت عارف ان فيه ناس مش فاهما يعنى اية سياحة
مكنتش فكرت انى اجى اشتغل هنا ابدا ولله الحق الراجل
اتصل بالمدير العام وفهم من القصة ... تخيلوا يعمل اية
قام نقل الاخ لأسبانيا الراجل رفض ينفذ النقل قاموا رافدينه وقتى
فى ايطاليا و دول أروبا تعمل كل حاجة بالقانون يحترموك
ويدولك حقك حتى لو كنت أجنبى لان فعلا عندهم كله سواسية
قدام القانون الفرق بينى وبين ابن البلد انه يقدر ينتخب وانا لا
موقف تانى فى الفندق بيدل على انهم بحترموا الناس ومعتقداتها
فى شهر رمضان الفطار كان الساعة 7 باليل وساعات كان
عندى وردية من 2 الى 11 باليل والغداء كان الساعة 6
يقوم المدير بتاعى يكلم المطبخ انهم يعملولى أكل مخصوص
لوحدى علشان انا صايم فعلا بجد من المواقف اللى عمرى ما
انساها ابدا
خلصت حكايتى واهلا بأى أسئلة وأهلا كمان بأى نقد :shyy: