تيدا ولا سيراتو؟؟؟؟؟؟؟؟؟

**abou_ruqi** · 29-12-2009 09:03 AM

المشاركة الأصلية كتبت بواسطة ghazy12

ممكن اتفرج معاك طيب...؟؟؟ هههههههههههه... ربنا ما يجيب خناق ان شاء الله

من فتره طويله, كان في موضوع شبه ده بالظبط و دخلنا انا و حضرتك فيه و كان نفس الكلام و الانقسامات....

بس هقول حاجه بسيطه, ممكن صاحب الموضوع يجرب الاتنين و يشوف هيحس براحه في الركوبه في انهي فيهم , التيدا ولا السيراتو... العربيه ركوبه

و ربنا يوفقك ان شاء الله...

حبيب قلبي اللي واجعني قوي , محمد غازي
والله أنا بعمل كده علشان يبقى الموضوع أوله ضحك كده وهزار وروح رياضية
وربنا يديم المحبة

أنا مع النيسان طبعا قلبا و قالبا , مش تعصب لسيارتي ,حتى اسألوا إني طلعت قبل كده عربيات تانية إنها أحسن منها في مقارنات سابقة

إنما أنا كنت عامل موضوع قبل كده عن الشركات الرائدة اللي ليها بصمة في تكنولوجيا السيارات , مفيش منهم ولا واحدة كورية !! السيارات الكورية ما هي إلا تقليد ولكن بشكل جميل وتقفيل نضيف إنما مش عربيات رائدة ,وجمال الشكل لا يعني أي شيئ أنت بتشتري آلة تحمل أرواح عزيزة عليك ,أنت مش بتشتري قميص !

فرق كبير بين تصنيع السيارة و بين تطوير السيارة

انا بحب الكيا جدا و شايف إنها أحسن الكوري , بس لما نيجي نقارنها بالتيدا , بالذات لإنها من شركة ليها اسهامات مؤثرة في تطوير السيارات , الوضع يختلف

انا لما بمرض بإذن الله , بروح لإستشاري أو لأستاذ طبيب , مش بروح لممارس عام أو حتى أخصائي

أنا طبعي كده !
غاوي خبرة !.

**aymgamal** · 29-12-2009 10:04 AM

لو بتفكر تبيع فى خلال سنتين تلاتة بس يبقى سيراتو
أما بقى لو هتخليه معالك و مابتفكرش فى البيع يبقى تيدا لأنها مش كويسة فى سعر أعادة البيع

**hero_1016** · 29-12-2009 10:27 AM

طيب اي الموتورين احسن؟؟

**TOOLA** · 29-12-2009 11:48 PM

المشاركة الأصلية كتبت بواسطة mohsenyahu

بسم الله الرحمن الرحيم ,

يبدا سعر كيا سيراتو فى فئة محرك 1600 سى سى من 96000 الى 125000 على ستة موديلات مختلفة بحسب التجهيزات والكماليات ولكنها جميعا تشترك فى نفس البودى كما تاتى السيراتو بموديلين اضافيين فى فئة الكوبية بسعرين 120000 و136000
وترتكز سيراتو على شاسيه النترا من هيونداى وان اختلفت عن هيونداى كليا فى باقى المكونات وتعد كيا هى الصانع الجيد المرادف لاودى بالنسبة لفولكس فاجن اذ تشتركان فى خطط التصنيع ومعظم اساسيات التصميم ولكن تبقى الجودة المطلقة وفخامة المكونات لصالح اودى دائما وهو الحال تماما بالنسبة لكيا من مجموعة هيونداى اذ تبقى كيا متفردة فى مجال الجودة والفخامة عن هيونداى وبالطبع هى اغلى دائما من هيونداى.
اما بالنسبة لنيسان تيدا فتاتى فى ستة موديلات فى فئة المحرك 1600 ما بين السيدان والهاتشباك ويبدا سعرها فى مصر من 116000 الى 128000 وقد ظهرت تيدا لاول مرة فى عام 2004 باليابان نتيجة اندماج نيسان ورينو ونظرا لتقليل تكاليف الانتاج فقد رات الشركتان ان يتم استخدام المكونات الناجحة لدى كل من الشركتين بما فى ذلك هيكل السيارة والشاسيه ومن ثم اتفقا على ان تكون هناك فئة مشتركة اصطلحا على تسميتها بلاتفورم بى والتى بموجبها تندرج مكونات رينو كليو الجيل الثالث ورينو مودوس فى هذه الفئة ومن هنا جاءت تيدا على هيكل وشاسيه كليو 3 و ان استقلت نيسان فيما عدا ذلك كليا فى المحرك والتعليق والتشطيب الخارجى والداخلى عن رينو تماما
والجدير بالذكر ان نيسان قد حصلت على اعلى التقييمات فى عام 2007 من ناحية جودة الصناعة والفخامة .
وباختصار فان السيارتان جيدتان جدا وتتمعان بكافة مميزات السيارة القوية والامنة والانيقة

تقييم ممتاز و معلومات غزيرة, شكرا جزيلا

**asd7778** · 30-12-2009 10:38 AM

انا ارجح السيراتو
بس عندى رأى مختلف شويه
فكرت فى التويوتا كورولا 2009
نازله ب 117 الف
لو قدرت تتأقلم مع mmt حيكون احسن خيار

**abou_ruqi** · 30-12-2009 10:52 AM

المشاركة الأصلية كتبت بواسطة asd7778

انا ارجح السيراتو
بس عندى رأى مختلف شويه
فكرت فى التويوتا كورولا 2009
نازله ب 117 الف
لو قدرت تتأقلم مع mmt حيكون احسن خيار

خامات التيدا الداخليه أفضل بكثير من الكورولا في هذه الفئة واوبشنز التيدا أكثر
كما أن الصالون في التيدا أوسع

hh · 30-12-2009 01:10 PM

انا فعلا فكرت في الكورولا ال mmt الادفانسد بس جوزي مش عايزها عشان موضوع مشاكل الفتيس و حكاية انه مش حينزل تاني خلاص. لغاية دلوقتي التيدا هي الاقرب بس انا كنت بفكر نروح نتفرج على الابيزا الجديدة 2010 أو الكوردوبا, ايه رأيكم؟

**abou_ruqi** · 30-12-2009 01:22 PM

المشاركة الأصلية كتبت بواسطة hh

انا فعلا فكرت في الكورولا ال mmt الادفانسد بس جوزي مش عايزها عشان موضوع مشاكل الفتيس و حكاية انه مش حينزل تاني خلاص. لغاية دلوقتي التيدا هي الاقرب بس انا كنت بفكر نروح نتفرج على الابيزا الجديدة 2010 أو الكوردوبا, ايه رأيكم؟

لا لو السيات دخلت في الموضوع , يبقى الكلام يتغير
شوفي الليون و الألتيا , حاجات مرعبة , أحسن من كل اللي اتقال

hh · 30-12-2009 01:52 PM

المشاركة الأصلية كتبت بواسطة abou_ruqi

لا لو السيات دخلت في الموضوع , يبقى الكلام يتغير
شوفي الليون و الألتيا , حاجات مرعبة , أحسن من كل اللي اتقال

هي مرعبة بجد في كل حاجة خصوصا التمن

انا باقول ابيزا او كوردوبا عشان متوقع ان ال2010 حتكون في حدود 120000.
بس انا مش متأكدة نزلت في التوكيل ولا لسة.

**tigernet** · 02-01-2010 03:11 AM

من حبث الصناعة و الجودة و ااتقفيل يبقى تيدا
لو الشكل سيراتو
التيدا الهاتش باك تحفة تدى السيراتو بالجزمة

الموضوع: تيدا ولا سيراتو؟؟؟؟؟؟؟؟؟

LinkBack

أدوات الموضوع

عرض

-

-

المواضيع المتشابهه

سيراتو ولا تيدا ؟

كيا سيراتو ولا نيسان تيدا

هوندا سيتي 2009 & نيسان تيدا & i30 & نيو سيراتو

تيدا/ صني/ سيراتو/ اوبترا

ارجو راى الخبراء : كيا سيراتو-اوبترا-صنى-تيدا

الكلمات الدلالية لهذا الموضوع

المفضلات

المفضلات

ضوابط المشاركة