الموضوع: ظاهرة التصفيع (التسقيف)

أستاذ سبعاوى ... شكرا جزيلا على الرد الوافى والحمد لله انه مش جوان وش السلندر علشان انا دمى نشف لما قرات ان المشكله سببها جوان وش السلندر
ان شاء الله هاروح أكشف على ترمبه البنزين مع العلم أنى مغير فلتر بنزين من فتره قريبه من شهرين تقريبا

الكشف على حساس الصفع بتعرف عن طريق وضع السياره على جهاز كشف الاعطال ؟؟؟ ولا لا

معلش انا عايز أتاكد من حاجه يا استاذ سبعاوى
التسقيف ده ما بيبقى موجود فى الصبح ولا فى اى وقت غير
لما يكون الطريق زحمه لفتره طويل وأول ما الطريق يمشى اسمع التسقيف
وبعدها فى اليوم التالى ما أسمع التسقيف مها شديت أو قرصت
ممكن ده يكون فيه حاجه فى الماتور او وش السلندر ؟؟؟؟

اوام كده قولت وش سيلندر !!

عموما، أضرار التسقيف أو التصفيع، بيعمل رواسب كاربون على الشمايز بتاعت الموتور، و الكاربون ده هو اللى بيزود التصفيع بعد كده عشان بيبقى زي الفحم، بيولع البنزين لوحده من غير بوجيه أصلا، فبتسمع الصوت الغريب ده، و المشكلة بتحصل مع زيادة حجم الرواسب ديه، عشان ممكن يسبب انفجار في جسم الموتور، بيسموها في ميكانيكا السيارات detonation
انصح بزيارة للتوكيل، و لو حاسس انهم غاليين، انا رحت لمركز صيانة معتمد بعد السندباد اسمه أولاد صبحي سند، دول مبياخدوش فلوس على الكشف، و من أخلص الناس في عملهم، و عنده أجهزة الكشف بالكمبيوتر. أهم حاجة متسبش التسقيف ده لو هو منتظم يعني بتسمعه طول ما انتا ماشي. و بلاش كهربائي سيارات، عشان العربية ديه في شغل تكنولوجيا عالي.
البوجيهات مش بتشتغل بسبرترير في العربية ديه أصلا، يعني مفيش ظبط كهربا. الظبط بيبقى بالكمبيوتر.

شكرا جزيلا يا استاذ محمد على الرد
وانا ان شاء الله هاروح المركز ده وهاقولك ايه اللى حصل
وجزاك الله خيرا

مستني النتيجة، و يا رب متطلعش مشكلة كبيرة.

بالنسبة للأخ سبعاوي، تويوتا لم تستعمل نظام البوبينة لكل سلك حتى اليوم، تويوتا تستعمل نظام خاص بيها، و هو توزيع الكتروني باشارات من الكمبيوتر عن طريق سينسور مكان الكرانك، و الاشارة يتم تكبيرها عن طريق بوبينة واحدة تولد الكهرباء باستمرار، يعني الكمبيوتر مجرد بيوجه الشرارة لبوجيه رقم كذا. و هو نظاك أسوأ نسبيا من النظام الألماني اللى انت اتكلمت عنه.
أما عن البوبينة اللى انته بتشوفها على سلك البوجيه فهو موجود فعلا و فايدته يمنع الذبذات الكهربية من الانتقال للراديو جوه العربية، و ليس له فايدة للمحرك.
لو تانك البنزين مشكوك انه فيه ميه، هنا ييجي الدور الحقيقي لاضافات البنزين، عشان فيها نسبة كبيرة من الأسيتون المعالج الذي يمتص المياه و الرطوبة من داخل التانك، و لذلك هو لا يضيف لعزم السيارة، فقط يعالج الضرر الناتج عن الاستهلاك.
أما كابلات البوجيهات في الكورولا فنوعها نضيف جدا، و مش بيتغير أبدا ، ملوش علاقة بالصيانة السنوية.
ملحوظة، سينسور التصفيع مينفعش تغيره الا داخل التوكيل.