أولا ما هي مواصفات السيارة و قوة موتورها ( كام سي سي )
بالنسبة لأسئلة حضرتك ( لو العربية 1300
1 ممكن تعرف متى تنقل للسرعة التانية من عداد السرعات
يعني الأول لغاية 20 كم و التاني لغاية 40 أو 45 و التالت لغاية 65 و الرابع لغاية 85 و الخامس فما فوق

2 طبعا مش كويس و لكن ممكن تطلع من الثبات على التاني و لكن غير مريح للموتور و يستهلك بنزين أعلى و إلا لما صنعوا الأول أساسا

3 هو الترتيب ضروري و لكن حسب سرعة العربية
يعني مثلا لو حرقت غيار لأخره ممكن تفوت غيار في النص فمثلا لو أنت ماشي على الثالث و سرعتك كانت 80 مثلا فممكن تجيب الخامس على طول

4 طبعا ممكن تنزل بعصاية الفتيس لتحت حسب سرعة العربية
لنفرض أنك ماشي على سرعة 100 و فجأة وجدت الطريق توقف تماما و قمت ضارب فرامل فنزلت سرعة العربية من 100 إلى 60 مثلا فبالتالي يمكنك النقل من الخامس إلى الثالث و حسب سرعة العربية

الفرامل تكون أقوى لما تدوس دبرياج ؟؟؟؟؟؟؟؟؟؟
كلام مش صحيح
الفرامل أقوى و العربية واخدة غيار لأن التروس بتقلل سرعة عربيتك
و ده اللي المفروض حضرتك تعمله لما تيجي تفرمل خصوصا لما يكون الطريق قدامك لازم تقف فيه بسرعة معينة تحط العربية في غيار مناسب لسرعتها و تفرمل و خلي بالك لما تيجي تنزل بالغيار لازم يكون مناسب لسرعة العربية علشان سرعة الموتور
يعني مثلا لو أنت ماشي على 100 و روحت نازل بالغيار على التالث ده غلط جدا على الموتور
نرجع لموضوع الفرامل
نصيحة أوعى تحط العربية في وضع المور و أنت في أي منزل أو منزل كوبري ....... علشان لما بتيجي تفرمل تلاقيها تجيب معاك و تقف ........ أما لو في وضع المور الفرملة بتعمل حمل على الفرامل و بتخليها ضعيفة و بتسخن و ما بتوقفش العربية في الوقت المناسب

حاول الالتزام بالسرعات المناسبة للنقلة المناسبة لتحافظ على استهلاك البنزين و تحافظ على عمر الموتور
و لو العربية 1600 تزود 10 كيلو على السرعة المشار إليها سابقا لتغيير عصا السرعات
إليك تحياتي

و الله المستعان