الفرق بين البوجيهات

**mohamed777** · 31-12-2009 02:59 PM

السلام عليكم ورحمة الله وبركاتة

إية الفرق بين البوجيهات العادية اللي بتركب للعربيات القديمة اللي بتيجى كلها فى علبة واحده شفافة مثلا زى ال ngk

والبوجيهات السن قصير اللي بتيجى كل بوجية فى علبة كرتون لوحديها

والبوجيهات السن الروفيع اللي ماعرفش حتى شكلها اية او علبتها إزاى

ياريت حد من المتخصصين أو اللى يعرف معلومات عنهم يجاوبنى
وكل نوع منهم احسن لأى عربية سواء حديثة او قديمة او بتستخدم بنزين 80 او 90 او حتى 95؟

وجزاكم الله خيرا

**mohamed777** · 01-01-2010 07:09 AM

إية يا شباب فين الردود الحلوة
وفين المتخصصين وذوى الخبره
هو ماحدش عارف الكلام ده ولا اية

**mohamed777** · 01-01-2010 08:40 PM

57 مشاهده ومافيش ولا واحد رد

**SAMEH_FOUAD** · 01-01-2010 09:02 PM

البوجيهات كلها زى بعض مافيش فرق ومقاس واحد كل اللى بيختلف درجة الشرارة بتاعتها ودة بيبان من الكود بتاع البوجية
وكل سيارة وليها كود معين
يعنى لو هنتكلم عن السيارات القديمة هنلاقى ان تمن البوجيهات لايتعدى 30 جنية لاى نوع
لكن السيارات الحديثة بوجيهاتها بتبدأ سعرها من 60 جنية لحد 140 جنية والبوجيهات الاصلى اللى بيبقى مكتوب عليها اسم شركة العربية دية بيوصل سعر البوجية الواحد فيها الى 40 جنية وطبعا دة سعر للسيارات الحديثة بس العادية يعنى مش غالية ,لمكن مثلا طقم البوجيهات بتاعة المرسيدس بيوصل 420 جنية
دة بالنسبة للسعر اما بالنسبة للاداء :فسن قصير وسن طويل دة بيدل فقط على حالة المحرك يعنى لو بتجيب البوجية سن طويل وماشيين كويس من غير مايزيتوا يبقى كدة حالة المحرك كويسة ومافيش مشكلة من استعمال البوجية ذات السن الطويل
اما اذا كان المحرك خفيف وبدأت البوجيهات يجى عليها زيت وبالتالى بتفقد شراراتها وبيقل معاها اداء المحرك وتغيب فى الدوارة يبقى كدة الحل فى انك تجيب بوجية سن قصير عشان بقدر الامكان تقلل وصول الزيت الى البوجية

**mohamed777** · 02-01-2010 01:25 AM

انا كنت بستعمل قبل العمرة البوجيهات العادية بتاعت العربيات القديمة بس كان اخرها شهر وتقطع لان الموتور كان مفوت على الاخر
والميكانيكى نصحنى انى اركب سن قصير ولاحظت فرق جامد فى السحب
بس ماكملتش اسبوعين وبدأت تقطع وعملت بعديها العمرة وأهى ماشية والحمد لله
انا بعد العمرة مركب بوجيهات ngkعادية ام ورقة واحده وكنت فاكر ان البوجيهات السن القصير احسن فى الاداء مش للمواتير المفوتة وبس

لان اللي جه فى بالى ان البوجيهات السن القصير عملت الفرق الفظيع معايا قبل العمر امال هتعمل اية بعد العمرة
وشوية وسمعت عن البوجيهات السن الروفيع وانها شرارتها قوية
احترت بقى اعمل اية ساعتها
وعاوز اجرب ام سن رفيع بس مش عارف هتعمل اية معايا
افيدونى افادكم الله

**ahmed1981** · 02-01-2010 04:55 PM

المشاركة الأصلية كتبت بواسطة mohamed777

وعاوز اجرب ام سن رفيع بس مش عارف هتعمل اية معايا

بلاش تجربها
أفضل بوجيهات للمازدا 323 هي الدنسو العادية أو ال إن جي كيه العادية

**shady333** · 02-01-2010 10:26 PM

فى بوجيهات ليزر ngk فى اى حد جربها يقوالنا خبرته فيها

**mohamed777** · 03-01-2010 12:56 AM

المشاركة الأصلية كتبت بواسطة ahmed1981

بلاش تجربها

أفضل بوجيهات للمازدا 323 هي الدنسو العادية أو ال إن جي كيه العادية

طيب اية السبب
مش ممكن تكون البوجيهات السن القصير حديثة وماكانتش موجوده زمان
عاوز اجربها ومش عارف اذا كانت هتفرق اوى ولا لأ

**ahmed_h_g** · 03-01-2010 01:45 AM

المشاركة الأصلية كتبت بواسطة shadyselim

فى بوجيهات ليزر ngk فى اى حد جربها يقوالنا خبرته فيها

البوجيهات الليزر ديه بتاعة العربيات السباق وطبعا" متنفعش فى المواتير الصغيره ولا موجوده فى مصر .
واللى موجود فى مصر مش ليزر ولا حاجه ديه اشتغالت
أدخل عالرابط ده هتعرف الأنواع

NGK Spark Plugs USA

وعلى فكره البوجيهات بتختلف حسب نوع العربيه
يعنى مش نصاحه انك تركب بوجيه سن طويل أو سن قصير
أنا هدورلك على الموضوع الكامل لشمعات الأحتراق وهجبهولك علشان تعرف الفرق .

-

الموضوع: الفرق بين البوجيهات

LinkBack

أدوات الموضوع

عرض

الفرق بين البوجيهات - انشر الموضوع فى :

-

-

-

-

-

-

المواضيع المتشابهه

إيه الفرق بين نوع البوجيهات ديه : bkr5eix و bkr6eix ؟؟ .. الاثنين NGK ايريديوم

تنظيف البوجيهات بالبزنين يبوظها ؟ سلوك البوجيهات لو بتكهرب يبقى كده بتهرب كهربة ؟

اية الفرق بين البوجيهات العادية و الالكترونى والشمعة والتلاتة شمعة

الفرق بين البوجيهات العادية والالكترونى و البلاتنيوم

ما الفرق بين الاربعة أنواع التالية من البوجيهات وما هو أفيدهم؟

الكلمات الدلالية لهذا الموضوع

المفضلات

المفضلات

ضوابط المشاركة