الموضوع: اخبار من توكيل رينو تفيد بزيادة سعر اللوجان الف جنيه

شكراً جزيلاً استاذ عمرو على مجهودك والمعلومات المؤكدة دي بس انا مش فاهم حضرتك تقصد ايه بالاعتبارات الكتير اللي لازم تتحط في الحسبان اللي تخلي اللوجان تغلى؟؟

انا مش شايف غير حاجة واحدة هي فكرة العرض والطلب،،، المعروض أقل من الطلب و العربية ناجحة وعليها قايمة انتظار فطبيعي انه الوكيل يرفع السعر عشان يقدر يغطي الطلب وبرضه يستفيد

ودي حاجة طبيعية اي توكيل مكانه كان هايعمل كده،

ولو تفتكروا الإلنترا أول مانزلت كان سعرها هو اللي بتتباع بيه النهاردة بعد التخفيض الأخير ولما غبور لقى عليها اقبال فضل يغليها لغاية ما عدت الــ100 ألف لأول فئة وبعدين بقى ينزلها تاني حسب العرض والطلب

المشاركة الأصلية كتبت بواسطة ringoo

لا يا بيست لو على الامارة فى اعتبارات كتييير اوى لازم بتطحت فى الحسبان
ولو على المميزات العربية تستاهل وفيها مميزات كتيرة عن العربيات اللى محطوطة فوق فى المشاركة بتاعتك
و الكلام اللى انت كاتبه دة لو صحيح يخلينى افهم حاجة مهمة جدا كانت غايبة عن بالى
وهى ان اللوجان دلوقتى مبيعاتها بتغطى على عربيات اغلى منها فى السعر
انا حاسس التوكيل مش قادر يغطى الطلب اللى على العربية بجد مش هزار

فعلا دة السعر الجديد .. و طبعا تعاين العربية كويس قبل ما تستلمها وفى مواضيع كتيييير جدا فى القسم عن كيفية استلام اللوجان
ومش عايزين تجارب شقية من تجاربك بلوجى .. مش عايزين وجع قلب وحد يقول لوجى دى متوحشة
وان شاء الله تستلم على خير وربنا يباركلك فيها ويعطيك خيرها سواء ليك او لمالكها


اعمل ايه بس يا ذكر الله منا عشان اجيب معلومة صح لازم الاخد منه المعلومة اكون واثق فيه
وزى ما انت شايف الكول سنتر بتاع رينو ساعات بيناموا فى ماية البطيخ والمعلومات بتوصلهم متاخر
وبعدين يا باشا انت تيجى اسكندرية فى اى وقت دة اسكندرية تنور ويزيدها شرف

ربنا يكرمك ويجازيك خير يا عمرو وأنا طبعا بهزر معاك وعارف انك رجولة ومش بتتأخر عن اى مساعدة لاى حد

المشاركة الأصلية كتبت بواسطة best2010

صدقنى يا استاذ عمرو انا فعلا مقتنع باللوجان تماماً ومقتنع انها تستاهل السعر ده ويمكن اكتر- بالنسبة للسوق المصرى- بس انا حابب اوضح ان عربية محترمة زى الأكسنت ، وسعرها بالجمرك كدة يبقى اللوجان من غير جمرك تبقى كام ؟؟؟؟
انا شايف ان الوكيل كسبان كويس جداً واعتقد ان مكسبة فى اللوجان اكتر من السيمبول بسبب فرق الجمارك ده اللى استفاد منه الوكيل اكتر من العميل ..فمفيش داعى ابداً يزود سعرها .. وبكرة هل هيزودوا تانى وتالت ؟

بص يا بيست انا حقولك على حاجة اللوجان فيها مميزات فعلا عن عربية زى النيو اكسينت مع احترامى للاكسينت طبعا بغض النظر عن التفاصيل
لكن ايه اللى يخلى عربية زى اللوجان تغلى .. وعربية زى النيو اكسينت ترخص ... اللوجان غطت على عربيات اعلى منها زى الكسينت ومش بس الاكسينت لأ والسيمبول كمان ايه رأيك بقى
انا واحد من الناس اللى مكنش يخطر على بالى انى اجيب لوجان انا كنت بقارن بين السيمبول والاكسينت والنوبيرا والبيرسونا اقل فئة وكل العربيات اللى لا تزيد سعرها عن 80 الف
وفى الاخر جبت اللوجان عشان بتلبى احتياجاتى اذا لما عربية زى اللوجان تلبى احتياجات مستهلك مش موجودة فى عربيات اغلى منها
طبيعى ان الوكيل يغلى لاسباب اولا يعلمها الله والقائمين على التوكيل .. وتوقعات كالاتى
1- لما وكيل يلاقى نفسه بيغرق السوق بعربيته مش لازم يفتح مراكز صيانة يعنى محتاج عمالة كتيير يعنى محتاج فلوس اكتر
2- وجود حيتان فى السوق زى غبور ومنصور وحتى عز العرب هل حيسكتوا وهم شايفين السوق بيغرق بعربية واحدة اكيد حيبقى ليهم كلمتهم (الكلام واضح مش حيهشوا دبان هم)
3- لما انا اروح اشترى اللوجان وقارن بين فرق السعر بينها وبين السيمبول وهى من فئة اعلى وهل يستحق ان ادفع فرق السعر دة ولا لأ
يبقى اللوجان بتأثر على مبيعات عربية تانية داخل نفس التوكيل ودة حصل معايا
........................
انا بحاول اوصلك وجه نظرى .. وبحاول اتوقع القائمين على التوكيل بيفكروا ازاى
انا مش مع الزيادة نهائيا لان دة يعتبر نوع من الاستغلال ولا حتى الناس اللى فى التوكيل راضيين عن الغلو وانا بتكلم معاهم فى التليفون بالذات لما بنوه ان فى عربية جديدة زى الساجا نزلت من نفس فئة اللوجان .. لكن ما باليد حيلة هو فاكس بيجيلهم غالى يبقى حاضر
السوق المصرى سوق غريب وليس به اى معاير تحمى المستهلك ولا حتى بتحمى التاجر كل واحد بيعمل اللى هو عايزه

المشاركة الأصلية كتبت بواسطة EMSadeck

شكراً جزيلاً استاذ عمرو على مجهودك والمعلومات المؤكدة دي بس انا مش فاهم حضرتك تقصد ايه بالاعتبارات الكتير اللي لازم تتحط في الحسبان اللي تخلي اللوجان تغلى؟؟
العفو يا باشا انا وضحت وجه نظرى فوق وانا بكرر انا مش مع الزيادة انا كمان زعلان لكن فى نفس الوقت هى مش اول ولا اخر عربية تغلى ولا ايه
انا مش شايف غير حاجة واحدة هي فكرة العرض والطلب،،، المعروض أقل من الطلب و العربية ناجحة وعليها قايمة انتظار فطبيعي انه الوكيل يرفع السعر عشان يقدر يغطي الطلب وبرضه يستفيد
ودي حاجة طبيعية اي توكيل مكانه كان هايعمل كده،

برافو عليك .. دى نقطة مهمة جدا .. لاحظ فى الفترة الاخيرة بدأ يظهر بعض الناس اللى مش مبسوطة من مستوى الصيانة
ما هو دة بسبب الزحام اللى عملته اللوجان والوكيل مش عايز يخسر ميزة من اهم مميزاته
طيب هو لو باع 100000 عربية فى السنة العربيات دى حيتعملها صيانة فين

ولو تفتكروا الإلنترا أول مانزلت كان سعرها هو اللي بتتباع بيه النهاردة بعد التخفيض الأخير ولما غبور لقى عليها اقبال فضل يغليها لغاية ما عدت الــ100 ألف لأول فئة وبعدين بقى ينزلها تاني حسب العرض والطلب
بالظبط كلامك مظبوط ودة ينطبق على عربيات كتييييير لانسر وكوورولا وميجان وحاجات كتير غليت وبعد كدة رخست ونزل عليها عروض طبعا مع احترامى للالنترا دى مش من فئة اللوجان يعنى

1+

المشاركة الأصلية كتبت بواسطة zkralla

ربنا يكرمك ويجازيك خير يا عمرو وأنا طبعا بهزر معاك وعارف انك رجولة ومش بتتأخر عن اى مساعدة لاى حد

بس يا واد .. من عارف انك بتهزر وبعدين يا ذكر الله انت تقول اللى انت عايزه عمرى ما ازعل منك وربنا يكرمك يا ذكر الله على الدعوة الحلو دى

المشاركة الأصلية كتبت بواسطة Survival

انا كنت بفكر فعلا فى العربية دى لانى مقتنع بيها من اول ما نزلت
لكن
العربية دى مغربى و معفيه من الجمارك
موضوع العرض و الطلب ليه تأثير كبير طبعا بس هو العرض قليل ليه
لان مش مصر بس هى اللى بينزلها عربيات لوجان وكل بلد ليها حصة
لكن يبقى ايه اللى يفرق توكيل محترم عن اى توكيل نص كم
فى حين ان التوكيل النص كم بينزل فى السعر
مالهاش مقاييس عندنا فى مصر .. هل غبور توكيل محترم .. لأ .. الناس كلها بتشتكى منه وانا اتصلت بيهم مرتين حلفت ان التوكيل دة مش حقربلوا .. ومع ذلك من اكتر توكيلات مصر مبيعا للسيارات
الله يحرقو دة اللى مبوظ عربيات الهيونداى فى مصر ولو لاه كانت عربيات هيونداى كانت حتبقى احلى بكتيير .. عامل زى الشفاط
واللى بيقول العربيى تستاهل اكتر من كده اكيد انت مش ناوى تشتريها بالسعر الجديد
لا طبعا زيادة اللوجان الف جنيه ماتخرجهاش من المنافسة ابدا
عفوا لكن زيادة من غير سبب قلة أدب
الكلام دة كنا نقوله من زمان من اول ما السياسة يطبقها التوكيلات عندنا فى مصر مش بعد ما كل توكبلات مصر تعمل الحركة دى نيجى عند توكيل رينو ونقوله لا عيب
دة توكيل عربية يعنى مكان هادف للربح مش جمعية تعاونية وكل واحد بيفكر فى مصلحته
وانا بردو مش مع الزيادة .. بس فى نفس الوقت الزيادة كبيرة .. اللى يخلى الناس بتروح تشتريها ازيد من سعرها 3 الاف جنيه مش عايز التوكيل يغليها ما احنة اللى بنعمل كدة فى نفسنا

ولا انا كلامى غلط

المشاركة الأصلية كتبت بواسطة Col. Eng. Khaled

الحمد لله إن حضرتك صرفت نظر علشان ما تتعاملش مع توكيل قليل الأدب ....

شكرًا للإضافة

.
- -
.