اخبار من توكيل رينو تفيد بزيادة سعر اللوجان الف جنيه

**zkralla** · 12-01-2010 08:42 PM

المشاركة الأصلية كتبت بواسطة ringoo

بص يا بيست انا حقولك على حاجة اللوجان فيها مميزات فعلا عن عربية زى النيو اكسينت مع احترامى للاكسينت طبعا بغض النظر عن التفاصيل
لكن ايه اللى يخلى عربية زى اللوجان تغلى .. وعربية زى النيو اكسينت ترخص ... اللوجان غطت على عربيات اعلى منها زى الكسينت ومش بس الاكسينت لأ والسيمبول كمان ايه رأيك بقى
انا واحد من الناس اللى مكنش يخطر على بالى انى اجيب لوجان انا كنت بقارن بين السيمبول والاكسينت والنوبيرا والبيرسونا اقل فئة وكل العربيات اللى لا تزيد سعرها عن 80 الف
وفى الاخر جبت اللوجان عشان بتلبى احتياجاتى اذا لما عربية زى اللوجان تلبى احتياجات مستهلك مش موجودة فى عربيات اغلى منها
طبيعى ان الوكيل يغلى لاسباب اولا يعلمها الله والقائمين على التوكيل .. وتوقعات كالاتى
1- لما وكيل يلاقى نفسه بيغرق السوق بعربيته مش لازم يفتح مراكز صيانة يعنى محتاج عمالة كتيير يعنى محتاج فلوس اكتر
2- وجود حيتان فى السوق زى غبور ومنصور وحتى عز العرب هل حيسكتوا وهم شايفين السوق بيغرق بعربية واحدة اكيد حيبقى ليهم كلمتهم (الكلام واضح مش حيهشوا دبان هم)
3- لما انا اروح اشترى اللوجان وقارن بين فرق السعر بينها وبين السيمبول وهى من فئة اعلى وهل يستحق ان ادفع فرق السعر دة ولا لأ
يبقى اللوجان بتأثر على مبيعات عربية تانية داخل نفس التوكيل ودة حصل معايا
........................
انا بحاول اوصلك وجه نظرى .. وبحاول اتوقع القائمين على التوكيل بيفكروا ازاى
انا مش مع الزيادة نهائيا لان دة يعتبر نوع من الاستغلال ولا حتى الناس اللى فى التوكيل راضيين عن الغلو وانا بتكلم معاهم فى التليفون بالذات لما بنوه ان فى عربية جديدة زى الساجا نزلت من نفس فئة اللوجان .. لكن ما باليد حيلة هو فاكس بيجيلهم غالى يبقى حاضر
السوق المصرى سوق غريب وليس به اى معاير تحمى المستهلك ولا حتى بتحمى التاجر كل واحد بيعمل اللى هو عايزه

1+

بس يا واد

.. من عارف انك بتهزر وبعدين يا ذكر الله انت تقول اللى انت عايزه عمرى ما ازعل منك

وربنا يكرمك يا ذكر الله على الدعوة الحلو دى

ربنا يكرمك يا حبيبى

ولا انا كلامى غلط

كلامك - وبدون مجاملة - فى منتهى الاتزان

**Col. Eng. Khaled** · 12-01-2010 08:43 PM

المشاركة الأصلية كتبت بواسطة survival

حضرتك انا مقولتيش ان توكيل رينو قليل الادب بالعكس انا وصفته بتوكيل محترم
انا بكل بساطة رافض الزيادة فى السعر بدون اضافة مميزات جديدة ليها و اعتقد ده رد فعل طبيعى
زى ما برضه من حقك تفرح ان عربيتك بتنتشر و قيمتها بتزيد
فياريت متغيرش كلامى

المشاركة الأصلية كتبت بواسطة survival

لكن يبقى ايه اللى يفرق توكيل محترم عن اى توكيل نص كم
فى حين ان التوكيل النص كم بينزل فى السعر
واللى بيقول العربيى تستاهل اكتر من كده اكيد انت مش ناوى تشتريها بالسعر الجديد
عفوا لكن زيادة من غير سبب قلة أدب

فين تغييري لكلام حضرتك ؟

**Survival** · 12-01-2010 09:23 PM

المشاركة الأصلية كتبت بواسطة col. Eng. Khaled

فين تغييري لكلام حضرتك ؟

- فعلا انا وصفت الزيادة الغير مبرره عامة بقلة الادب لكن خصتيش بيها توكيل رينو ومش شايف ليها وصف تانى سواء فى مجال السيارات او اى مجال تانى.
توكيل رينو توكيل جيد ومحترم لكن الزيادة لازم تكون مبرره حتى لو بسيطة نسبيا والا يبقى شأنه شأن باقى التوكيلات فى النقطة دى.

زيادة الاسعار بدون وجه حق سياسة مرفوضة من كل التوكيلات والاعتراض عليها واجب حتى لو السلعة ناجحة بالذات لو موجهه للطبقة المتوسطة اللى مش ناقصة زيادات

**Col. Eng. Khaled** · 12-01-2010 09:58 PM

المشاركة الأصلية كتبت بواسطة col. Eng. Khaled

هو ما ينفعش غير التشكيك في ذمة الناس ؟؟؟؟؟؟؟؟؟؟

المشاركة الأصلية كتبت بواسطة col. Eng. Khaled

يا سادة إللي شاكك في نية التوكيل يتفضل مشكورا يراسل رينو (فرنسا) أو رينو

(الشرق الأوسط) أو كلاهما للتأكد ، أتوقع أمانة نقل الرد من أيهما لتعم الفائدة على الكل

بدل ما الناس في حالة جدل .

رينو فرنسا contact.client@renault.com

رينو الشرق الأوسط aurelian.popa@daciagroup.com

على فكرة إللي حجز قبل 31 ديسمبر 2009 حاجز بالسعر القديم ، أما إن حد

حجز قبل التاريخ ده بالسعر الجديد من حقه يتقدم بشكوى للتوكيل .

إللي حاجز بالسعر القديم إن شاء الله عند الإستلام حيستلم بدون زيادة .

المشاركة الأصلية كتبت بواسطة col. Eng. Khaled

يا فندم ما أنا أقترحت حل للتأكد إذا كان التوكيل بيرفع السعر من نفسه و لا لأ و مفيش فايدة

.... أكيد محدش مجبر ياخد

بالإقتراح لكن كمان التشكيك في الذمة متهيأ لي مفيش داعي له

المشاركة الأصلية كتبت بواسطة ringoo

انا بعت للشركة الام شكوى عشان موضوع الالف الزيادة دى
بس بصراحة انا ببعتها وانا قلبى بيتقطع لان مش لاقى شكوى اصلا ومتكلمناش مع حد
ولا حاولنا نعرف سبب الزيادة من اى حد داخل التوكيل
على العموم ربنا يسهل ونشوف حد يفهمنا ايه اللى بيحصل

المشاركة الأصلية كتبت بواسطة zkralla

دايما سباق للخير يا عمر وبعدين مفيش مشكلة هو كده مفيش ظلم وقع على التوكيل ولا حاجة بالعكس لو الرد جيه أن الزيادة من شركة رينو نفسها معنى كده أنك اثبت أن التوكيل مش بيستغل العملاء
وحتى لو مش كده فمش معناه أن التوكيل بيستغل ممكن يكون فى زيادة فى النولون ولا الشحن أو اى سبب تانى

المشاركة الأصلية كتبت بواسطة survival

انا كنت بفكر فعلا فى العربية دى لانى مقتنع بيها من اول ما نزلت
لكن
العربية دى مغربى و معفيه من الجمارك
موضوع العرض و الطلب ليه تأثير كبير طبعا بس هو العرض قليل ليه
لكن يبقى ايه اللى يفرق توكيل محترم عن اى توكيل نص كم
فى حين ان التوكيل النص كم بينزل فى السعر
واللى بيقول العربيى تستاهل اكتر من كده اكيد انت مش ناوى تشتريها بالسعر الجديد
عفوا لكن زيادة من غير سبب قلة أدب

**Samah AbdAllah** · 12-01-2010 10:21 PM

المشاركة الأصلية كتبت بواسطة survival

- فعلا انا وصفت الزيادة الغير مبرره عامة بقلة الادب لكن خصتيش بيها توكيل رينو ومش شايف ليها وصف تانى سواء فى مجال السيارات او اى مجال تانى.
توكيل رينو توكيل جيد ومحترم لكن الزيادة لازم تكون مبرره حتى لو بسيطة نسبيا والا يبقى شأنه شأن باقى التوكيلات فى النقطة دى.

زيادة الاسعار بدون وجه حق سياسة مرفوضة من كل التوكيلات والاعتراض عليها واجب حتى لو السلعة ناجحة بالذات لو موجهه للطبقة المتوسطة اللى مش ناقصة زيادات

هى ايه علاقة قلة الادب بزيادة الاسعار
يعنى حضرتك لوعندك اى سلعة بتبيعها ورفعت سعرها لاى سبب هل هتقبل ان حد ينعتك بقلة الادب؟؟؟؟؟؟؟؟؟؟؟؟؟
دى تجارة واللى مش موافق مايشتريش محدش هيضطرك تشترى حاجة غصب عنك
تقبل مرورى