الموضوع: اى استفسار فى النيسان انا موجود

جزاك الله خير على المجهود الرائع ده

المشاركة الأصلية كتبت بواسطة lamada

بص يا باشا دى شوية معلومات انا لقيتهالك ممكن تساعدك و هتعجبك جدا
الجير الأوتوماتيكى واحد من ارقى الإختراعات الميكانيكية التى ظهرت فى القرن الماضى، وانا حتى فترة قريبة جدا لم اكن اعرف ماذا يوجد بداخل علبة التروس الأوتوماتيكية، ولكنى بعد ما قرأت عنه اصبت يالذهول لما وصل اليه الأخرون فى التقدم وتحسرت على حالنا.
الجير الاوتوماتيكى منظومة ميكانيكية معقدة للغاية لكنها تعتمد بشكل اساسى على مجموعة واحدة من التروس تسمى مجموعة التروس الكوكبية planetary gear train وهى فعلا تشبه المنظومة الفلكية حيث يوجد فى مركزها ترس يسمى الشمسsun gear يدور بشكل حر حوله ترس يسمى الكوكبplanet gear والمجموعة محتواه داخل ترس ثالث مسنن للداخل يسمى حامل الكوكب(وليس حامل الاأكواب :) ) planet holder. ,وتعمل النقلات المختلفة عن طريق تحديد اى ترس من هذة التروس يدور وايها يكون ثابت، ولكى تعمل هذة المنظومة فإن هذة التروس الثلاثة يخدمها مجموعة كبير من الكلاتشات والسيور والمكابس الهيدروليكية كلها موجودة بداخل صندوق الفتيس، وتكتمل المنظومة بالكلاتش الهيدروليكى(بديل الدبرياج فى العربيات الأوتوماتيك) الذى ينقل الحركة من الموتور الى الفتيس عن طريق مروحة يديرها الموتور، تدير بدروها الزيت الذى يدير تربينة صغيرة تنقل الحركة الى الفتيس، و النوعين المعروفين للفتيس الأوتوماتيك يختلفان فقط فى الحساس الخاص بموعد النقلة ومنظومة التحكم ففى الانواع القديمة كان ذلك يتم ميكانيكيا عن طريق حساس ضغط يعطى الإشارة للنقل عن طريق ضغط الزيت، وفى الانواع الحديثة تحول التحكم الإلى منظومة الكترونية، لكن اساس الفتيس الذى شرحناه فى البداية كما هو لم يتغير،

للمزيد ستجد معلومات قيمة فى هذا الموقع:

howstuffworks "how automatic transmissions work"

الفتيس الأتوماتيك مبنى فى الأساس ليحد من التدخل البشرى فى عملية قيادة السيارة وبالتالى فإن فرصة تعطله نتيجة لسوء القيادة قليلة جدا، ولكن مع ذلك توجد نصائح بسيطة للفتيس الأوتوماتيك:

1- إبحث دائما عن اى تسرب لزيت الفتيس: لون زيت الأوتوماتيك أحمر فإذا عثرت عليه تحت السيارة يجب مراجعة السبب وحتى لا يفرغ الفتيس ويؤدى الى تدميره لاقدر الله
2-جميع الفتيسات الأتوماتيكية تحتوى على مقياس زيت، راجعه من وقت للأخر مع ملاحظة ان زيت الفتيس الأوتوماتيك يتم قياسه والمحرك دائر، على عكس زيت المحرك الذى لا يقاس سوى والمحرك مطفى

3-لا تنقل العصا الى السرعة الخلفية او من السرعة الخلفية الى السرعة الامامية سوى والعربية فى حالة توقف تام

4- ماتحاولش تأمرك بالعربية عن طريق انك تكبس البنزبن على الاخر وبعدين تنقل الفتيس من n الى d، هذا كفيل بقصف عمر الفتيس

5- إذا لم يذكر فىكتالوج سيارتك غير ذلك، غير زيت الفتيس الاوتوماتيك كل 30 الف كيلومتر

كنت هقول لك كتر خيرك بشدة لو ذكرت انك ناقل هذا الكلام من موضوع لأخيك الفقير الى الله سبعاوى ومنشور فى نايل موتورز ، خاصة انك نقلته بالحرف

المشاركة الأصلية كتبت بواسطة lamada

بص يا باشا انا فى اغلب الاوقات بستخدم زيت 120 لصناديق التروس بس انا عاوز اقولك ده بيرجع لحالة الفتيس عندك هل بتسمع فيه صوت او ونه او فيه مشاكل او تقل فى الغيارات ولا لأ
جرب ال 120 ان شاء الله هيبقى كويس معاك و عامة ده الرقم الوسط بين الزيوت و الرقم ده بيدل على تقل الزيت مش اكتر عامة كل الزيوت لما بتسخن كثافتها بتقل و الله اعلم

120 ثقيل جدا بالنسبة للجير بوكسات الحديثة ، قد يكون مناسب للادا او الشاهين ، لكن معظم العربيات الحديثة تستعمل زيت 75 الى 90، لو الجير بوكس مافيهوش صوت لا تستعمل لزوجة اعلى من 90 لأنه هيسبب ثقل غير عادى فى حركة العصاية وقد يؤدى بطول استعمال العصاية تحت هذا الحمل الى كسر الفورش او وصلات العصاية

المشاركة الأصلية كتبت بواسطة lamada

منور الموضع يا نجم و اسف على تاخير الرد

النتشه الخفيفه بين الغيار الاول و التانى متقلقش منها و لو انى عاوز اقولك ان فتيس النيسان من انعم و اجمل الفتيسات الاتوماتيك عامة اتأكد ان زيت الفتيس مظبوط و شوف تغيير فلتر زيت الفتيس كل كام الف كيلو و شوف محتاج يتغير ولا لأ كصيانه دوريه مش اكتر اما بخصوص انك لما تيجى تطلع من عربيه الغيار مش بيدى الغيار الاعلى بسرعه فأنا عاوز اقولك انك لو دست بنزين جامد و انت بين عربيتين اللى بيحصل ان الفتيس بيدى الغيار الاقل و ده اسمه كيك دون و ده بيساعد انه يدى عزم اكبر للعربيه علشان تقدر تعدى بيها من بين عربيتين و الله اعلم

فتيس الصنى اأوتوماتيك مالوش فلتر ، اما بالنسبة للنتشة فهى مسألة طبيعية فى الصنى ولا تسبب اى قلق وموجودة فى كل الصنى تقريبا، فتيس الصنى الأوتوماتيكى عموما غياراته محسوسة بالمقارنة بباقى سيارات نفس الفئة، زيت الفتيس ميتغيرش غير كل 40 ألف كيلومتر(أو طبعا لو تلف بسبب مسألة عارضة مثل السخونة المفرطة او ترسب الشوائب فيه ) والمكان الوحيد لتغييره هو التوكيل، مش أى زيت يتحط فىالجيربوكس الأوتوماتيكى والتوكيل ادرى بنوعية الزيت الملائمة، لو عايز تغيره برة التوكيل اعرف منهم هما بيحطوا ايه. هو عموماازيوت المطابقة ل علامة ديكسيرونiii(مثال : زيت موبيل atf320) مناسبة للفتيسات المصممة قبل 2006 ومنها فتيس الصنى، لكن برضه من الأفضل الرجوع للتوكيل،

شكراً لمجهودك و مساعدتك لنا و جزاك الله كل خير