الموضوع: لو عندك عربية ادخل وجاوب .......

المشاركة الأصلية كتبت بواسطة eng.octooo

عاوزين الناس تجاوب على الاسئلة دى بكل هدوء وبدون تعصب هههههههه



1- اول عربية جبتها كانت اية ؟
شاهين2007
2-اول عربية كان لونها اية ؟
فضي
3-اول حادثة عملتها فى حياتك كانت اية؟
توك توك خبطني وش في وش
4-اول حادثة اتكلفت كام ؟
200 جنيه اكصدام امامي (شاهين بقي);)
5-اول عربية هاتفكر تجيبها لو حبيت تغير عربيتك ؟
كيا سيراتو قريبا ان شاء الله
6- لون للعربية الجديدة هايكون اية ؟
لو هاي لاين يبقي اسود غير كده هيبقي نبيتي ان شاء الله
7- اول حاجة بتجيبها للعربية لما تكون جديدة ؟(معطر جو او علاقة او ميدالية او ..)
علاقه فيها خرزه زرقاء
8-اول واحد ساق عربيتك بعدك كان مين ؟
جاري
9- اول حاجة بتدايقك وانت سايق اية ؟
ابص في المرايه الاقي واحد راكب علي الشنطه بحس انه اي لمسه فرامل هلاقيه علي الكرسي اللي جنبي
10 - اية اول سؤال فى الى فاتوا مكنتش عاوز تجاوب علية ؟
مفيش كلها اسئله كميله خالص

المشاركة الأصلية كتبت بواسطة eng.octooo

عاوزين الناس تجاوب على الاسئلة دى بكل هدوء وبدون تعصب هههههههه

1- اول عربية جبتها كانت اية ؟
عربيتى الخاصة رينو لوجان قبل كدة كانت سطو مسلح على عربيات الحج وبعض الايجار

2-اول عربية كان لونها اية ؟
فيرانى غامق

3-اول حادثة عملتها فى حياتك كانت اية؟
من كام يوم اصطدام خلفى مع سيارة اوكتافيا

4-اول حادثة اتكلفت كام ؟
0 تكلفة ولله الحمد للعربيتين

5-اول عربية هاتفكر تجيبها لو حبيت تغير عربيتك ؟
رينو ميجان فى الخطة الخمسية القادمة ان شاء الله

6- لون للعربية الجديدة هايكون اية ؟
مش عارف بس ممكن يكون نبيتى او دهبى على حسب شكل العربية و المود ساعتها

7- اول حاجة بتجيبها للعربية لما تكون جديدة ؟(معطر جو او علاقة او ميدالية او ..)
معطر + دواسات +غطا +واكس لدهان العربية وميدالية كل دة ممكن قبل العربية

8-اول واحد ساق عربيتك بعدك كان مين ؟
صديقى تامر من الناس اللى شجعتنى على اللوجان مع انه معاه نيسان صنى

9- اول حاجة بتدايقك وانت سايق اية ؟
حد يطلع من تحت الارض زى امبارح لسة الاشارة فاتحة ولسة بدوس بنزين لاقيت واحد طلعلى من تحت الارض بترسكل محمل انابيب كنت حتشل

10 - اية اول سؤال فى الى فاتوا مكنتش عاوز تجاوب علية ؟
اخر واحد عشان لو اتكلمت اقل حاجة حاخد طرد من المنتدى

ايه المواضيع الجامدة دى يا اوكتو الله ينور يا باشا

يه المواضيع الجامدة دى يا اوكتو الله ينور يا باشا

الله ينور عليك ياباشا وشكرا للناس الحلوة الى ردت دى وعقبال الباقى

المشاركة الأصلية كتبت بواسطة eng.octooo

عاوزين الناس تجاوب على الاسئلة دى بكل هدوء وبدون تعصب هههههههه



1- اول عربية جبتها كانت اية ؟
جولف 2
2-اول عربية كان لونها اية ؟
نبيتي
3-اول حادثة عملتها فى حياتك كانت اية؟
انا معملتش حاجه غير اني واقف في الاشاره وميكروباس لقي خرم ابره قدامي راح داخل فيه وشبكلي القوس اللي فوق العجل في الاكصدام بتاعه وجرني معاه المضحك بقي اني ماكنتش مركز وباصص ناحيه تانيه ودايس فرامل والاقي العربيه بتتحرك من ساعتها اتعلمت اني اقف في اشاره اقفل المكان قدامي
4-اول حادثة اتكلفت كام ؟
والله مش فاكر
5-اول عربية هاتفكر تجيبها لو حبيت تغير عربيتك ؟
لو اللي عايزها فعلا ممكن سي كلاس الجديده
لكن بما انه صعب شويه يبقي ممكن سيفيك او جيتا
6- لون للعربية الجديدة هايكون اية ؟
فيراني
7- اول حاجة بتجيبها للعربية لما تكون جديدة ؟(معطر جو او علاقة او ميدالية او ..)
فرش ودواسات
8-اول واحد ساق عربيتك بعدك كان مين ؟
والدي هههههههه هو اللي جايبهالي اصلا
9- اول حاجة بتدايقك وانت سايق اية ؟
الغباوه والتناحه بتاعة بعض الناس
10 - اية اول سؤال فى الى فاتوا مكنتش عاوز تجاوب علية ؟

الحوادث ربنا يكفينا شرها

أسئلة جامدة يا أوكتو

1- اول عربية جبتها كانت اية ؟
فيات 128 موديل 1997 كانت بتاعة والدي وخدتها

2-اول عربية كان لونها اية ؟
أبيض

3-اول حادثة عملتها فى حياتك كانت اية؟
لحد دلوقتي مفيش الحمد لله

4-اول حادثة اتكلفت كام ؟
00000000000

5-اول عربية هاتفكر تجيبها لو حبيت تغير عربيتك ؟
جين 2

6- لون للعربية الجديدة هايكون اية ؟
أحمر أو فضي

7- اول حاجة بتجيبها للعربية لما تكون جديدة ؟(معطر جو او علاقة او ميدالية او ..)
مجربتش لسه أشتري زيرو

8-اول واحد ساق عربيتك بعدك كان مين ؟
ابن عمتي

9- اول حاجة بتدايقك وانت سايق اية ؟
الغباااااااااء

10 - اية اول سؤال فى الى فاتوا مكنتش عاوز تجاوب علية ؟
مفيش