لازم الناس تعرف ان Fiat has changed

**ahmadmidop** · 02-01-2010 05:50 PM

[QUOTE=MohabSaeed;3872244323]والله يا باشا انا بشكرك على الموضوع الجميل ... بس انا مش معاك الصراحه فى فكرتك ... لسبب بسيط

العربيات ديه" فيات و الايطاليه عموما " بحس انها خساره فى بلدنا .... و الناس مش فاهماها ... تقريبا محتاجين قاموس تنجولى اثيوبى علاشان يفهموها .

انا اسف .... لكن من انهارده انا حرفع شعار " اتمنى عدم انتشار سيارات فيات من مصر " و الى حيسألنى عنها حقوله انها عربيات تعبانه و خساره فيها الفلوس .و حعمل ليها دعايا سيئه كمان

مع كامل احترامى لينا احنا المصرين ... بس بحس ان شعب اغلبيتنا -- مش كلنا -- " لمض " و مقترن بسنه بلطجه دبلوماسيه , ممزوجه بعنجهيه غير منطقيه , على قليل من المفهوميه الى بلا خلفيه ! .

الى عمل برنامج اى كلام فاضى معقول ... مغلطش احنا بنطلع عيوب وهميه من دماغنا و نتكلم بدون تجربه و بنفتىىىىىىىىىىى للصبح .

مافيش عربيه فى البلد كويسه ... امال ايه الكويس ؟ احفاد الفراعنه المغلوبين على امرهم المفروض يركبو ايه بالظبط ؟؟
ممكن نطلب من احمس و هو فى تربته يعملنا العجله الحربيه فل اوبشن مثلا ؟

انا زهقت الصراحه سؤال بدور لاجابه عليه من زمان .........لما الناس كلها بتفهم " بتفتى " ... مين الى مش بيفهم ؟

اولا الف شكر.. بس للاسف انا مش متفق مع حضرتك

**Ammar** · 02-01-2010 07:33 PM

وده يا جماعة كمان شويت صور لعربية فيات إللي مش عارف أقول عليها إيه ...
لو نزلت مصر حتكسر الدنيا ..
أسبكوا مع الصور

**MohabSaeed** · 02-01-2010 10:53 PM

المشاركة الأصلية كتبت بواسطة yoko

شكرا على الموضوع المميز فعلا
ويا MohabSaeed ليه كده!!!! (بصراحة مش فاهم وجهة نظر حضرتك إعذرني!!!)

افهم حضرتك وجهة نظرى

ناس بتفتى و تقول ان سيارات فيات الحديثه سيئه " الى بيقولك البلاستك شبه ال28 موديل 70 و الخامات مش قد كده ....و كلام من هذا القبيل ... تمام , طلاما انها عربيات وحشه ياريت محدش من الى بيتكلمو كتير بلا فهم يشتريها ولا حد يتكلم عنها . هى اصلا خساره تمشى فى بلدنا . و خليهم يركبو العربيات الخرافيه المصنعه فى المريخ و بنفتيس 12 نقله .

المشاركة الأصلية كتبت بواسطة DR.almaghraby

Mohab basha...
I agree with you man..
But fiat will remain a legend though

مٌحب باشا ... تقول لمين الكلام ده ... ماهو للاسف الناس بتتكلم من عن فيات و كانها توكتوك هندى من غير ابواب ؟

المشاركة الأصلية كتبت بواسطة nour3alanour

أتفق مع حضرتك تماما
فعلا شعب بيفتي وبيتكلم دون أدني قدر من العلم أو حتي التجربة الشخصية
والدليل علي كده وعلي صحة كلامك اني كنت لسة بسأل واحد زميلي في الشغل رأيه ايه في الجراند بونتو لاني كنت لسة بتفرج عليها هي واللينيا في أوماترا وباخد آراء الناس في العربية الأنسب علشان هجيب عربية جديدة انشاء الله
عارف رده عليا كان ايه؟
قاللي لا لا لا لا...ابعدي عن فيات خالص، ده كفاية ان اسمها فيات!!!!! :b4_556:
حسسني ان العجلة الحربية اللي حضرتك بتقول عليها أحسن بكتييير!!!

للأسف فعلا احنا شعب منستاهلش طول ما تفكيرنا كده

حضرتِك الكلام ده انا بسمعه كتير .... فاكر مره حديث دار بينى و بين احد اصدقائى كان بيفكر فى عربيه مستعمله فى حدود 40 الف و قولته ماتشوف السيينا قالى الاتى .... " ايه سيينا ؟؟؟ انا مركبش فيات يا عم " حتى انه مقالش لا مركبش سيينا ... لا قال مركبش فيات ايه مشكله فيات ؟ مش فاهم !

الاستاذ زميل حضرتِك هل عارف حاجه عن الجراند بونتو ؟ اى معلومات هل شافها اساسا ؟؟ معتقدش .... طيب ليه نتكلم عن حاجه احنا مش عارفينها ؟؟؟

المشاركة الأصلية كتبت بواسطة ahmadmidop

3872244323]

اولا الف شكر.. بس للاسف انا مش متفق مع حضرتك

الاختلاف فى الرأى لا يفسد للود قضيه

**yoko** · 02-01-2010 11:03 PM

افهم حضرتك وجهة نظرى

ناس بتفتى و تقول ان سيارات فيات الحديثه سيئه " الى بيقولك البلاستك شبه ال28 موديل 70 و الخامات مش قد كده ....و كلام من هذا القبيل ... تمام , طلاما انها عربيات وحشه ياريت محدش من الى بيتكلمو كتير بلا فهم يشتريها ولا حد يتكلم عنها . هى اصلا خساره تمشى فى بلدنا . و خليهم يركبو العربيات الخرافيه المصنعه فى المريخ و بنفتيس 12 نقله .

ههههههههههههههههههههههههه هههههههههههه
بصراحه عندك حق والمشكلة ٩٠٪ من الي بيتكلمو ماشافوش العربية ماشيه في الشارع حتى (مش هقول ركبوها)

**Ralliart** · 02-01-2010 11:58 PM

المشاركة الأصلية كتبت بواسطة Ammar

وده يا جماعة كمان شويت صور لعربية فيات إللي مش عارف أقول عليها إيه ...
لو نزلت مصر حتكسر الدنيا ..
أسبكوا مع الصور

للاسف ال Sedici عمرها مهتنزل عندنا لان المفروض ان احنا بينزلنا توأمها ال Suzuki sx4 بس طبعاً الفيات دفع رباعي وانضف بكتير ولو نزلت هتاكل الجو جامد خصوصاً ان ثباتها عالي جداً.

**ahmadmidop** · 03-01-2010 01:31 AM

وعشان كده ياجماعة احنا عملنا الموضوع ده عشان نغير فكرة الناس عن الفيات القديم اللي بيسخن واللي واللي ... ويعرفوا ان فيات منزلة عربيات محترمة جدا وكل شركة في منها القديم وفي منها الحديث بس انا حاسس ان الناس لسه مقنعتش ان

Fiat has changed

**ahmadmidop** · 03-01-2010 02:11 AM

* مواصفات Punto Classic
------------------------

-الشركة المصنعة : فيات
-بلد المنشأ: ايطاليا
-عدد الركاب : 5
-نوع ناقل الحركة : عادي
-عدد الاسطوانات : 4 سلندر
-عدد الصمامات :8
-القوة (د.د/حصان):50/5000
-الوقود :بنزين 92
-تلقيم الوقود:حقن
-الدفع : امامي
-عدد النقلات :5 عادي
-المكابح الامامية :اقراص
-المكابح الخلفية :طبلة
-قطر الجنط :14
-قياس الاطار :14-70/165
-قاعدة العجلات :2460
-الطول (مم) :3840
-العرض:1660
-الارتفاع:1480
-الوزن :875
-سعة الشنطة الخلفية (لتر):264
-سعة خزان الوقود :47
-التسارع من 0 الى 100 كم في :14.3 ثانية
-السرعة القصوى :155 كم في الساعة
-استهلاك الوقود داخل المدينة (كم/20 لتر ) :280
-........ خارج المدينة : 370
-الاستهلاك المتوسط :325

-Abs : غير موجود
-المرايا الجانبية :يدوي
-اكيس هوائية : 2
-امكانية تعديل وضع المقود : موجود
-حاملات اكواب : موجود
-حركة المقاعد :يدوي
-الزجاج الامامي : كهرباء
-ضوء فرامل ثالث علوي :موجود
-قفل مركزي مع تحكم عن بعد :موجود
-مزيل ضباب للزجاج الخلفي :موجود
-كاسيت :سي دي
-مكيف هواء :موجود
-نوع المقود :هيدروليك

السعر 75000 جنيه مصري

وفي انتظار تقارير اكثر تفصيلا من ملاك السيارة

.................................................. ..............

**Ammar** · 03-01-2010 06:47 AM

وعندك رائعة فيات الأخرى فيات نيو كروما
ياترى حنشوفها في مصر في يوم من الأيام ولا لأ ؟؟

وده صور العربية

**nour3alanour** · 03-01-2010 11:23 AM

المشاركة الأصلية كتبت بواسطة MohabSaeed

الاستاذ زميل حضرتِك هل عارف حاجه عن الجراند بونتو ؟ اى معلومات هل شافها اساسا ؟؟ معتقدش .... طيب ليه نتكلم عن حاجه احنا مش عارفينها ؟؟؟

تعرف حضرتك انه بالصدفة بعدها بيوم لقيته بيلعب Need 4 Speed وشاف صورة للجراند بونتو عليها فقاللي اهه الجراند بونتو بتاعتك اهه! وبيقولها بتهكم وكأنه بيتريق علي اختياري للعربية دي! زي ما يكون كان باصص علي صورة عربية كارو وبيقولي آدي اللي انت اخترتيه!!
يعني حتي شكلها الحديث ملفتش نظره ولا خلاه حتي يسأل عنها!