الموضوع: لازم الناس تعرف ان Fiat has changed

المشاركة الأصلية كتبت بواسطة fouady

فكرة حلوة جدا

الف شكر

1-التقرير الاوووووووول
فيات برافو و نظرة عن قرب
.................................................. ..................................
- وده تقرير عن الفيات برافو وهوا طبعا منقول عن العضو mohamed.mostafa وانا ضفته في الموضوع معانا بحيث تكون كل المعلومات متجمعة في موضوع واحد
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.


هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

اولا التصميم:
أن التصميم الخارجى لفيات برافو احد نقاط قوة تلك السيارة فهى تمتاز بتصميم أنيق للغاية وتشعر بأن جميع الخطوط تتناسب مع بعضها البعض سواء فى المقدمة أو الشكل الجانبى أو فى المؤخره بل وتترابط ببعضها البعض بروح تصميمية واحده مميزة فعلا ، فمقدمة السيارة تتألق بالمصابيح الأمامية ذات التصميم المميز والحجم المناسب... وفعلاً فقد جاء التصميم إيطالي 100% ونحن لا نختلف على الذوق الإيطالي الشهير خصوصاً في مجال التصميم،

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

وانطلقت فيات بتصميم برافو الجديدة من روحها الشبابية الجديدة والتي ظهرت بوضوح في شقيقاتها جراند بونتو. مع إضافة لمسات سحرية على مجمل الشكل لتتفرد به البرافو.

الشكل الجانبى للسيارة جميل ايضا ولا شك أن تصميم جنوط السيارة ذات قياس 17 بوصه يضفى تألقاً كبيراً عليها وإن كان سقف السيارة يميل قليلاً إلى الأسفل عند نهايته ولكن هذا لا يمس بقريب أو من بعيد مساحة الجلوس فى المقعد الخلفى فهذا التصميم الذكى يعطى مساحه داخليه خلفية تصل إلى 960 مم أرتفاعاً من محور الجلوس مما يعطى مساحه رحبه داخلياً مع شكل مدمج

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

تصميم برافو من الخلف يعتبر اكثر جمالا من اى زاويه اخرى فعلى الرغم من قلة تفاصيلها إلا إنها جميلة للغاية , فتصميم المصابيح الخلفية ممتع للعين خاصة عند تشغيل أضواء الوقوف وسنلاحظ فوراً المشتت الصغير أعلى النافذة الخلفية المصممه بذكاء فهى تعطى أكبر قدر ممكن من مساحة الرؤية الخلفيه أما الاكصدام فهو كبير ويحتوي على قسم سفلي من البلاستيك وفتحتي معدن للعادم مزدوجتين ومميزتين جداً بشكلهما الرياضي.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

من الداخل

داخلياً تم إستخدام أفضل الخامات لتصنيع مكونات المقصورة كما تمتاز بمساحه داخلية رحبه فهى تعطى مايزيد عن 900 مم بثلاثة عشرة مليمتر كمساحه لقائد السيارة والراكب الأمامى وفى نفس وقت إستعمال الركاب فى الأمام لكامل مساحتهم فهى تعطى بعداً للأقدام فى الخلف يقدر بـ 793 مم مما يجعلها من أكثر سيارات فئتها رحابه وتكمل تلك المنظومة قدره على تحميل أكثر من 400 لتراً من الأمتعه لتكون بذلك حلاً عملياً لسيارة هاتش باك شديدة العملية

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

ابعاد السيارة
وقد بنيت برافو على قاعدة ستيلو بعد تعديلها وبلغ طولها 2600 مم، أما طول السيارة الكلي فيبلغ 4340 مم وعرضها 1790مم وارتفاعها 1490 مم، وهذه المقاييس تمنح برافو تفوق واضح على المنافسات بالإضافة لرحابة داخلية متفوقة وسعة تحميل كبيرة لصندوق الأمتعة تبلغ 400 لتراً، والتي تعتبر السعة الأكبر لسيارة من نفس الفئة.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

صور اسفل السيارة

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

التجهيزات الداخلية

قبل الدخول لازم طبعا نجيب المفتاح
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

اضغط هنا لمشاهدة الصورة بالحجك الطبيعي.

تم إعتماد نظام التوصيل اللاسلكى Blue & ME لتوصيل أجهزة الهاتف وأجهزة تشغيل الوسائط المعدوده المحموله كالآى بود عن طريق تقنية البلوتوث اللاسلكية ، إضافة إلى ذلك التكييف ثنائى التوزيع ( ضبط درجه الحراره للامام والخلف كل على حده ) والذى يعمل باللمس ، عجلة القيادة المتعددة المهام والقابله للتعديل فى اربعة وضعيات ، التحكم فى مستوى إضاءة لوحة العدادات الأنيقة ، التحكم الكهربائى فى النوافذ الأربعة مع التحكم الكهرابئى فى المرايا الجانبية ، شاشة معلومات من الكريستال السائل LCD تتوسط الكونسول المرتب الجميل ، مقاعد رياضية من ريكارو ، مقاعد خلفية قابله للطى بزاوية 60 درجة ، قفل مركزى مصاحب له وحدة تحكم عن بعد ويتم التحكم من خلالها فى رفع النوافذ بضغطة زر واحده ، خلية التشغيل المدمجه فى مفتاح التشغيل لمنع السرقه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x443.

-تجهيزات الرفاهية

1. نظام التحكم بالتوجية عند المنعطفات asr
2. ebd نظام توذيع قوة الكبح الكترونيا
3. اضواء امامية تتوجة الكترونيا على حسب حركة المقود
4. تعديل ارتفاع الاضواء الامامية كهربائيا
5. حساسات امامية للمسافة
6. حساسات خلفية للمسافة
7. كمبيوتر رحلات
8. مقياس لدرجة حرارة الجو الخارجية
9. نظام حماية ضد الحريق اثناء الحوادث
10. امكانية تعديل وضعية مقعد السائق
11. نظام follow me للاضواء الامامية

التجهيزات الاساسية

1. abs نظام مانع انغلاق المكابح
2. 2 airbag لبرافو 1.4 عادى
3. 4air bag لبرافو 1.4 تربو
4. حاملات اكواب
5. حركة المقاعد يدوية
6. زجاج كهربائى امامى وخلفى
7. ضوء فرامل ثالث علوى
8. فرش مقاعد قماش
9. قفل مركزى مع تحكم عن بعد
10. مزيل ضباب للزجاج الخلفى
11. جنوط كروم
12. نوع المقود كهربائى ويزيد استقرارة بزيادة السرعة

المحرك

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x768.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x768.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x768.

قامت شركة أوماترا مصر وكيل فيات الوحيد فى السوق المصرى صف محركات التيربو جيت الجديدة والتى تتألف من محركين بسعة 1.4 لتر 4 إسطوانات 16 صباب ومزود بتيربو تشارجير بقوة 120 حصان مع قدرته على توليد عزم لى يصل إلى 206 نيوتن متر وبتلك المواصفات يكون قادراً على دفع السيارة من حالة الثبات إلى سرعة 100 كم / س فى زمن قدره 9.6 ثانية ، وشقيقه الأكبر بنفس السعة ولكن يخرج قوة حصانية تصل إلى 150 حصان مع توليده لعزم لى يصل إلى 230 نيوتن متر والذى يمكن السيارة من تحسين زمن تسارعها حتى 100 كم / س إلى 8.2 ثانية ، ويستعمل مع هذين المحركين ناقل أوتوماتيكى من ستة سرعات أمامية من طراز Sel Speed ، يضاف إلى هذين المحركين المحرك القياسى رباعى الإسطوانات بسعة 1.4 وبقوة 90 حصان والذى يصل معدل إستهلاكه للوقود إلى 5.5 لتر لكل 100 كم

الامان

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x753.

حصلت فيات برافو على خمسة نجوم فى إختبارات التصادم الأوروبية فهى تمتاز بهندسة شاسية مميزة كما أنها تسوق بستة وسائد هوائية فى الخارج فيما تأتى بأربعة فقط فى السوق المصرى بالإضافة إلى أحزمة الأمان ثلاثية نقاط التثبيت مع إستعمالها أنظمة كبح إليكترونية مثل منع إنغلاق المكابح ABS وتوزيع قوة الكبح على كل إطار حسب معامل الإحتكاك EBD

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x672.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x672.

Front: 12.8
Side: 16
Seatbelt reminder: 2
Pole: 2

واخيرا

المزايا:

تصميم رائع ومقصورة داخلية رحبة

خامات داخلية ذات جودة عالية

محرك قوى واقتصادى فى الوقود

ثبات وراحة على الطريق حيث مقاعد مريحة جدا

العيوب:
صوت المحرك عالى بنسبة قليلة على السرعات العالية

نظام التعليق قاسى على المطبات والحفر الصغيرة وعند القيادة الرياضية


اما عن سعر برافو فى مصر فهو يبدأ من 118 الف للفئة الأساسية بناقل حركة يديوى وصولاً لـ 134.900 لبرافو تيربو 120 حصان وحتى 175 الف 1.4 بقوة 150 حصان full option

الموضوع بالكامل من مجهودى وغير منقول ويرجى عند النقل ذكر اسم الموقع والعبد لله
ارجو ان يكون الموضوع عجبكم وافادكم






---- وطبعا الف شكر للعضو mohamed.mostafa صاحب ومعد التقرير..

2-التقرير الثااااني
.................................................. .................................................. *

تقريرعن فيات لينيا تربو الفئة الثانيه:

وطبعا منقول عن yoko

بسم الله الرحمن الرحيم

أولا أحب أعرفكوا بنفسي أنا أحمد إبراهيم طالب في هندسة حلوان
العربية الي معايا هي الفيات لينيا تربو الفقة التانيه
أنا لحد النهاردة عامل بالعربية ٥٠١ كم وأعتقد ده رقم كافي لتقييم مبدأي للعربي
نيجي لمواصفات من الكتالوج
الموتور: ٤ سلندر مع تربو ١٢٠ حصان عند ٥٠٠٠لفة\دقيقة ٢٠٦ نيوتن.م عند ١٧٥٠لفة\دقيقة
نظام الحقن:timed,sequential electronic mpi
الفتيس:٥ نقلات+الخلف بدبرياش هيدروليك
السحب:أمامي
نظام التوجيه:باور هيدروليكي
الفرامل: ديسكات-مهواة أمامي ديسكات خلفيه abs+ebd
نظام التعليق:
front: independent wheel McPherson set-up, telescopic double-acting shock absorber, stabiliser bar with ball joint rods
rear: interconnected wheels with torsion beam telescopic shock absorber, roll bar
الأبعاد:
قاعدة العجلات:٢٦٠٣
المسافة بين العجل: الأمام ١٤٦٧ الخلف ١٤٨٣
الطول الكلي:٤٥٦٠
العرض الكلي: ١٩٤٦
الإرتفاع الكلي (بدون تحميل):١٤٩٤
الشنطة: ٥٠٠ لتر
العجل: ١٩٥\٥٥\أر١٦ مع عجل بريدجستون سرعات حتى ٢٢٠
الكماليات:
multifunction
blue&me
زجاج كهربى
ريموت (مع إمبوليزر)
راديو سيدي مع usb
طارة تتحرك في ٤ إتجاهات
تحكم في إرتفاع وإنخفاض كرسي السواق مع أكياس هواء للظهر(هيتم شرحة بعدين)
تكيف تاتش
مرايات كهربى
٦ إيرباج
شاشة رحلات
فولو مي
أنوار ضباب
جنوط

نبتدي على بركة الله التقييم
من الخارج:


العربية شكلها من برة مميز ومش شبه أي عربية ويدي على عربية فخمة ويدي أكتر من سعرها بكتير



الجنط شكلة حلو (مش تحفة كان نفسي في بتاع البرافو ال١٥٠ حصان)

نيجي بقى نفتح الكابوت ونشوف التقفيل(الي إتقال إن تقفيل السبيرانزا أحسن منه):
نظرة عامة على الموتور

أعتقد المنظر مش محتاج كلام والتربو منور على الموتور

نيجي نشوف بطانة الكبوت

مش هتكلم لإن الصورة واضحة جدا

نبص بصة على الرادرياتير وسربنتينة التكيف قبل ما نقفل الكبوت



قبل ما ندخل العربية:
نبص بصة سريعة على المفتاح
من الخلف


شعار الفيات والمفتاح خامتة كويسة (عاديه)

من الأمام

بالترتيب الزرار الفضي لإخراج المفتاح وإدخال المفتاح (بس كان هيبقى أحلى لو كان شعر فيات زي البرافو)
بعديه زرار الفتح - زرار القفل - الشنطة

المفتاح بعد طلوعة من داخل الريموت


جوه العربية:
ندوس على الريموت ونفتح الباب تحس إن الباب تقيل وماسك نافسه
ونركب في الكنبة الي ورا الأول
تيجي تخش جوه العربية تقوم واقف مبلم وكإن صخرة وقعت فوق دماغك الفرش بيج فاتح في مصر (العربية هتبقى طينة في يومين -ويبقى هتضيع يوم في الأجازة عشان تجيب فرش-)


تيجي تعد في الكنبة تحس إنك قاعد في صالون البيت كراسي مريحة لأبعد حد والمساحة كبيرة جدا ولو طولك ٢ متر هتعد مستريح وممكن تمدد كمان
جربت رجعت كرسي السواق للأخر وأعدت وره أنا طولي متوسط ١٦٩ سم -هسيب الصورة تتكلم-

تقوم قايم بعد الإحساس بالوسع الداخلي الرهيب وتقول طبعا الشنطة هتبقى ضيقة ومتشلش حاجة
وتقوم فاتح الشنطة -ألاقي صاحبي في المعرض يقول "هات لحاف عشان أنا داخل أنام في الشنطة"-


هتقولي مش مصدق إنها واسعة هقولك تب لو قعدتلك فيها وممكن أركب ٣ معيا في الشنطة على الأقل


تيجي تقفل الكنبة الي ورا عشان نوسع الشنطة ونقوم شدين القاعدة كده


نيجي نشد الظهر تلاقيه مبينزلش وتعد تدرو منين تنزل الضهر تلاقي الشريطة دي ورا مسند الراس



ونطبق الضهر


ونبص من بره على الشنطة بعد العمليه دي

مش محتاجة كلام

كفايه كده فرجة على العربية ورغي فاضي ملوش لازمة

نيجي نركب مكان السواق ونبص على التابلوه

اضغط هنا لمشاهدة الصورة بالحجك الطبيعي.




طبعا الشكل أذواق بس أنا شايف جمال التابلوه والعربية ككل في بساطتها

بعد ما أعدت تحس إن الكرسي متفصل عليك والجناحات في الجناب مثبتاك في الكرسي والقطيفة بتاعت الكرسي ملمسها رائع

نبتدي على بركة الله ندور العربية
نحط المفتاح ونلف تقوم العربية تدور وتسمع صوت المتور لثانيه وبعد كده تيجي تسمع مش سامع صوت الموتور وتعد تسأل نفسك العربية دايرة ولا ﻷ تبص على العدادات وتلاقي العربية دايرة

نيجي نظبط أعدة الكرسي: هتلاقي كل حاجة عادية لكن بكرة الظهر مكانها غلس شوية عشان تلفها


نيجي بقى للمتعة الحقيقية وللزرار ده تحت المسند الي بين الكرسيين الي قدام

وده بينفخ كيس هوه في ظهر الكرسي عشان تعد مستريح

بعد كده نظبط المرايات هتلاقي المرايات الجانبية تحفة وبتجيب حارتين يمين وحارتين شمال وبتدي أبعاد واقعيه جدا بعكس المرايه الي في النص بتكبر قوي وبتحسسك إن العربية الي وراك ب٢٠ متر كإنها عندك في الكنبة الي ورا


تحط إدك على الفتيس تحس بفخامة الجلد ونعومة النقلات وكمان الR من غير سوسته


نبتدي نسوق العربية
صوت الموتور هادي جدا وتقريبا مش مسموع وطول ما إنت ماشي براحة (رجلك خفيفة على البنزين) التربو مش هيشتغل أكتر من التلت وإستهلاك العربية على سرعة من ٨٠ ل١٠٠ كم\ساعة ٧لتر\١٠٠كم وأوقات أقل إستهلاك زي الفل

تيجي بقى تحب تقرص على العربية
تلاقي العربيه طارت بمعنى الكلمة وصوتها على وصفارة التربو تسمعها بس واطيه قوي لازم تركز في الصوت والتربو بيوصل ١٠٠٪ والrpm بيتحرك بسرعة فظيعة وأول ما الrpm يوصل ل٥ تنقل تلاقيه نزل ل٤ في ثانيتين بالكتير تلاقي الrpm على ٥ وتنقل ويكفيني شرفا إني زعلت سيفيك على الدائري وفرنا على طريق السندباد والعربية الوحيدة الي طلعت مني golf tsi مش ال١٦٠٠ وإبتدى يفرق مني على ١٦٠ بس فرق بشكل بسيط
وإستهلاك العربية مع القرص والإفترا ١٠لتر\١٠٠كم رقم تحفة بالنسبة لعربيه بالتسارع ده

نيجي على أهم حاجة لإن عربية طلقة وبدون ثبات يبقى هبل
العربية غيرتلي مفهوم الثبات عندي أنا زمان كنت بقول على الكورولا٢٠٠٦ (الي معايا في السعوديه) ثباتها أديه ٤ من ٥ بعد ما ركبت العربية دي أدي الكورولا٢٠٠٦ ٢.٥ من ٥ وكده أبقى كارم العربية في التقييم العربية ثباتها خرافة أنا بعد المقابلة كنت ماشي في مصر الجديدة على ١٢٠ قبل نفق الثورة كإني رايح الكربة وماشي في أخر حارة يمين ومرة واحده ال............* الي قدامي إفتكر إنه هيقف وكلبش فرامل قمت كاسر شمال لقيت الي على يمينه بيكلبش فرامل معاه قمت على السرعة دي لفيت الدركسيون نص لفة شمال وعلى الحارة الأخيرة شمال لقيت نفسي هنزل النفق وأنا عايز أروح صلاح سالم رحت كاسر الدركسيون نص لفة يمين ورجعت أخر حارة يمين تاني الكلام ده كان في مسافة لا تتعدي ال٥٠ متر طبعا أي عربية يحصل فيها كده هتلاقي نفسك وشك في وش العربيات(١٨٠ درجة) والبقاء لله
بس والله العظيم العربية ما جنحت حتى
والغرز والملفات على الدائري على ١٦٠ كإنك واخدها على ١٠٠ العربية ماسكة في الأرض

نيجي بقى للعافشة والمطبات العربية عفشتها متوسطة ولا هي ناعمة ولا هيه ناشفة بس مريحة جدا في المطبات والحفر والبلاعات محستش بيهم خالص وحتى عين القطة دوست عليهم على ١٢٠ الدركسيون ولا كإن فيه حاجة والعربية مبتترجش ويدوب سامع صوت العجل من عين القطة بس لو واحد جامبك مش هيحس إنك دايس عليهم أصلا

العزل العربية عزلها تحفة بس مشكلته إنك تبقى ماشي على ١٦٠ ومش حاسس وفاكر نفسك ماشي على ٨٠ بالكتير ممكن تلاقي بيقولك كاسر سرعة وإنت مش حاسس ولو قفلت الإزاز إستحالة تحس بالسرعة

أما الفرامل ما شاء الله بتوقف في ثواني والabs بيشتغل لو فيه تراب في الأرض وإنت على سرعة عاليه حتى لو مكلبشتش فرامل

نروح بقى لكمبيوتر العربية
زرار الtrip في الدراع بتاع المساحة وميزتة عن بقيت العربيات إنه بيديك العربية فيها بنزين يمشيك قد إيه ومتوسط الإستهلاك والإستهلاك اللحظي ووقت الرحلة ومتوسط السرعة حاسس إنه كمبيوتر طياره (بيفكرني بكمبيوتر الفورد الي معايا في السعودية موديل ٩٤ بس الكمبيوتر مبيديش متوسط السرعة ولا زمن الرحلة)







__________________


permalink
تعالوا نتكلم على العدادات شويه

ده العداد والنور شغال وكاتب إن الباب الي ورا شمال مفتوح
بمناسبة النور العربية قبل ما أجبها قلت هركبلها زينون بعد ما جبتها لقيت إن الزنون مش هيبقى فارق نور العربية قوي جدا وبيفرش على الأرض ولا أحسنها زينون
العربية فيها حته تكنولوجيا في النور بس خنقتني بصراحة (مش عملية)
دراع النور لو شديت نص شده يقلب نور ولو شديت للأخر النور العالي هيفضل شغال على طول بس الدراع هيرجع عادي مش هيفضل مشدود وتشده تاني للأخر يطفي النور العالي
أول ما ركبت العربية كل ما أجي أقلب نور أشغل النور العالي من غير مقصد

نيجي بقى لزراير الكومبيوتر

والكمبيوتر كان الأخ dabdob86 إتكلم عليه فمش هكرر الكلام

النور العالي


نور الضباب الأمامي


نور الإشارة



نور الإشارة وبدون تشغيل نور الضباب الخلفي


مع الضباب الخلفي


نتكلم بقى عن الراديو الراديو سهل الإستخدام جدا
اضغط هنا لمشاهدة الصورة بالحجك الطبيعي.
وصوتة محترم جدا و٦ سماعات والي مش غاوي ساوند سيستم هيحقق متطلباتة وزياده حبتين
السماعات



نتكلم شوية عن الملتي فنكشن

والزراير دي بتاعت الصوت تعلية وتوطيه ومنع الصوت مع زرار الخروج وطبعا زرار البلو أند مي (ماشي يا fouady)
وده بتدوس علية وتقوله call x يرد يقولك call x at home or work or mobile لو فيه أكتر من نمرة وترد عليه at home مثلا يرد يقولك call x at home تقوله yes يتصل وطبعا كل مره يرد رده بيظهر في الشاشة مع الصوت ونمرة الي هتكلمه
وكمان لو دوست وقولت media هيفتحلك الأغاني الي على الusb ويكتبهملك على الشاشة
وممكن تدوس وتقوله shuffle on أو shuffle off أو loop on وعيش يا معلم (فيه حد يلاقي دلع وميتدلعش)


ودول بقيت الزراير زرار الsrc ok وده زرار الإختيار وزرار تغير الراديو من إف إم لإيه إم لسي دي ليو إس بي وفوق وتحت لتغير (الأغنية-المحطة-الإختيار) زرار السماعة وده للرد على المكالمات وللدخول على المنيو بتاع البلو أند مي وجواه إختيارات كتير زي الكونتاكتس والميديا بلير(الusb)والإختيارات وكام حاجة كمان

ده مكان الusb جوه الدرج


نيجي لأخر حاجة إكتشفت مكان جراب النظارة

وهو في مكان غريب قوي فوق الإزاز بتاع السواق مش في النص كالعادة في كل العربيات

نيجي نتكلم على أخر حاجة ويمكن أهم حاجة عند كل الناس التكيف
التكيف من أول لحظة بيطلع هوا ساقع وهو كويس جدا أقل من الكورولا بشويه لكن أفضل من الأسترا والميجان بمراحل

فتحة التكيف الخلفية


بس الي الناس متعرفوش إن فيه فتحات تكيف تحت الكراسي الي قدام ودي صورتها



يا رب التقييم يكون كويس (أنا عارف إنه نص نص عشان أنا مستعجل وعندي إمتحانات بس لو إتأخر أكتر من كده ممكن أتضرب)
وإن شاء الله كمان شهرين بالكتير هعمل تقرير ال٥٠٠٠ كم


*تقيمي لللينيا بعد ٢٧ يوم و٢٥٠٠كم:
أنا هلخص المعلومات الجديدة في شويه نقاط:
١) العربيه الحمد لله لحد دلوقتي مفيهاش أي مشكلة ولو بسيطة حتى الكاوتش الي كنت فاكرة ريح سنة طلع مظبوط بالملي
٢) العربيه مع تحميل ٥ أشخاص أنا أخف واحد فيهم ٧٢ كيلو العربيه بقت تحك في الجبال(قصدي المطبات) العالية قوي في الطريق بشكل بسيط يادوب بتلمس
٣) العربيه لما حملتها ٦ أشخاص كلهم في كليه وأوزان ٢ بين ال٥٠ وال٦٥ وأنا ٧٢ وال٣ التانين معدين ال٨٠ وواحد منهم معدي ال٩٥ العربيه سحبها ضعف شويه بالذات بعد ال١٤٠ تحس إن العربية تقلت شويه لما بكون لوحدي العربيه تحس إنها رشيقة جدا ومش فارق معاها ١٠٠ من ١٨٠
٤) العربيه لو بتاخد غرزة على سرعات فوق ال١٢٠ وكلبشت فرامل وإنت بتاخد الغرزة شنطة العربية بتلعب بسيط (لكن مبتعرضش ولا حتى عشر تعريضة يعني تحس إنها بتلعب لكن في حارتها) ومع أقل دوسة بنزين بتمسك نفسها تاني لكن لو الفرامل مش جامدة العربيه مش هتتهز حتى وهتلاقي ثبات وهمي
٥) العربية غرزت بيها النهارده ومكنتش عارف أطلعها ومكنتش عارف أطلعها بكل الطرق قمت إستغبيت وقرصت على العربيه لقتها لفت على الفاضي سنة وقامت نطت وطلعت ولا كإنها كانت غارزة أصلا (الحمد لله حظي حلو عشان كان مشوار عيادة مريض -فربنا كرمني-)
٦) إستهلاك البنزين جوه البلد مع الشد والإفترا بتعمل حوالي ١١.٥ لتر في ال١٠٠ كم وبره البلد شد وإفترا بتعمل ٨.٥ -٩ لتر لكل ١٠٠كم إستهلاكها على سرعة ٩٠ حوالي ٦لتر وعلى سرعة ١٢٠ حوالي ٦.٤ لتر ولو الهوا معاك بتقل عن كده
٧) صوت العربيه مع القرص مسموع لكن واطي مبيديقش وصوتها على ال١٢٠ خافت جدا ومع البنزين ال٩٥ مش مسموع خالص
٨) الباور بيتقل مع السرعات ومع دوسة الفرامل (على حسب الدوسة) عشان العربيه متفلتش من الواحد
مش فاكر حاجة تاني لو حد عنده سؤال يقول

3- تقرير اخر عن الفيات لينيا
........................................*
منقول عن العضوdabdob86
احب فى الاول اعرفكم بنفسى انا جون مهندس تنفيذ طرق و كبارى و طبعا بعد الاستفادة الرهيبة اللى شفتها فى المنتدى هنا كان لازم اعمل التقرير ده كرد للجميل اللى شفته هنا من مساعدة الناس لبعضها و الردود المفيدة و العملية و الحرص دائما على مصلحة الغير

طبعا علشان التقرير يكون كامل ان صورت كل حاجة فى العربية بالتفصيل و لو نسيت حاجة اسئلوا و انا هاجوب
بس انا باشوف النت يوم واحد فى الاسبوع لان شغلى فى الصحراء فاصبروا و انا هارد ان شاء الله

اولا انا استلمت العربية الفئة الاولى فى التربو كان نفسى اجيب اعلى فئة بس قلة فلوس بقا

مواصفات العربية
عدد السلندرات : 4
الحصان : 120
العزم : 206N.m@1750RPM
نسبة الانضغاط : 9.8:1
حقن الوقود : MPI
نظام الجر : امامى
الفتيس : 5 سرعات
الباور ستيرنج : هايدروليك
الفرامل : - امامية : اقراص مهواة D257
- خلفية : طنابير D240
الفرامل مزودة ب ABS + EBD
العجل : 60/195 R15
وزن السيارة : 1160 kg
سعة تنك الوقود : 45 لتر
سعة حقيبة الامتعة : 500 لتر

الكماليات
تكييف هواء يدوى مع فتحة تهوية خلفية
باور ستيرنج
زجاج كهرباء
مرايات كهرباء
راديو CD + اربع سماعات + اثنين تويتر
عجلة القيادة قابلة للضبط فى اربع اتجاهات
مسند يد للسائق
2 airbag
trip computer
Multi Function Steering Wheel
كرسى السائق يمكن ضبط ارتفاعه
مفتاح ريموت يفتح الابواب و شنطة السيارة
مخادع رأس امامية و خلفية
فرش اتنين لون
عجلة القيادة و الفتيس جلد

السعر : 96000

الصور

واجهة العربية
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

خلفية العربية
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

الفانوس الامامى
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

مكان فانوس الضباب
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

المساحات و رشاشات المياه (بترش فى ثلاث اتجاهات)
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

المراية الجانبية
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

شنطة السيارة(البطانة الداخلية عليها كلمة fiat)
اضغط هنا لمشاهدة الصورة بالحجك الطبيعي.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

نور بداخل الشنطة
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

ذراع لغلق الشنطة (علشان تشد منه يعنى ناس مابيتسوش حاجة)
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

الاريال
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

نور الفرامل الخلفى
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

العجل
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
الكاوتش bridgestone
المقاس 60\195 R15

الاستبن و الكوريك و العدةو مفتاح العجل
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

dabdob86 مشاهدة ملفه الشخصي إرسال رسالة خاصة إلى dabdob86 البحث عن المشاركات التي كتبها dabdob86 إضافة dabdob86 إلى الإتصالات الخاصة بك

09-10-2009, 03:17 PM #2 dabdob86
عضو جديد
البيانات الشخصية
الحالة

permalink

نظرة على موتور السيارة
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

الموتور و التربو
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

علبة زيت الباور
اضغط هنا لمشاهدة الصورة بالحجك الطبيعي.

علبة الفيوزات الخارجية و اربة المياه و اربة المساحات و البطارية
اضغط هنا لمشاهدة الصورة بالحجك الطبيعي.

وحدة ال ECU
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

بطانة الموتور
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

السيارة من الداخل

عجلة القيادة
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

ذراع النور و الاشارات
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

ذراع المساحات و به زرار trip من الجنب (نسيت اصوره)
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

ذراع التحكم فى عجلة القيادة فى اربع اتجاهات (اعلى و اسفل , الامام و الخلف)
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

الكونسول الاوسط (فتخات التكيف - الcd - التحكم فى التكيف)
اضغط هنا لمشاهدة الصورة بالحجك الطبيعي.
التكييف بيشتغل بالضغط على زر التحكم فى المروحة للداخل

فتحة التكييف الجانبية و تحكم فى كمبيوتر العربية و ارتفاع و انخفاض النور الامامى
و تحكم فى اضائة التبلوه و نور الضباب الامامى و الخلفى
اضغط هنا لمشاهدة الصورة بالحجك الطبيعي.

فتحة تخزبن بجانب السائق وغطاء علبة الفيوزات الداخلية
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

الدواسات و فتحة التكييف السفلية
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

فتحة التكييف الجانية و ايرباج السائق
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
احلى حاجة ان الايرباج متحدد مكانها يعنى لو فتحت هتغير الغطاء بتاعها بس مش التابلوه كله

درج التخزين الجانبى
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

عصا الفتيس و الطفاية و حامل الاكواب
اضغط هنا لمشاهدة الصورة بالحجك الطبيعي.

فرامل اليد
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.

dabdob86 مشاهدة ملفه الشخصي إرسال رسالة خاصة إلى dabdob86 البحث عن المشاركات التي كتبها dabdob86 إضافة dabdob86 إلى الإتصالات الخاصة بك

09-10-2009, 03:18 PM #3 dabdob86
عضو جديد
البيانات الشخصية
الحالة

permalink

مسند يد للسائق يمكن التحكم فى مستواه (مستويين)
اعلى
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
اسفل
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
من الداخل