لازم الناس تعرف ان Fiat has changed

**ahmadmidop** · 03-01-2010 02:28 PM

المشاركة الأصلية كتبت بواسطة nour3alanour

تعرف حضرتك انه بالصدفة بعدها بيوم لقيته بيلعب Need 4 Speed وشاف صورة للجراند بونتو عليها فقاللي اهه الجراند بونتو بتاعتك اهه! وبيقولها بتهكم وكأنه بيتريق علي اختياري للعربية دي! زي ما يكون كان باصص علي صورة عربية كارو وبيقولي آدي اللي انت اخترتيه!!
يعني حتي شكلها الحديث ملفتش نظره ولا خلاه حتي يسأل عنها!

جايز مش مستوعب الموضوع .... او هوا اصلا من الناس اللي مش مؤيدة ان الواحد يشتري ويركب فيات

**mada_mada81** · 03-01-2010 04:31 PM

المشاركة الأصلية كتبت بواسطة semsem_uno

حلو اويييييييييييييييي يا باشا
بس انا رأيي بلاش fiat has changed لأن فيات كول عمرها محترمة بس الشعب اللي مش فاهم اي حاجة و هيحتاج سنين علشان يفهم ده لو فهم

انا شايف ان الشعار دا مهم لان الناس كلها فهما ان الفيات=128 يعنى لما واحد يقولك عندى عربية فيات كل الناس بتفهم انه عنده 128

**ahmadmidop** · 03-01-2010 04:38 PM

المشاركة الأصلية كتبت بواسطة mada_mada81

انا شايف ان الشعار دا مهم لان الناس كلها فهما ان الفيات=128 يعنى لما واحد يقولك عندى عربية فيات كل الناس بتفهم انه عنده 128

وده فعلا اللي خلاني اعمل الموضوع ده بحيث نحاول نوصل للناس ان فيات اتغيرت ونعرفهم الموديلات الجديدة منها واللي لو اخدت فرصتها هتنافس بقوة جدا

وان شاء الله الموضوع يكون مرجع شامل ومفيد لجميع زوار قسم الفيات وخصوصا اللي اخدين فكرة وحشة عن الفيات

**ahmadmidop** · 03-01-2010 04:50 PM

مواصفات Fiat Bravo
............................*

لاتكف شركة فيات الأيطالية العريقة عن مفاجأئنا كل عام بما يخلب الباب عشاق الطراز الأيطالى العريق
واليوم تقدم لنا تحفتها فيات 1,4 تربو اوتوماتيك. التى تربعت وباقتدار على قمة هرم القوة والثبات فى فئتها. وحصلت على تقييم 5 نجوم فى اختبارات البرنامج الأوروبى لتقييم السيارات الجديدة Euro N.C.A.P

أولا الأداء

1- القدرة القصوى للمحرك: 120 حصانأ عند 5000 لفة/دقيقة
2- العزم الأقصى للمحرك 206 نيوتن. متر عند 1750 لفة/دقيقة
3- زمن الوصول من الثبات الى سرعة 100 كم/ساعة فى 9,6 ثانية
4- أقل أستهلاك للوقود 5,5 لتر لكل 100 كيلو متر أى 363 كم/الصفيحة عند سرعة 110 كم/س
5- أستهلاك الوقود داخل المدينة 8,5 لتى لكل 100 كيلو أى 235 كم/الصفيحة
6- الحمولة القصوى 510 كج
7- خاصية SPORT لرفع الضغط الأقصى للتربو عند الحاجة وزيادة العزم الى 230 نيوتن متر
8 نظام ECO-DRIVE tm لقياس وتعديل معايير القيادة لزيادة الأمان وتقليل الأنبعاثات الضارة وأستهلاك الوقود

ثانيا: الأمان

الأمان الأيجابى Active Safety
وهى الانظمة المعنية بتصفية أهم الأسباب المؤدية للحوادث

1- نظام مانع أنغلاق العجلات أثناء الفرملة ABS الأحدث فى العالم مع توزيع القدرة الفرملية الكترونيأ على العجلات.
2- نظام الثبات الألكترونى ESP لمنع أنزلاق السيارة أثناء السير والمجهز بنظام HILL Holder لمنع رجوع السيارة الى الخلف على المنحدرات.
3- نظام كبح قدرة العجلات ASR لمنع أنزلاق الهجلات أثناء التسارع أو السير على أرض زلقة
4- نظام فرملة المحرك أثناء الفرامل الشديدة HBA

الأمان السلبى Passive Safety

وهى الأنظمة المعنية بحماية الركاب أذا وقع الحادث (لا قدر الله)

1- الوسائد الهوائية متعددة المراحل للسائق, الراكب المجاول والركاب بالخلف.
بالأضافة الى الوسائد الجانبية Side Bags ووسائد السقف HeadBags بالأضافة الى وسادة هوائية (أختيارية) لحماية ركبة السائق.
2- حساس تحديد شدة التصادم الأضافة ECS لتقييم الحادث وتحديد فتح مرحلة واحدة أم مرحلتين من ال AirBAGS.
3- أحزمة الأمان مجهزة بنظام شد الركاب الى الكرسى فى حالة وقوع حادث.
4- الشاسية مصمم لامتصاص الصدمات وحماية الركاب وعدم أختراق الكابينة, حيث يسقط المحرك والفتيس لاسفل السيارة فى حال التصادم العنيف.
5- قاعدة دواسات السيارة مصممة لعدم أصابة عظام الفخذ والحوض حيث تنكسر القاعدو عند التصادم لحماية السائق.
6- نظام قطع الوقود عند الحوادث لمنع حدوث حريق فى حالة أنقطاع وصلة الوقود.
7- تنك اليمزين ذو سعة 58 لتر ومصمم ضد تسريب الوقود فى حالة أنقلاب السيارة.

ثالثا: الرفاهية

1- السيارة مجزة بنظام صوتى متكامل يشمل 6 سماعات CD MP3 بكود مانع للسرقة.
2- نظام Blue & ME tm لتوصيل حتى 5 تليفونات محمولة بالسيارة والتعرف عليها اوتوكاتيكيأ.
3- نظام Voice Commands للأتصال عن طريق صوت السائق.
4- نظام Voice Message Reader and SMS Test لقراءة الرسائل الوادة اليك.
5- وصلة USB لتوصيل أى أجهزة صوتية أضافية iPOD OR iPHONE.
6- نظام مثبت السرعة Cruise Control لتحديد سرعة السيارة بما يناسب السائق.
7- كمبيوتر الرحلات Trip Computer لتحديد جميع معايير أداء السيارة.
8- عرض لنسة أداء التربو Digital Display لمعرفة الضغط الحالى للتربو.
9- تابلوه مصنع بالكامل من ألياف الكربون لاعطاء السيارة لمسة عصرية وفخامة أضافية.
10 - فرش داخلى فاخر من لونين والعديد من التجهيزات الأخرى.

**sarawe511** · 03-01-2010 05:01 PM

موضوع تحفة بجد

**Moe86** · 03-01-2010 06:18 PM

البونتو ال8 صباب 60 حصان مش 50
و رغم ان السرعة القصوى 155 , الا انها جابت معايا 165 كذا مرة لما يبقى الطريق مرصوف حلو و مافيش رياح
حاعمل تقرير عنها لما أصلحها تماما ان شاء الله

**semsem_uno** · 03-01-2010 06:49 PM

المشاركة الأصلية كتبت بواسطة nour3alanour

تعرف حضرتك انه بالصدفة بعدها بيوم لقيته بيلعب Need 4 Speed وشاف صورة للجراند بونتو عليها فقاللي اهه الجراند بونتو بتاعتك اهه! وبيقولها بتهكم وكأنه بيتريق علي اختياري للعربية دي! زي ما يكون كان باصص علي صورة عربية كارو وبيقولي آدي اللي انت اخترتيه!!
يعني حتي شكلها الحديث ملفتش نظره ولا خلاه حتي يسأل عنها!

مع احترامي ليه

ماهو امثاله اللي جابتنا ورا و خلت الشعب يجيب عربيات احسن حاجة تعملها انها تجري و تلبس في الحيط و ياريتها فيها شكل حتى و كمان لا في امان ولا في اي حاجة
اللي زي ده اخرو فيرنا او اسبيرانزا او كورولا يتشقلب بيها و عضمو يتكسر من عدم وجود عوامل الأمان و يرتاح و يريحنا ربنا يحفظ و يهدي علشان دماغ الناس بقت صعبة اوي اليومين دول

**eng_ahesham** · 03-01-2010 07:35 PM

اللي زي ده اخرو فيرنا او اسبيرانزا او كورولا يتشقلب بيها و عضمو يتكسر من عدم وجود عوامل الأمان و يرتاح و يريحنا ربنا يحفظ و يهدي علشان دماغ الناس بقت صعبة اوي اليومين دول

+1111111

**ahmadmidop** · 03-01-2010 09:40 PM

المشاركة الأصلية كتبت بواسطة sarawe511

موضوع تحفة بجد

شكرا

**ahmadmidop** · 04-01-2010 12:44 AM

المشاركة الأصلية كتبت بواسطة Moe86

البونتو ال8 صباب 60 حصان مش 50
و رغم ان السرعة القصوى 155 , الا انها جابت معايا 165 كذا مرة لما يبقى الطريق مرصوف حلو و مافيش رياح
حاعمل تقرير عنها لما أصلحها تماما ان شاء الله

شكرا على التصحيح