اليابانيات, لماذا هن سيئات؟

**Sharky** · 08-12-2007 08:12 PM

المشاركة الأصلية كتبت بواسطة PRO-DRIVE

يا رااااجل شووف حتي الجرايد الامريكيه اتكلمت علي الموضوع :d:d:d

إيه دا دا إحنا بقينا منتدى عالمى :D

جبتها إزاى دى يا أحمد ؟؟؟؟؟؟

أنا رأى الشخصى فى الموضوع دا السيارات اليابانية ليها وجود و حضور قوى فى معظم أسواق العالم و الإعتمادية بتاعتها كبيرة لكن فى نفس الوقت لو حتقارن بالسيارات الاوربية فى رأى إن الأوربى تتفوق عليها و خاصة فى فئة السيارات العائلية الصغيرة اللى السيارات الاوربية مخليه فيها تكنولوجيا حديثة ما شوفنهاش غير فى الكرولا مؤخرا( و برضه ما نزلتش بكل التكنولوجيا اللى فى الأوربى فى فئتها ) فى مقابل إنها موجود فى السيارات الاوربى من 5 سنوات على الأقل و دا اللى مخلى اليابانى متفوق على الأوربى فى الإعتمادية و لإرتفاع اليورو المستمر اللى أدا إلى إرتفاع إسعار قطع الغيار السيارات الاوربى بالمقارنة باليابانى لكن لو بالمقارنة بالأمريكى علشان نكون واقعين إحنا فى مصر معنديناش سيارات أمريكى علشان نقول عن تجربة أيهما احسن و فى نفس الوقت تقريبا ما فيش امريكى فى فئة الأكثر إنتشارا فى مصر و هى فئة العائلية الصغيرة غير الأوبتر و الافيو و دول يعتبروا كورى الأصل مش أمريكى

لكن أنا رأى الشخصى بفضل الأوربى ثم اليابانى ثم الأمريكى

**Abu Aly** · 08-12-2007 09:37 PM

المشاركة الأصلية كتبت بواسطة PRO-DRIVE

^^^ كل واحد حر يحب الشركه االي عاوزها مدام مضرش اي حد !!!!

ولا كمان حتفرضوا علي الناس تحب ايه ؟؟

تمام كده .. انا Pro لرأيك ده .. بس المشكله ان حبابينا بتوع اليابان ميحبوش حد يقول اى ملاحظه سلبية على اليابانى .. و الموضوع ده
بتاع فادى خير مثال ! .. تحب اقول لك مثل تانى ؟؟ .... Once upon a time ..
كان فى مره عضو بالمنتدى اسمه المهندس حسام منير .. الراجل الطيب ده مجرد انه قال ان الكورى اصبح فى مستوى اليابانى انفتحت
عليه كل الاسلحة : رشاشات - كلاشنكوف - قنابل نابلم نازلة من قاذفات F16 - مدافع هاون - مدرعات - قاذفات صواريخ و كل اللى قلبك يحبه .. و على شرط الراجل ما قلش حتى ان اليابانى و حش .. ده قال ان الكورى تتطور و اصبح حلو زى اليابانى ..!!!!
انا برضه بحب اليابانى بس مش هيمان لدرجة انى مشفش ان فى حاجات تانية حلوه غير اليابانى و احيانا تتفوق عليه .. لكن على كل الاحوال
نرفع لليابان القبعة ... يا ريت نبقى ربعهم .. بس محدش كمان يفرض على الجميع انه لازم يحب العربيات اليابانى مش كده و الا ايه يا سيد برو ؟

السيد ابو على
نفس التحذير عاليه
وانت كدة بتعرض نفسك للانذار المشدد لتكرار الخطأ
الادارة

**PRO-DRIVE** · 08-12-2007 10:54 PM

^^^^

استاذ ابو علي قووول زي ما انت عاوز ملاحظات سلبيه علي اليابانا علي اسيا كلها لو تحب و برضه لمحبين الياباني حق الرد انهم مش يعيبوا في شخصك انت اكيد مش من حق حد :)
لكن ليهم برضه حق مناقشتك في رآيك بالدلائل او او او او
و الا احنا هنا في منتدي ليه ؟

: رشاشات - كلاشنكوف - قنابل نابلم نازلة من قاذفات F16 - مدافع هاون - مدرعات - قاذفات صواريخ و كل اللى قلبك يحبه .. و على شرط الراجل ما قلش حتى ان اليابانى و حش .. ده قال ان الكورى تتطور و اصبح حلو زى اليابانى ..!!!!

ايه يا عم كل الحرووب دي هههههه
بس اذا رجعت للموضوع حتلاقي اي اهانه لشخص الاستاذ ؟
اذا كان في اخطاء تجاهه فدي اللي ممكن نعترض عليها اساسا
لكن اني اناقشه في رآيه و اثبت و اجيب براهين من كل مكان علي كل اطراف النقاش هنا بيحلو النقاش لكن المشكله ان الناس بتتعصب اوي اذا حد قال ناقش حد في رآيه

انا برضه بحب اليابانى بس مش هيمان لدرجة انى مشفش ان فى حاجات تانية حلوه غير اليابانى و احيانا تتفوق عليه

انا زيك بالظبط لاني اوروبي الاصل في السيارات هههههههههه
بس هنا في موقع اني لازم ادافع عن الياباني

و اكييييد محدش يقدر يجبر اي حد علي اي شئ الا بالاقناع :)

**ADIPROVISTA** · 21-03-2010 02:48 AM

انا عن نفسى مقتنع جدا بجوده اليابانى
عن تجربه للهوندا والتيوتا
ده انا كان معايا عربيه سيفيك موديل 85
ولحد ما بعتها من سنه ونص كانت بحاله ممتازه
برغم الاستعمال القاسى جدا
وبعتها لواحد صاحبى وهى معاه زى الفل
يا جماعه ده ماتورها معمرش لحد النهارده
ومازلت تتسارع وتجرى وبتجيب من صفر لميه فى 14 ثانيه
بصراحه مواتير الهوندا رهيبه فى الجوده والقوه
وانا معايا حاليا سيفيك 98 ماشاء الله ممتازه وبقالها 12 سنه
وما بتسهلكش غير الصيانات العاديه فقط
ومعايا تيوتا هاى لوكس فى الشغل ماشاء الله على القوه والتحمل
وما بستهلكش غير الصيانات العاديه
فانا مجرب 3 عربيات يابانى ما فيش حاجه زعلتنى منهم ابدا
جوده واعتماديه وقوه ايه حاعوز ايه تانى
يا جماعه ده احنا عندنا كاسيت يابانى من سنه 82 ولسه شغال
وتلاجه من سنه 85 وماشاء الله فل
حتى لو باظو النهارده كتر خير الدنيا وشكرا اوى لليابانين على اتقان عملهم
وياريتنا نتعلم منهم حب العمل واتقانه
بدل ما بندور على الاجازات ومعاد الانصراف
وبخصوص الموضوع ده انا مره منة حوالى 15 سنه شوفت فى الاخبار
ان الموظفين فى مصنع ما فى اليابان مش عاوزين يخدو الاجازه السنويه بتعاتهم واداره المصنع شايفه ان من مصلحه الانتاج انهم يجدوا اجازات
لتجديد النشاط
المهم بالتعاون مع الشرطه خادوهم بالقطر وسفروهم ياخدو اجازه بالعافيه
والله انا ما صدقتش لولا انى شايف بعينى وكان فى احداث 24 ساعه
وبعدين تقولو مش عارف محركات طنانه و تقفيل مش عارف ايه
محركات ايه اللى طنانه ده انا ركبت حوالى 10 ماركات مختلفه من السيارات ما لاقيتش ماتور ناعم زى اليابانى وبذات التيوتا والهوندا
مش معنى كده انى مش موهوم بالالمانى وجودته وقوته
والاوروبى بجماله و عصريته
والامريكى بقوته ورفاهيته
بس اليابانى رائع جدا لجودته واعتماديته

**ramyr** · 27-04-2010 01:45 PM

subaru no.1 in rally racing

**ahmedegypt** · 20-05-2010 03:34 AM

ان فاتك اليابانى دواسته مش هترجع تانى

هههههههه

**John_Samy_1** · 20-05-2010 11:34 AM

المشاركة الأصلية كتبت بواسطة أبو عبدالله

برضه محدش جاوبني على سؤالي ممكن حد يذكرلي ماركة عربيات لها في الفئات الخمس التي ذكرتهم عربيات لها اسم عالمي وكبير في السوق ولهم مكانه عند المستهلك
الجيب والنقل والأتوبس والميكروباص والسيدان زي تويوتا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

أنا بس برد على السؤال
شيفروليه (بتنافس سعريا عشان ابتديت تصنع في كوريا), فولكس واجن, مارسيدس (ترلات كمان), رينو, بيجو, فولفو (بتعمل أتوبيسات) بس احنا مش بنسمع عن الحاجات ديه هنا عشان سعرها مش منافس.
وال تخصص دليل الجودة مش العكس. يعني أحسن أشتري 4X4 من لاند روفر, وSuper Car من فراري لو ماعيا

.

**SAMEH_FOUAD** · 03-12-2012 12:18 PM

ياة انا اول مرة اشوف الموضوع انا لو كنت شوفتة , صدقونى كان جاب 300 صفحة

مع الاحترام لجميع الاراء اليابانى بيحقق كل شىء , مواتير ناعمة - استهلاك بنزين قليل - قوة عالية من الاحصنة والعزم - تسارع ممتاز - مواتير عديدة - اوبشن كتير - قليلة الاعطال - مواصفات امان - رحابة - مساحة تحميل واسعة - خطوط انسيابية - ثبات عالى جدا - قطع غيار بتعيش وتعيش وتعيش - سهولة الصيانة - قطع غيار مش غالية - سعر اعادة بيع - قوة اعتمادية )

كل دة اليابانى فى سطور ومن مالكية وغير مالكية

وفقا بقى للتقارير اكبر ثلاث شركات فى العالم اقل اعطالا حسب الترتيب ( lexus - honda - toyota ) تركبهم ماتسألش فى قطع غيار يامعلم

**Ahmed salamaa** · 05-12-2012 03:01 AM

من خلال تجربتي شخصيا مع اليباني انعم مواتير سوقتها في حياتي و قمة في الاستحمال و الثبات و خاماتها نضيفة جدا و بالنسبة لصاحب الموضوع انة بيقول اليابان زمان كانت بتضحك علي الناس و مواتيرها وحشة و خامتها اي كلام احب اقولك انا معايا مازدا 929 موديل 78 عربية مصنوعة بقالها 35 سنة شغل شاق و حمالة قاسية بطريقة فظيعة و خامتها من افضل ما يكون و الا مكنتش تستحمل 35 سنة زي ما هي محصلهاش حاجة دية بالنسبة للخمات بالنسبة للمواتير و هي احسن حاجة فيها يا ريت تجبلي ماتور بقالو 35 سنة متعملووش عمرة لحد دلوقتي غير اني كل يوم رايح جاي بيها علي الطريق السريع و بجيب بيها 180 و تسارع ممتاز و ثبات فوق الوصف لدرجة اللي راكب عربيات جديدة بيبصلي با استغراب اوي وانا معدي من جنبه دية حاجة اليابان عاملالها من 35 سنة ولسة لحد دلوقتي في ناظري احسن من الجديد و بقالها 17 سنة معانا دلوقتي فحت وردم ووالدي يوم اما راكنها و انا خدتها جاب تويوتا كورولا 95 و بجد انعم عربية سوقتها ووسع وراحة في السفر و تكييف تلاجة و ثبات فياريت تاخد بال حضرتك انك ببتتكلم عن ماركات ليها اسمها عالميا