الموضوع: هل السيارات الياباني سيئة ؟؟ استطلاع للرأي

المشاركة الأصلية كتبت بواسطة mmffor

يا شباب انا ارفع قبعتي تحية لكم و أؤكد لكم ان سيارات فولكس فاجن جولف من افضل السيارات في فئتها و تنافس البي ام الفئه الاولى و الاودي 3 و الميني كوبر جيمس كوبر ديزاين

المشاركة الأصلية كتبت بواسطة ahmedsadek82

(1) قاعدة عامة في عالم السيارات:الغالي ثمنه فيه ,مافيش عربية غالية عالفاضي والا عمرها ماهاتبيع في اي حتة في العالم, اما اللي مش عارف هي غالية ليه ,فده مشكلته كبيرة لازم يعالجها بالبحث و القراءة و الكلام مع الاكثر خبرة ,

(2) قاعدة اهم : على قد لحافك مد رجليك, مش معنى اني امكانياتي تجبلي عربية ب120000 مثلا انها لازم تكون ملكة جمال الكون , الناس اللي كانت بتجادل لو ميزانية شرائهم للعربية وصلت 300000 مثلا حانسمع كلام عن انهي احلى ال بي ام ولا مرسيدس و طبعا حينسوا الماركات ال low end اللي زي النيسان و خلافه. للأسف دي حقيقة صعب الاعتراف بيها اسمها رفض الواقع

exactly

المشاركة الأصلية كتبت بواسطة mmffor

في الامارات انا كنت بشوف الاماراتي بيفضل انوا يشتري الليكزس و ميشتريش المرسيدس! والله الفولكسفاجن اللي كنت بشوفها هناك بس كانت التواريج

ما هي اللكزس عربية محترمة ,و كمان سوقها كويس جدا في الخليج , مش معنى كده انها الاحسن , بس عربية محترمة جدا , عربيات vw بالنسبة لهم صغيرة , عشان كده انت بتشوف التوارج اكتر , في حاجة في علم التسويق اسمها "المفاهيم" ,بتقولك ان لكل سوق مفاهيم عند الناس هي اللي بتحكم مبيعات نوع عن نوع او ماركة عن ماركة ,مثلا في مصر مفهوم قديم و متوارث عند الناس ان العربية الفخمة يعني مرسيدس و بس , برغم ان ممكن ماركات زي بي ام و اودي ساعات كتير بتكون احسن لاكن مش ممكن تبيع زي مرسيدس , المشتري في الحالة دي مش بيروح للاحسن و لكن بيروح للي مفهوم المجتمع بتاعه رايحله , مثال ثاني : كنت في انجلترا و لاحظت انتشار الاودي ثم البي ام بشكل كبير جدا و تقريبا ماشوفتش مرسيدس , فسألت اكتر من شخص :فين المرسيدس في البلد دي ,قاللك اصل المرسيدس دي عرابية الهنود (الجالية الهندية المنتشرة في انجلترا) , واحد تاني سواق تاكسي ليموزين كان معاه اودي6 قاللي الاودي6 اوسع و اريح من العيون , و دي حقيقة على فكرة , بس قلت لنفسي ده لو قال الكلمتين دول في مصر حيقولو عاليه مجنون.شفت اختلاف المفاهيم من بلد لبلد ,برغم ان مرسيدس و اودي الاتنين محترمين و الفرقات بينهم بسيطة لكن الفكر العام هنا عكس هناك . اللي بيفكر في العربية بالورقة و القلم و العلم بعيد عن القوالب الفكرية الجاهزة هم قلة في كل حتة.

المشتري في الحالة دي مش بيروح للاحسن و لكن بيروح للي مفهوم المجتمع بتاعه رايحله

(y) (y) فعلا فعلا ... انا لما جبت السوبارو كانت مستعمله .. كله كان بيقولي طيب ليه جبت الماركه دي جيب مثلا النترا ولا حاجه احسن في نفس السعر الاول كنت بعقد اشرح المميزات بس بعد كده بقيت ابص و اققول الحمدلله و خلاص .... اللي هو دليل رسمي لعدم معرفه الناس للي محتاجينه فقط بيجروا ورا الاسماء المعروفه ( في البلد ) ..

بس انا برده شايف ان السبب الرئيسي لمبيعات الياباني في مصر هو السعر .. لان لو احنا مافيش جمارك في مصر هايبقي في نسبه اكير من الالماني و الامريكاني كمان .. اعتقد الكوري في مصر ممكن يقل النصف مثلا .. لان الناس عارفه و مقتنعه ان الالماني افضل و ان الياباني يجي في المرتبه التانيه ..

قاعدة اهم : على قد لحافك مد رجليك, مش معنى اني امكانياتي تجبلي عربية ب120000 مثلا انها لازم تكون ملكة جمال الكون , الناس اللي كانت بتجادل لو ميزانية شرائهم للعربية وصلت 300000 مثلا حانسمع كلام عن انهي احلى ال بي ام ولا مرسيدس و طبعا حينسوا الماركات ال low end اللي زي النيسان و خلافه. للأسف دي حقيقة صعب الاعتراف بيها اسمها رفض الواقع

بس انا بقي باتبع نظام علي قد فلوسك مد رجليك فعلا .. بشوف الميزانيه و علي اساسها بدور في العربيات اللي مناسبه للسعر و افاضل .. طلعت الماني .. ياباني .. كوري .. انشالله صيني .. بس فيها اللي انا عايزه و الجوده اللي انا عايزها هاشتريها .. عمري ما هاشتري البي ام عشات بي ام او الاودي عشان اودي .. حتي انت بتقول الغالي تمنه فيه يعني لو عربيه ياباني وصل سعرها 300000 الف هابقي متاكد انها تحفه بس المشكله زي ما بتقول في فكر الناس الي تستغرب جدا عربيه ياباني بالمبلغ ده حتي لو افضل 10 مرات من الالماني ..

المشاركة الأصلية كتبت بواسطة mmffor

حيوه حيوه, موتور ال TSI مافيش زيوه

الengine of the year awards هما اللي شايفين كده و بيدوله الجايزة من 2006 لحد النهارده مش اي حد فينا