رقم بيك السلانسية في 128

**misoalex** · 12-01-2010 04:18 PM

يا عم ميسو الله يكرمك
احنا بس مش عايزين نعقدكو
اخبار المووود اية اليومين دول

الحمد لله

**eslamspirit** · 14-01-2010 09:01 AM

طيب لو فيها غلاسة البيك اللي بيكون في شمال الكربراتير و هوة عبارة عن مسمار و فية ثقوب كدة ده بيك السلانسية و لا بيك البنزين؟؟
و مكان البيك التاني فين بالضبط ؟؟
و شكرا لكل الردود

**newhansol** · 15-01-2010 04:59 AM

اللى فى الصورة دة بيك السلانسية وبيك السرعة دة تقريبا جوة الكربراتير
وبيك السلانسية دة بيبقى حتتين يعنى لما تفكة ممكن مايطلعش كلة مرة واحدة وخلى بالك بيتفك الوش بتعاة بس وبيقت البيك بيبقى شابك جوة الحتة الى بيبات فيها وخلى بالك لو هاتلعة من مكانة لانة عامل زى عفريت العلبة اول لما تطلعة بيفط علطول وانسى انك تلاقية انا مرقت وقع منى على السريع وفى حتة ضلمة وقعدت احسس علية فى الارض انى الاقية انسى وفضلت ماسية وساندلها بنزين علشان لو شلت رجلك هاتبطل
المهم بالنسبة للبيك الى فى الناحية الشمال الى فية خروم كتيرة دة
انا مش عارف الصراحة حضرتك تقصد اية مفيش بيك فى الناحية دى وفية خروم ممكن حضرتك تصورة وتقولى قصدك اية بالظبط
وبالنسبة لطريقة ظبط بيك السلانسية المفروض ان البيك دة بيتقفل بطريقة بحيث انة مايدخلش بنزين زيادة للموتور ودة بيبان لما تحركة وتبص جوة الكربراتير من عند البوابة كدة تلاقى البوابة الى جوة المنفول معرقة بنزين وبتفضل تفتح فية سنة سنة يكاد يكون ملى واحد بس مش جامد يعنى لحد ماتلاقى العربية اتظبطط ومفيش بنزين بعرق على البوابة بتاعة المانفول لان لو مش مظبوط العربية هاتاكل بنزين كتير
وساعات برضة الصنيعية تلاقيهم لفين على البيك من برة تخشينة بفتلة تخينة علشان يعمل مشوار فى ظبطة البيك يعنى يقدر يكبر المسافى الى بيظبط فيها لفة البيك
طبعا افتكاسات الصنيعية على الرغم من انها بتنجح الفكرة دى بس طبعا بعد فترة البيك ممكن يفتح تانى وبكدة سياتك تروح تكع عشرة جنية علشان سعادتة الباشا المهندس الدكتور الميكانيكى يظبطلك البيك
وكمان لزيادة المعلمة والحرفنة تلاقية معلملك بالمفك فى جسم الكربراتير على شكل شرطة كدة قدام الحتة الى مسمار البيك واقف عليها علشان تبقى زى دليل كدة يظبط علية
مش بقولك باشموهندس دكتور
قال يعنى الخواجة ابن التيييييت مش لاقيلها حل وسابنا احنا نعدل علية
يار ب اكون وصلت المعلومة الى عندى لحضرتك ونصيحة من اخوك الصغير لو مبتعرفش او هاتوه فى موضوع البيكات دة يبقى ماتلعبش فيها وخلى الصنيعى يظبطهالك وخلاص بس اهية معلومة حضرتك عرفتها وخلاص

**misoalex** · 16-01-2010 01:54 AM

المشاركة الأصلية كتبت بواسطة newhansol

اللى فى الصورة دة بيك السلانسية وبيك السرعة دة تقريبا جوة الكربراتير
وبيك السلانسية دة بيبقى حتتين يعنى لما تفكة ممكن مايطلعش كلة مرة واحدة وخلى بالك بيتفك الوش بتعاة بس وبيقت البيك بيبقى شابك جوة الحتة الى بيبات فيها وخلى بالك لو هاتلعة من مكانة لانة عامل زى عفريت العلبة اول لما تطلعة بيفط علطول وانسى انك تلاقية انا مرقت وقع منى على السريع وفى حتة ضلمة وقعدت احسس علية فى الارض انى الاقية انسى وفضلت ماسية وساندلها بنزين علشان لو شلت رجلك هاتبطل
المهم بالنسبة للبيك الى فى الناحية الشمال الى فية خروم كتيرة دة
انا مش عارف الصراحة حضرتك تقصد اية مفيش بيك فى الناحية دى وفية خروم ممكن حضرتك تصورة وتقولى قصدك اية بالظبط
وبالنسبة لطريقة ظبط بيك السلانسية المفروض ان البيك دة بيتقفل بطريقة بحيث انة مايدخلش بنزين زيادة للموتور ودة بيبان لما تحركة وتبص جوة الكربراتير من عند البوابة كدة تلاقى البوابة الى جوة المنفول معرقة بنزين وبتفضل تفتح فية سنة سنة يكاد يكون ملى واحد بس مش جامد يعنى لحد ماتلاقى العربية اتظبطط ومفيش بنزين بعرق على البوابة بتاعة المانفول لان لو مش مظبوط العربية هاتاكل بنزين كتير
وساعات برضة الصنيعية تلاقيهم لفين على البيك من برة تخشينة بفتلة تخينة علشان يعمل مشوار فى ظبطة البيك يعنى يقدر يكبر المسافى الى بيظبط فيها لفة البيك
طبعا افتكاسات الصنيعية على الرغم من انها بتنجح الفكرة دى بس طبعا بعد فترة البيك ممكن يفتح تانى وبكدة سياتك تروح تكع عشرة جنية علشان سعادتة الباشا المهندس الدكتور الميكانيكى يظبطلك البيك
وكمان لزيادة المعلمة والحرفنة تلاقية معلملك بالمفك فى جسم الكربراتير على شكل شرطة كدة قدام الحتة الى مسمار البيك واقف عليها علشان تبقى زى دليل كدة يظبط علية
مش بقولك باشموهندس دكتور
قال يعنى الخواجة ابن التيييييت مش لاقيلها حل وسابنا احنا نعدل علية
يار ب اكون وصلت المعلومة الى عندى لحضرتك ونصيحة من اخوك الصغير لو مبتعرفش او هاتوه فى موضوع البيكات دة يبقى ماتلعبش فيها وخلى الصنيعى يظبطهالك وخلاص بس اهية معلومة حضرتك عرفتها وخلاص

يا عصام انت كده حتعقدنى
انت عرفت الكلام ده منين انا عاوز افك الكربراتير وخايف ارجعه تانى العربيه متدورش
انا كنت فى السيات فاهم شويه فى موضوع الكربراتير وظبط السلانسيه انما فى 128 مش عارف حاجه وخايف ابوظ الكربراتير
والعربيه عندى بتستهلك بنزين

**newhansol** · 16-01-2010 03:36 AM

يا ميسو دى حاجات بسيطة انا كنت عامل زيك كدة خايف افك بس ضربو الاعور وانت فاهم بقى
انا بس الى فاضلى شوية عدة محترمة وافك المكنة واعمرها بنفسى بس دة ينطبق بس على ال28 غير كدة انا مبحبش ابوظ حاجة معرفهاش
وبعدين يا ريس انا باذن الله هاجيلك فى يوم ونظبط الكلام دة كلة بس اخلص بس الى ورايا اليومين دول وافضالك

**misoalex** · 16-01-2010 03:57 AM

يا ميسو دى حاجات بسيطة انا كنت عامل زيك كدة خايف افك بس ضربو الاعور وانت فاهم بقى
انا بس الى فاضلى شوية عدة محترمة وافك المكنة واعمرها بنفسى بس دة ينطبق بس على ال28 غير كدة انا مبحبش ابوظ حاجة معرفهاش
وبعدين يا ريس انا باذن الله هاجيلك فى يوم ونظبط الكلام دة كلة بس اخلص بس الى ورايا اليومين دول وافضالك

فى انتظارك والله مستنيك ولازم اشوفك يا معلم

**eslamspirit** · 16-01-2010 08:55 AM

شكرا جدا للاخوة الافاضل اللي ردوا
و خصوصا الاخ عصام
و ان شاء الله حفك الكربراتير و يا رب اعرف اركبة تاني

**misoalex** · 16-01-2010 04:07 PM

شكرا جدا للاخوة الافاضل اللي ردوا
و خصوصا الاخ عصام
و ان شاء الله حفك الكربراتير و يا رب اعرف اركبة تاني

يارب تعرف تركبه تانى عشان تشجعنى وتقولى عملته ازاااااى

**eslamspirit** · 17-01-2010 08:54 AM

العملية بتاعت فك الكربراتير دي لاقيتها صعب جدا و انا مبحبش ابوظ حاجة بصراحة
بس انا لاقيت البيك بتاع السلانسية
و المفاجاة
البيك كان مطين و منيل بستين نيلة
المهم نظفت البيك بالجاز و بعدين سلكتة بشعرة سلك رفيعه جدا
و ركبتة
و العربية اداءها اتحسن كتيييير في السلانسية و بطلت ترعش
العملية سهلة
و شكرا تاني لكل الاعضاء اللي شاركوا

**smsm_cato** · 17-01-2010 09:14 AM

انا مش عارف يا جماعة انتوا ليه عايزين تفكوا الكاربيتير ده مبيتفكش الا لما تكون عايز تنظفة كله وتعملة صيانة انما موضوع بيك السلانسية كفاية اوى انك تشيل العمة وهيبقى باين قدامك جدا وتظبطة زى مانت عايز ولما تتعود علية هتقدر تظبطة كمان من غير ما تشيل العمة انا بعمل كده سواء اذا كان فى بيك السلانسية او مسمار الهوا بتاع التعلية والتوطية

الموضوع: رقم بيك السلانسية في 128

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

تقطيعة فى السلانسية

عاوز اعرف ظبط السلانسية عن طريق مسمار السلانسية

بيك السلانسية

السلانسية

بيك السلانسية في 127

الكلمات الدلالية لهذا الموضوع

المفضلات

المفضلات

ضوابط المشاركة