رقم بيك السلانسية في 128

**newhansol** · 17-01-2010 02:33 PM

انا مبقلش لحد يفك حاجة يا جماعة بس انا كنت بوضح ازاى تفك الكربراتير مش معنى كدة انك تقوم تفكة وخلاص هية مش لعبة انا قصدى تبقى عارف الدنيا ماشية ازاى ولما تبقى فاضى والغزالة رايقة وعندك وقت وعايز تعمل شوية نظافة غير عادية يبقى تفك الكربراتير وتنضفة وابسط حاجة هاقولهالك لما تبقى تفتحة ابقى بص على الغرفة الى فيها العوامى واتفرج على الطييين الى راقد تحت قرب البيك الى فى اخر الغرفة دى

ومرة تانية بقول دى مش دعوة للفك وخلاص بس فى ناس هنا مابتعرفش حتى تظبط الهوا ولا بيك السلانسية زى ما حضرتك بتعمل

انت بتعرف تعملهم وتظبط العربية يبقى برافو عليك لان العربيات القديمة دى بتحتاج ظبط كل شوية

انما شوفت بقى بيقولك فتح بيك السلانسية لاقاة كلة طين من جوة سلكة وحطة تانى بقيت اخر حلاوة

اصل هوة احنا كدة يانبقى مسلمين دقننا لبتوع الميكانيكا والكهربا ولو عايز تعرف حاجة يقولك مش هاتعرف يا استاذ خليك انت بس فى الطارة والغيارات

بس بنقول لا لازم نبقى عارفين الدنيا ماشة ازاى هية مش زيرو راكبينها وبننزل ندور الصبح ونمشى دى عربيات بقالها كتر من 25 سنة شغالة وبتعملها فى اى حتة

**misoalex** · 18-01-2010 12:21 AM

وبتعملها فى اى حتة

هههههههههههههههههه
حلوه بتعملها فى اى حته دى يا عصام ههههههههههههههه
بس انت كل كلامك صح العربيه ممكن تعمل اى دقه نقص فلازم نبقى مستعدين وعارفين حنهمل ايه
وبعدين انت كتر الف خيرك انك شرحت وعملت الى عليك والى عاوز يفك يستحمل هو وهو مفيش حد حيتعلم من اول مره
والى خايف يفك يبقى كده فهم وهو واقف على ايد الصنايعى يبقى فاهم

**newhansol** · 18-01-2010 02:10 AM

الله يكرمك يا استاذ خميس

بس والله انا غرضى الاساسى اننا نفهم العالم ولا التيييييييت دول بيعملو اية
هاقولك حاجة تجربة قريب حصلت معايا
صاحبى الى معاة اللانوس
جالى قالى الحق فى بخار مية طالع من فتحات التطييف
قلتلة اكيد سربنتينة السخن بتسرب جوة الطابلوة علشان كدة بتطلع بخار عليك شكلها كان عامل كانك بتغلى مية فى الراد بتاع الشاى والبخار بيطلع من البوز بتاعه البراد
المهم
قلتلة بسيطة هاتفك واحدة من خرطوم الى جايب المية السخنة وترجعة على الداخل بتاع المكنة او العكس علشان تلغى الدايرة بتاة السخن لاننا مش بنستعملها
بس بصراحة والله يا ميسو خوفت على العربية من ايدى لان دى مهمن كانت برضو دايو مش 28 ومعرفش فيها قوى بس السيستم واحد
طب يالة اعملها هات العدة واشتغل يا عبقرينو
قلتلة لا وديها للمكانيكى يعملهالك انا مش عارف الخراطيم دى رايحة على فين
والافايز بتاعتها الى رايحة على السربنتينة مش باينى من حوض العربية
طب رحنا للباشموهندس الدكتور العالم الفذ الميكانيكى
ايوة يا ريس ارعلى العربية يابنى وحللى الخرطومين دول
معلش معاكش كشاف فى الموبيل بتاعك
طيب خد اهة حط الموبيل فى بوءة (الله يقرفة ) وبينور بية قلت ماشى علشان خاطر صاحبى مش مشكلة فى داهية ميت موبيل
المهم عملها وفى الاخر شال خرطوم واحد وخدة عندة الورشة والتانى تناة ورجعة على الداخل بتاع المكنة وربط وتمام
ببص كدة على الفتحات بتاعة الرسبنتينة الاقيها عريانة وبتنقط مية
طب هوة محطش الحتة التانية لية وعملها على شكل حرف يو وقفل دايرة السربنتينة بقولة يابنى هوة سايبهالك لية كدة
طب كلمة قالة عادى مش هايحصلها حاجة قلتلة لا هايخش فيها ميت شتا وتصدى وتحدف مية فى الدواسة راح الميكانيكى قالة خلاص روح هاتلى طبتين مية
راح جاب وبعدين حطهم كدة وخلاص
بقولة انت لية مجبتش الحتة الى انت خلعتها وركبتها مكان الطبتين دول
لالا اصلها طويلة قوى وكانت هاتحك فى دراع الفتيس
طب يا عم الحاج ماتقصها وتعملها كدة حرف يو
طبعا مردش وقالك اية العيل الخنيق دة ولاقيتة بيبصلى من فوق لتحت

الخلاصة من الموضوع انك تبقى عارف الدنيا فيها اية وميفكش مسمار من حتة ويركبة فى حتة تانية علشان يريح دماغة لانهم 99% منهم بيقولك هايرجعلى تانى وخليك فاكر الكلمة دى هايرجعلى تانى ولو هوة عمل الحاجة بضمير اكيد برضة بعد فترة هاتبقى فى جديد يعنى رزق تانى ودة طبيعة البلد الارض مدغدغة والطين والشتا واكيد اجدع عربية هاتعطل فى يوم من الايام

بس تقول اية بقى حسبى الله ونعم الوكيل فى كل واحد بيشتغل ومبيعملش شغلة بضمير

علشان كدة دايما تلاقيم مخنوقين ويقولك الحال زفت وطين وشغلانة مؤرفة والرزق قليل مع ان سعادتة الباشا حططة ايدة بس على العربية عشرة جنية شوف بقى بيحط ايدة على كام عربية فى اليوم بس علشان مبيحمدش ربنا وبيشتغل بضمير مهما يكسب ولا بيحس بالفلوس

**misoalex** · 18-01-2010 03:59 AM

فعلا عندك حق فى كلامك

**smsm_cato** · 18-01-2010 08:59 AM

المشاركة الأصلية كتبت بواسطة newhansol

بس تقول اية بقى حسبى الله ونعم الوكيل فى كل واحد بيشتغل ومبيعملش شغلة بضمير

علشان كدة دايما تلاقيم مخنوقين ويقولك الحال زفت وطين وشغلانة مؤرفة والرزق قليل مع ان سعادتة الباشا حططة ايدة بس على العربية عشرة جنية شوف بقى بيحط ايدة على كام عربية فى اليوم بس علشان مبيحمدش ربنا وبيشتغل بضمير مهما يكسب ولا بيحس بالفلوس

فعلا عندك حق والله بس انا الحمد لله من يوم ماجبت العربية وانا اى حاجة بحتاج اروح فيها للمكانيكى بروح اعملها وبفضل واقف معاه مع انى ببقى لسه راجع من الشغل علية علطول علشان بطلع بدرى يقولى روح اتغدى وتعلالى علشان متضيعش وقتك وتستريح شوية اقوله لأ متقلقش مش ورايا حاجة ولما يجى يقولى عايزين كذا( يعنى قطعة غيار معينة ) اقولة ليه يقولى مش هتفهم اقولة وانا كمان مينفعش اجيب حاجة جديدة وانا مش عارف القديمة فيها ايه وفضلت على الحال ده لغاية لما عرفت كل حاجة وبقيت بظبط الهوا وبيك السلانسية لوحدى وبظبط كهربا الاسبراتير وبقيت عارف دورة تشغيل العربية كلها وفايدة كل جزء حتى جوة الموتور وده بفضل ربنا سبحانه وتعالى وبقيت وانا راكب العربية وقت ما احس بحاجة او اسمع حاجة اعرف السبب ايه وانزل اعملة ومعايا عدتى كاملة حتى وير السرعة لما كان بيفصل زمان كنت افكة واظبطة واشغلة ودى احلى حاجة تستفاد منها فى ركوب المستعمل انها بتعلمك كل حاجة غصب عنك غير الجديد اعطالة قليلة جدا فعمرك ما هتتعلم اهو كده والحمد لله لما ربنا يكرم الواحد فى يوم من الايام بجديد هيبقى عارف هو راكب ايه وميخفش من عطلة الطريق بإذن الله

**misoalex** · 19-01-2010 02:58 AM

فعلا عندك حق والله بس انا الحمد لله من يوم ماجبت العربية وانا اى حاجة بحتاج اروح فيها للمكانيكى بروح اعملها وبفضل واقف معاه مع انى ببقى لسه راجع من الشغل علية علطول علشان بطلع بدرى يقولى روح اتغدى وتعلالى علشان متضيعش وقتك وتستريح شوية اقوله لأ متقلقش مش ورايا حاجة ولما يجى يقولى عايزين كذا( يعنى قطعة غيار معينة ) اقولة ليه يقولى مش هتفهم:i_angr1[1]: اقولة وانا كمان مينفعش اجيب حاجة جديدة وانا مش عارف القديمة فيها ايه وفضلت على الحال ده لغاية لما عرفت كل حاجة وبقيت بظبط الهوا وبيك السلانسية لوحدى وبظبط كهربا الاسبراتير وبقيت عارف دورة تشغيل العربية كلها وفايدة كل جزء حتى جوة الموتور وده بفضل ربنا سبحانه وتعالى وبقيت وانا راكب العربية وقت ما احس بحاجة او اسمع حاجة اعرف السبب ايه وانزل اعملة ومعايا عدتى كاملة حتى وير السرعة لما كان بيفصل زمان كنت افكة واظبطة واشغلة ودى احلى حاجة تستفاد منها فى ركوب المستعمل انها بتعلمك كل حاجة غصب عنك غير الجديد اعطالة قليلة جدا فعمرك ما هتتعلم اهو كده والحمد لله لما ربنا يكرم الواحد فى يوم من الايام بجديد هيبقى عارف هو راكب ايه وميخفش من عطلة الطريق بإذن الله

هههههههههه
القديم بيعلمنا الادب

الموضوع: رقم بيك السلانسية في 128

LinkBack

أدوات الموضوع

عرض

-

-

-

-

-

-

المواضيع المتشابهه

تقطيعة فى السلانسية

عاوز اعرف ظبط السلانسية عن طريق مسمار السلانسية

بيك السلانسية

السلانسية

بيك السلانسية في 127

الكلمات الدلالية لهذا الموضوع

المفضلات

المفضلات

ضوابط المشاركة