الموضوع: استطلاع:تعرف نوع التعليق الخلفى لسيارتك؟

المشاركة الأصلية كتبت بواسطة esamghanayem

من غير متجيبلى لينكات لو بصيت تحت العربيه هتلاقى عمود حديد ثابت موصل بين الفردتين يعنى الفردتين بيتحركو مع بعض واظن ان ده السبب ان لما باخد ملف وجت ظلطه او مطب تحت عجله ورا بلاقى العربيه عومت بطريقه ملحوظه

تقبل تحياتى انا ايضا وصدقنى انا مكنش قصدى المجادله وخلاص لانى بعيد كل البعد عن النوعيه المجادله دى انا كنت عايز استفيد من معلوماتك اكتر وافهم حاجه مبهمه بالنسبالى

سؤال بقى على الماشى
اذاى عمود التوائى وان شايفه عمود صلب ماسك بين الفردتين وخلاص
.

===================================
انا واثق انك مش مجادل بس حسيت ان كلامى ممكن يتفهم غلط فحبيت اوضح
بالنسبة للعود الالتوائى هو فعلا صلب لكن مش قاسى ومصمت والا كان دنجل عربية نقل ولكن هو عمود مزدوج مربوط من النص على هيئة قضيبين بيحصلهم برم او فتل او لوى على مستوى القضيب من النص او عند الاطراف ناحية العجل بيكون فيه عمودين صغيرين واحد ناحية كل عجلة بيكونوا شكل H نائم ومريح عليهم المساعدين واليايات واحد قدام وواحد ورا او فى الخلف وبيكون غالبا المساعد وفى حال انضغاط السلعد بيضغط على القاعدة او العمود الافقى القصير لاسفل ولكن هذه الحركة السفلية لاتنتقل كليا الى الطرف الاخر ولذلك سمى نظام تعليق شبه مستقل والصور اللى فى المشاركة 43 و44 هتوضح كلامى وياريت تبص على الصور دى كمان
AutoZine Technical School - Suspension

المشاركة الأصلية كتبت بواسطة harmhanz

طب ممكن حضرتك تعرفنى شوية عن الموضوع فى الكروز

-===============================
التعليق الخلفى زى معظم العربيات الجديدة الضغيرة tortion beam لكن النسخة الامريكى اللى هتنزل 2011 هتبقى تعليق مستقل وتم الكلام عن هذة السيارة بالتفصيل فى مشاركة سابقة لو سمحت ممكن ترجع لورا شوىة فى الموضوع

المشاركة الأصلية كتبت بواسطة khaled ayman

التعليق الخاص بالفيكترا الجديده ..
اعتقد انه مستقل صح ؟؟
بس انا ليا سؤال ..
العربيه دى فى المطبات (االتكسير الى فى الشوراع يعنى كذا مكب ورا بعضه كده)العربيه بتتنطط بشكل متعب اوى و ناشف جدا ...او بمعنى اصح بتعد تميل يمين و شمال ...
يا ترى ده من ايه ؟؟
و احييك على الموضوع الجميل ..

--------------------------------------------------------------
صح مستقل
وكل اللى قلته عن العربية مظبوط -ودا السبب التانى لبيعها- فكانت المدام اما تركب جنبى فى طريق مدقدق تقوللى العربية دى احسن من الجمل ليه يامدام؟ الجمل بيهز الراكب قدام وورا بس لكن دى بتهز الراكب قدام وورا ويمين وشمال هههه ههه
اشكرك على التحية انت اللى جميل

المشاركة الأصلية كتبت بواسطة surgeon1

--------------------------------------------------------------
صح مستقل
وكل اللى قلته عن العربية مظبوط -ودا السبب التانى لبيعها- فكانت المدام اما تركب جنبى فى طريق مدقدق تقوللى العربية دى احسن من الجمل ليه يامدام؟ الجمل بيهز الراكب قدام وورا بس لكن دى بتهز الراكب قدام وورا ويمين وشمال هههه ههه
اشكرك على التحية انت اللى جميل

شكرا يا باشا ...
و على فكره والدى بيقول عليها جمل برده بس عشان نتشه الفتيس (لانه مش متعود عليه)..
بس هى والله عربيه عاجبانى جدا و مثل اى شىء ..لا تخلو من العيوب

المشاركة الأصلية كتبت بواسطة KHALED AYMAN

شكرا يا باشا ...
و على فكره والدى بيقول عليها جمل برده بس عشان نتشه الفتيس (لانه مش متعود عليه)..
بس هى والله عربيه عاجبانى جدا و مثل اى شىء ..لا تخلو من العيوب

=====================================
ربنا يباركلك فيها ويحفظك من كل سوء بس بلاش تهور فى السواقة ياخلوده واسمع كلام شادية -سوق على مهلك سوق بكرة الدنيا تروق

موضوع اكثر من رائع يا دكتور لك كل التقدير عليه

الموضوع ده شغل بالى فتره وكنت اقتنعت ان multi- link افضل من tortion beam على الطرق الغير ممهده ولكن الحقيقه كل عربيه بلاقى ليها حاله خاصه يعنى الكورولا مثلا بلاقيها مش بتنطط زى عربيات كتير فيها مالتى لينك وفى نفس الوقت انعم واثبت على الطرق الغير ممهده ..........طب ازاى وهى tortion beam
السيراتو فيها عفشة الكورولا ومع ذلك مختلفين عن بعض فى كل حاجه من التنطيط على المطبات الواضح فى السيراتو الى خشونة العفشه الى الاحساس بامكانيه السياره لان تخون السائق فى اى لحظه بانحراف مفاجىء غير متوقع عكس الكورولا لا تخون السائق الا اذا تعدى امكانياتها وحدودها
موضوع ان السياره تتقلب على 100 ده بصراحه اكيد فيه حاجه غلط فى السياره لان العربيه مش عاليه قوى لدرجه تتقلب على سرعه قليله زى دى ولانها خليجى من الممكن عدم توافر abs بها ومن الممكن ان يكون كان هناك عيب فنى او ميكانيكى فى السياره لانى فى مره كنت بالكورولا على 130 كم وفاجائتنى العربيه اللى قدامى بفرامل مفاجاه فضربت فرامل جامد وتفاديت السياره وكنت ساعتها على ملف الحمد لله طلعت من الموقف بامان ولكن العربيه عومت حاجه بسيطه كدا وبعدين لفيت الدريكسيون الناحيه التانيه توقعت ان العربيه هتلف حوالين نفسها ولكن الحمد لله العربيه مسارها اتعدل وحسيت ان تصرفها وكان فيها نظام الثبات الالكترونى ولكنها طبعا مفيهاش

وياريت حضرتك تكلمنا عن عفشة بى ام دبليو e90
واسف على الاطاله
تحياتى

المشاركة الأصلية كتبت بواسطة abo samra

موضوع اكثر من رائع يا دكتور لك كل التقدير عليه

الموضوع ده شغل بالى فتره وكنت اقتنعت ان multi- link افضل من tortion beam على الطرق الغير ممهده ولكن الحقيقه كل عربيه بلاقى ليها حاله خاصه يعنى الكورولا مثلا بلاقيها مش بتنطط زى عربيات كتير فيها مالتى لينك وفى نفس الوقت انعم واثبت على الطرق الغير ممهده ..........طب ازاى وهى tortion beam
السيراتو فيها عفشة الكورولا ومع ذلك مختلفين عن بعض فى كل حاجه من التنطيط على المطبات الواضح فى السيراتو الى خشونة العفشه الى الاحساس بامكانيه السياره لان تخون السائق فى اى لحظه بانحراف مفاجىء غير متوقع عكس الكورولا لا تخون السائق الا اذا تعدى امكانياتها وحدودها
موضوع ان السياره تتقلب على 100 ده بصراحه اكيد فيه حاجه غلط فى السياره لان العربيه مش عاليه قوى لدرجه تتقلب على سرعه قليله زى دى ولانها خليجى من الممكن عدم توافر abs بها ومن الممكن ان يكون كان هناك عيب فنى او ميكانيكى فى السياره لانى فى مره كنت بالكورولا على 130 كم وفاجائتنى العربيه اللى قدامى بفرامل مفاجاه فضربت فرامل جامد وتفاديت السياره وكنت ساعتها على ملف الحمد لله طلعت من الموقف بامان ولكن العربيه عومت حاجه بسيطه كدا وبعدين لفيت الدريكسيون الناحيه التانيه توقعت ان العربيه هتلف حوالين نفسها ولكن الحمد لله العربيه مسارها اتعدل وحسيت ان تصرفها وكان فيها نظام الثبات الالكترونى ولكنها طبعا مفيهاش

وياريت حضرتك تكلمنا عن عفشة بى ام دبليو e90
واسف على الاطاله
تحياتى

===================================
واحشنى جدا يابو سمرة وبافتقد كتير العقليات الجميلة اللى بتناقش عشان تفهم وتستفيد وكمان عشان تفيد وطبعا دى عقليتك يااحمد
اشكرك جدا على اعجابك ورايك
*فعلا كل عربية ليها حالة خاصة
*الكورولا فعلا مش بتتنطط على الطرق الوعرة مش بسبب تعليقها ولكن لمنظومة المساعدين (الغاز-الزيت) pneumo-hydrulic ومشوار البيستون الطويل والزنبرك الطويل(ذو لفات ممطوطة)وخامات التصنيع وسر تويوتا(النكهة الخاصة لكل سيارة فالتويوتا ناعمة والفولفو امنة والبى ام رياضية ممتعة وهكذا)
*موضوع الفرق بين التويوتا والسيراتو انا قلت جزء منه دلوقت وجزء فى مشاركات سابقة-وهبقى سعيد لو قريت الموضوع من الاول وقلت رايك وتعليقك -
*الجزء الاخير من مداخلتك مظبوطة مية فى المية فالاى بى اس لايتوفر الا فى الموديلات العلية من الخليجى -متوفر فى ال 1800 سى سى - وفعلا التعليق-سواء خلفى او امامى - ليس له فائدة طالما تسير على طريق افقى تماما ومستقيم تماما وناعم تماما - وهذا مستحيل ولكن تظه فائدة التعليق فى المناورات والانحرافات الشديدة والزوايا الحادة والالفلف المفاجىء(وخاصة على السرعات العالية)
*bmw e90 اللى هى الفئة التالتة الجيل الخامس الذى ظهر الى الوجود عام 2005 خلفا للe46 وحدث له تديل للمواتير عام 2007 ( ال318 اصبحت 143 حصانا بدلا من 129) واجرى لها عملية تجميل -شد وجه- عام 2008 تعليقها الخلفى متعدد الوصلات multi link وانا حاسس ان نفسك فيها بس هى خلاص بتودع والموديل الجديد منها نازل 2011
*ارجو ان اكون رديت على مداخلتك بالمنطق مع انى طولت عليك لكن انت شخص جميل والكلام معاك مفيد وممتع خالص تحياتى

المشاركة الأصلية كتبت بواسطة surgeon1

=====================================
ربنا يباركلك فيها ويحفظك من كل سوء بس بلاش تهور فى السواقة ياخلوده واسمع كلام شادية -سوق على مهلك سوق بكرة الدنيا تروق

يا باشا انت تؤمر ..
و بينى و بينك الجرى ده بطلته من ساعه ما حصلى كذا موقف ..
مموتش فيهم لان ربنا ستر و اجلى لسه مجاش ..
مش عشان اى ميزه فى العربيه ولا عشان انا بعرف اسوق ..
ده نصيبى كده ...