الموضوع: استطلاع:تعرف نوع التعليق الخلفى لسيارتك؟

المشاركة الأصلية كتبت بواسطة surgeon1

===================================
واحشنى جدا يابو سمرة وبافتقد كتير العقليات الجميلة اللى بتناقش عشان تفهم وتستفيد وكمان عشان تفيد وطبعا دى عقليتك يااحمد
اشكرك جدا على اعجابك ورايك
*فعلا كل عربية ليها حالة خاصة
*الكورولا فعلا مش بتتنطط على الطرق الوعرة مش بسبب تعليقها ولكن لمنظومة المساعدين (الغاز-الزيت) pneumo-hydrulic ومشوار البيستون الطويل والزنبرك الطويل(ذو لفات ممطوطة)وخامات التصنيع وسر تويوتا(النكهة الخاصة لكل سيارة فالتويوتا ناعمة والفولفو امنة والبى ام رياضية ممتعة وهكذا)
*موضوع الفرق بين التويوتا والسيراتو انا قلت جزء منه دلوقت وجزء فى مشاركات سابقة-وهبقى سعيد لو قريت الموضوع من الاول وقلت رايك وتعليقك -
*الجزء الاخير من مداخلتك مظبوطة مية فى المية فالاى بى اس لايتوفر الا فى الموديلات العلية من الخليجى -متوفر فى ال 1800 سى سى - وفعلا التعليق-سواء خلفى او امامى - ليس له فائدة طالما تسير على طريق افقى تماما ومستقيم تماما وناعم تماما - وهذا مستحيل ولكن تظه فائدة التعليق فى المناورات والانحرافات الشديدة والزوايا الحادة والالفلف المفاجىء(وخاصة على السرعات العالية)
*bmw e90 اللى هى الفئة التالتة الجيل الخامس الذى ظهر الى الوجود عام 2005 خلفا للe46 وحدث له تديل للمواتير عام 2007 ( ال318 اصبحت 143 حصانا بدلا من 129) واجرى لها عملية تجميل -شد وجه- عام 2008 تعليقها الخلفى متعدد الوصلات multi link وانا حاسس ان نفسك فيها بس هى خلاص بتودع والموديل الجديد منها نازل 2011
*ارجو ان اكون رديت على مداخلتك بالمنطق مع انى طولت عليك لكن انت شخص جميل والكلام معاك مفيد وممتع خالص تحياتى

والله حضرتك اللى وحشتنى اكتر بس حضرتك تغيبت عن المنتدى كتير وانا غيرت اسمى فاعقدت ان ممكن تكون مش فاكرنى وشكرا على الاطراء الجميل ده وان شاء الله نتقابل قريب
بخصوص البى ام دبليو الحمد لله ربنا وفقنى وجبت واحده 320i 2008 (بس مش فيس ليفت) ماشيه 28 الف كيلو لان الفيس ليفت نازل من 2009 مش 2008 فى مصر والحمد لله موضوع بيع الكورولا وشراء البى ام تم بطريقه لم اكن اتوقعها ابدا وان شاء الله هعمل موضوع عن قصة البيع والشراء فى قسم تويوتا
تحياتى

المشاركة الأصلية كتبت بواسطة abo samra

والله حضرتك اللى وحشتنى اكتر بس حضرتك تغيبت عن المنتدى كتير وانا غيرت اسمى فاعقدت ان ممكن تكون مش فاكرنى وشكرا على الاطراء الجميل ده وان شاء الله نتقابل قريب
بخصوص البى ام دبليو الحمد لله ربنا وفقنى وجبت واحده 320i 2008 (بس مش فيس ليفت) ماشيه 28 الف كيلو لان الفيس ليفت نازل من 2009 مش 2008 فى مصر والحمد لله موضوع بيع الكورولا وشراء البى ام تم بطريقه لم اكن اتوقعها ابدا وان شاء الله هعمل موضوع عن قصة البيع والشراء فى قسم تويوتا
تحياتى

--------------------------------------------------------------
انا مااقدرش انساك ياابو سمره مهما تغير اسمك لان فى ناس مجرد ماتدخل الذاكرة ماتخرجش تانى
الف الف الف -لغاية بكرة - على التحفة المسماة بى ام دبليو 320 وربنا يملاها بركة ويحفظك فيها من كل سوء
انا رايح اقرا تجربة البيع والشراء واقول راى
خالص تحياتى

المشاركة الأصلية كتبت بواسطة medo_95

اهلاtigernet فى طريقتين سهلين ولغير المتخصصين ممكن نعرف بيهم نظام التعليق الخلفى
1- ترفع العربية فى اى محطة وتبص عليها من تحت
لو تعليق مستقل زى الموجود فى الالنترا-مثلا- هتلاقى كل عجلة بالسوستة والمساعد بتاعها متصلة بجسم العربية ومافيش اتصال بينها وبين العجلة التانية انما لو تعليق ثابت اوشبه مستقل زى الكورولا -مثلا- هتلاقى عمود اوقضيب حديد واصل بين العجلتين وممكن تشوف القضيب ده لو انت ماشى ورا عربية وبصيت لها من تحت زى الكيا ريو -مثلا- لان القضيب واضح فى العربية دى جدا
2- ارفع عجلة خلفية بالكوريك وفرامل اليد مش مشدودة بعد ماتثبت العربية بحجر او غيره ولف العجلة المرفوعة-فى عربيات الجر الامامى -لو لفت معاك بسهولة تبقى تعليق مستقل
3-ميزة التعليق المستقل ان كل عجلة بتلزق فى الطريق بنفسها ينى لو عدت على حفرة تنزل وتطلع لوحدها من غير ماتاثر على العجلة التانية وبالتالى لاتؤثر على ثبات العربية فلا يشعر ركاب العربية انها مالت ناحية الجهة اللى فيها الحفرة يعنى باختصار بيحافظ على المستوى الافقى للعربية فتظل العربية بوضع افقى مهما كان فى حفر او غيره فى الطريق وطبعا هو دا الثبات اللى يقصده اللى عمل النظام ده
على كدة الشاهين النظام دة لان فيها قضيب بيربط العجلتين ببعض

==================================
الشاهين اللى هى النسخة التركية للعربية القديمة فيات 131 بتستخدم نظام تعليق خلفى قديم توقف انتاجه (نظريا)من 20 سنة ويسمى live axle او swing axle ومعناه عمود التمايل او التارجح وكانت تستخدمه سيارات عريقة مثل بورش ومرسيدس 300 اس ال فى اوائل الثمانينات ولما وجدوا انه غير معمر وكثير الاعطال ومتعب جدا فى التعامل مع السيارة فقد تم استبداله فى السيارات الاخرى بنظام القاطرة trailing ولكن ظل مستخدما فى الشاهين او التوفاس التركية