فعلا الراجل ده مشكله انا لما قريت المقاله دمى اتحرق
للاسف مواضيعه غير موضوعيه بالمره و بالذات بعد خبر مواتير غبور اللى طلع فشنك والسبب ان غبور مابيعملش عنده اعلانات
رقم العضوية : 798
تاريخ التسجيل : 27May2007
المشاركات : 1,591
النوع : ذكر
الاقامة : Qena
السيارة: Peugeot 505 station1982
السيارة[2]: Renault Logan MCV 2009
دراجة بخارية: لا يوجد
الحالة :
انا قرات اخبار السيارات بتاع يوم السبت 8/12/20007 و كان الأستاذ خالد أباظة كاتب فية عن مشكلة الزحمة الرهيبة في القاهرة الكبري و مشكلة المرور اللي ماحدش عارف يحلها و إقترح علي الحكومة بعض الحلول من ضمنها الغاء ترخيص السيارات القديمة و التاكسي القديم القبيح كما ذكر بمقالة و كان الإقتراح اللي عصبني و خلاني طقيت من جنابي ان الباشا خالد بيقترح علي الحكومة انها ترفع اسعار البنزين و توجه الزيادة دي لتجديد الطرق و الكباري و المحاور و عمل محاور جديدة عشان تحل مشكلة الزحمة في البلد
للا حول ولا قوة إلا بالله العلي العظيم انا فعلا دلوقتي عرفت قيمة المثل اللي بيقول اللي ما يشوفش من الغربال يبقي اييييييييييه يبقي اعمي
الأستاذ خالد عايش في كوكب تاني و مش معانا في مصر و مش شايف احوال الناس اللي مطينة بطين و مش لاقية تاكل ولا تشرب و لا تسكن و لا حتي تتكلم و تشكي همومها من كتر الفقر اللي احنا عايشين فيه
طيب بدل ما حضرتك تقترح بزيادة البنزين واللي بالطبع هيزود كل الأسعار حتي بتاع الفجل و الجرجير هيقولك الربطة بجنية يا بيه اصلة البنزين غلي و سعرة رفع و العملية ما جيباش همها و يعيطلك حبتين و هو بصراحة معاه الحق لانة الدنيا غليت و مش زمان
بدل مانقترح الإقتراح الموقت دا واللي لو عملناه زي ما حضرته بيقول هيحل المشكلة بشكل مؤقت لمدة كام سنة يعني بالبلدي مسكن وكام سنة تاني هتزيد اعداد الناس و العربيات هتزيد تاني في القاهرة و يبقي العجل في طينه و ترجع ريمة لعادتها القديمة و كانك يابوزيد ما غزيت :)
انا بقترح ان احنا نفكر في حلول فعلية مش مسكنات انا شايف ان القاهرة اصلا ما فيهاش اماكن ممكن نعمل فيها طرق جديدة دا الكباري فوق الأرض مليانة و الشوارع علي الأرض مليانة و الأنفاق تحت الأرض مليانة و مولد و صاحبة مش غايب دا مات و مش راجع تاني خاااااااااااااااالص
مصر مساحتها مليون كيلو متر مربع احنا قاعدين و متبتين في القاهرة والدلتا و الوادي اللي هو الصعيد اللي انا منه و تركنا باقي المساحة لعوامل التعرية ليه دي بصراحة انا محتاج حد فاهم يقهماني ؟؟؟؟؟؟؟؟؟
حتي لما جينا نعمل كام مدينة تاني عملنا 6 اكتوبر و العاشر و السادات و مش عارف مين تاني و المهم كلهم في القاهرة او حولها بردك ليييييييييييه انا مش عارف ؟؟؟؟؟؟؟؟؟؟
طيب ما البلد واسعة و ربنا موسعها علينا و احنا بنخنق روحنا ليييييييييييييييييييييييي ه مش عارف ؟؟؟؟؟؟
انا عارف ان انا طولت عليكم و كلامي كتير و دوشتكم بس يا جماعة احنا في مشكلة رهيبة ولا زم تتحل وإلا الناس هتموت بعضها
مش معقولة اكون معايا عربية و ابقي مش حاسس بالميزة دي ، يعني انا و اللي راكب اتوبيس نقل عام واحد لأننا بنقف في الطريق مع بعض كتير و بنوصل مع بعض بسبب الزحمة يعني زيك زيه و مافيش اي فرق يبقي الواحد يركب اتوبيس اوفر و ارخص طالما مافيش ميزة و لا توفير في الوقت
انا مع الأستاذ خالد في الغاء ترخيص السيارات القديمة و تكهينها بس لازم نعرف ان العربيات دي فاتحة بيوت و الناس بتاكل من وراها عيش مش جايبنها يلعبوا بيها و علي فكرة اصحاب العربيات دي قرفانين منها و كرهينها من مصاريفها و مشاكلها و لكن ايه اللي رماك علي المر اكيد اللي امر منه و هو طبعا رغيف العيش اللي بييجي بالدم و العرق
لازم الموضوع يتقنن بعدل عشان الناس دي ما تتسابش كدا بدون عمل واكيد هناك حلول كتير و نبقي حلينا مشكلة الزحمة بعمل مشاكل اكتر و هي البطالة اللي طبعا احنا بنعاني منها اصلا
اما بالنسبة لموضع زيادة اسعار البنزين دا فانا مش معاه خالص في رايه دا لان الناس خلاص زهقت و مش لاقية تاكل اروح اززود البنزين دي تبقي مذبحة جماعية بطريقة شرعية وبالموت البطئ لازم يزود المرتبات ويظبط السوق و الأسعار و يعمل كنترول علي الناس الكبيرة في السوق و ما يعطيهمش الفرصة اللي بها ممكن يتحكموا و يحتكروا السوق زي ما حاصل دلوقتي في كل حاجة في البلد و انتو اكيد عارفين قصدي كويس
انا عارف ان البنزين سعره عالميا ارتفع و احنا انتاجنا مش بيكفينا و الدولة بتدفع مبالغ كبيرة لتدعيم البنزين ولكن مش الحل ان انا ازود و الناس مش لاقية تاكل
البلد واسعة و كبيرة و مواردها كتير بس احنا اللي مش عارفين نستغلها صح حتي سيناء اللي احنا خسرنا شباب كتير عشان نحررها لم نستغلها صح و بقت مرتع لتجار المخدرات و اصبح مزارع للبانجو الخشخاش و المخدرات بانواعها والبدو اللي فيها بقوا يلعنوا اليوم اللي سينار اتحررت و رجعت لمصر بعد ما كانوا عايشين في نعيم اسرائيل
توشكي حد سمع عنها حاجة من 5 سنين فكرين من كام سنة كان كل يوم الصبح ييجي برنامج يتكلم عن توشكي و مشروع المستقبل فينه دلوقتي راااااااااااااااااااااااا ح في الهوي والأراضي اتوزعت علي المستثمرين العرب و الأجانب و الممثلين و الممثلات و الراقصين و الراقصات و كل سنة و انتوا طيبين يا جماعة
كان المفروض ان توشكي دي تتعمر و تبقي تجمع عمراني كبير زراعي و صناعي و تجاري علي حق مش تتباع برخص التراب للأجانب اللي زرعوها بما يسمي بالمحاصيل الأورجانيك و بتتصدر لأوروبا مباشرة و احنا اصحاب البلد بناكل في القمح المسرطن و الخضار المرشوش المبيدات الحشري الممية لما الفشل الكلوي و الكبد الوبائي اللهم احفظنا انتشر بين الناس و بقي شئ وكل بيت فية واحد علي الأقل مصاب بواحد من المرضين دول فشل كلوي او كبد
والله العظيم يا جماعة البلد فيها خير كتير و مستني بس اللي يطلعة و يستغله الصحراء و اسعة و ممكن تتزرع و مش مستحيل و لا حاجة السعودية كلها صحاري و ما عندهاش نهر النيل و لا الأيادي العاملة و مع ذلك بيزرعوا كل شئ عندهم
احنا محتاجين ناس تفكر صح و بإخلاص عشان نحل المشاكل دي و الحلول تكون منطقية و علي المدي البعيد مش مسكنات مؤقتة كفانا تخلف و فقر العلم كلة بيتقدم إلا احنا بنرجع لورا
محتاجين اننا ننظر لمشاكلنا نظة منطقية و فعلية بلاش النفاق و الكذب لأننا خلاص مللنا يعني المفروض الإعلام بتاعنا يكون صادق و محايد و ينقل الصورة الحقيقية لأوضاع البلد حتي يتمكن المسؤلين من اتخاذ اللازم لأن المسؤل احيانا بتوصله معلومات خاطئة و صورة غير صحيحة لأوضاع الناس الفعلية و يطلع علي الشاشات والإذاعات يقول ارقام و احصائيات غير موجودة تماما و كانه بيتكلم عن بلد غير مصر
عشان ما طولش اكتر من كدا و لان المشكلة اكبر و اضخم مما ذكرتة و حضراتكم اكيد عارفين حجمها اكتر مني بحكم انكم من سكان القاهرة انا ساكتفي بما قلته الذي يعتبر و جهة نظري الخاصة و المتواضعة في رؤية المشكلة و اختلافي مع الأستاذ خالد اباظة فيما كتبة بالمقال و الحلول المقترحة
اتمني الا اكون قد ازعجتكم ومنتظر ردودكم الفعالة
رقم العضوية : 1915
تاريخ التسجيل : 26Aug2007
المشاركات : 702
النوع : ذكر
الاقامة : حدائق الاهرام
السيارة: Getz 2007
السيارة[2]: NISSAN SUNNY 2013
الحالة :
فعلا الراجل ده مشكله انا لما قريت المقاله دمى اتحرق
للاسف مواضيعه غير موضوعيه بالمره و بالذات بعد خبر مواتير غبور اللى طلع فشنك والسبب ان غبور مابيعملش عنده اعلانات
رقم العضوية : 1869
تاريخ التسجيل : 22Aug2007
المشاركات : 4,058
النوع : ذكر
الاقامة : السعودية
السيارة: A11
السيارة[2]: TAHOE
دراجة بخارية: لا
الحالة :
يا عينى وقع أتعور وعمل عمود على الواو - فين هيفاء تبوسلة الواوا :D:D
[sor2]http://www2.0zz0.com/2012/03/20/06/448963560.jpg[/sor2]
TAHOE THE LEGEND
رقم العضوية : 333
تاريخ التسجيل : 29Apr2007
المشاركات : 3,621
النوع : ذكر
الاقامة : شرم الشيخ
السيارة: Optra 2010 A/T
السيارة[2]: Optra 2010 A/T
دراجة بخارية: لا
الحالة :
فى مدن بتوصل ل 20 مليون و مفيهاش تكدس زى عندنا ل 3 أسباب مهمين:
1 - أخلاقيات الناس، علشان احنا مابنحترمش حق الغير فى الطريق، يعنى اللى راكب بيحدف على اللى جنبه و اللى جنبه بيحدف علشان يفادى واحد ظريف بيعدى الشارع مطرح ما يحب و الخ الخ.
2 - انعدام التخطيط العلمى للشوارع، حتى شوارع العشوائيات ممكن تتظبط مهما كانت ضيقة
3 - القاهرة محتاجة 6 خطوط مترو أنفاق على الأقل + 2 تلفريك للمقطم
أخوكم حسام حسن {أبو ليليا و سيليا}
رقم العضوية : 2504
تاريخ التسجيل : 08Oct2007
المشاركات : 1,704
النوع : ذكر
الاقامة : gesr el swis
السيارة: la yogad
السيارة[2]: la yogad
الحالة :
خالد اباظه من كتاب السيارات المخضرمين .. مفيش مؤتمر الا و تلاقيه موجود .. مفيش احتفال تقديم عربية جديدة الا و تلاقيه حاضر .. مفيش معرض داخلي او خارجي الا و تلاقيه راشق فيه ..
لكن من ناحية اخري ( بالنسبة لي علي الاقل ) عليه علامة استفهام من الحجم الكبير .. و المتتبع لمقالاته و كتاباته يلاقيه ساعات بيكتب كلام مناقض لبعضه .. زي موضوع الدعم اللي كتبه امبارح .. ساعات اخري بيكتب موضوعات باشعر انها مصطبغة بصبغة اعلانية لبعض الشركات ..
عموما اللي بيقرأله مش شرط ياخد منه وجهة نظر ..و لكن يكفي انك تاخد منه اخبار سوق السيارات.و ده المجال اللي بيتميز فيه.
رقم العضوية : 1399
تاريخ التسجيل : 11Jul2007
المشاركات : 1,212
النوع : ذكر
الاقامة : القاهرة
السيارة: كفاية واحدة الحمد لله
السيارة[2]: Daewoo NubiRa2006
دراجة بخارية: No
الحالة :
أستاذ مصطفى بكرى كلامك مظبوط 100 %
مصر كبيرة جدا بس احنا اللى حاشرين نفسنا وسطها
فكرتنى بالفيلم بتاع محمد صبحى وسعاد نصر رحمة الله عليها كان اسمه هنا القاهرة وفى اخر الفيلم كتبوا دعوة للخروج من القاهرة
رقم العضوية : 198
تاريخ التسجيل : 25Apr2007
المشاركات : 2,429
النوع : ذكر
الحالة :
خالد اباظه ده و(بما انى فى مجال الاعلام ) و مع احترامى ليكم كلكم صحفى فاشل كل مقالاته مدح فى اللى بيدفع فلوس الاعلانات علشان الاعلانات دى نسبه منها بتدخل جيب سيادته بصوره رسميه طبعا و لو تفتكروا ايام الفرسان كانوا هاريين ملحق السيارات عنده اعلانات و هوا كان مظبطهم بمقالاته و اغراء الزبون انه يروحلهم و حصل نفس الكلام مع عدد اخر من المعارض و الشركات و اللى يقلل نسبه اعلاناته او يسحبها من عنده يلاقى الوش التانى ظهر و الهجوم الكاسح بدء لغايه ما يعلن العفو و السماح و يرجع اعلاناته تانى عند البييه (وده كلام عن ثقه) .
رقم العضوية : 1045
تاريخ التسجيل : 19Jun2007
المشاركات : 243
النوع : ذكر
الاقامة : الرحـــاب
السيارة: نيسان تيدا
السيارة[2]: تويوتا
دراجة بخارية: fjk
الحالة :
كلامك صحيح 100 % يا أستاذ حسام
و فعلا عدد السكان عمره ما هيكون مشكلة لو فيه تخطيط سليم للشوارع و لو كل واحد بيلتزم بقواعد و قوانين المرور و إذا ما لم يلتزم بيكون فيه عقوبات رادعة و طبعا عشان نضمن الإلتزام بالقانون لازم نطبق القانون على الكل
و بعدين فيه حل طبقته بعض الدول و منها اليونان مثلاً و هو يتلخص في أن يتم تخصيص يوم لسير السيارات التي تحمل أرقام تبدأ برقم فردي و اليوم التالي للسيارات التي تحمل أرقام تبدأ برقم زوجي و هكذا
مع توفير البدائل المناسبة من المواصلات العامة التي تليق بأدمية الإنسان
و هذا الحل سيساهم في حل الكثير من المشاكل و منها :
1. تقليل عدد السيارات داخل المدينة ( ينخفض عدد السيارات الخاصة الى النصف) و بالتالي القضاء على التكدس المروري
2. تقليل التلوث
3. تقليل الفاقد في الطاقة و بالتالي توفير الكثير من الدعم المادي
4. وصول الناس الى عملها في مواعيد العمل الرسيمة و هم في نشاط و إقبال على العمل مما سيحسن من الإنتاج كماً و كيفاً
و شكراً
[SIGPIC][/SIGPIC]
رقم العضوية : 73
تاريخ التسجيل : 21Apr2007
المشاركات : 1,458
النوع : ذكر
الاقامة : Benha - Alexandria
السيارة: -
السيارة[2]: -
الحالة :
الحقيقة انا كنت من اشد المعجبين باستاذ خالد وكتاباته من زمان لكن من ايام ما مسك المجلة وانا حاسس
ان العلاقات والمصالح بقت تاثر على كلامه ( ان بعض الظن اثم ) ( ده شعور بس لكن هو رجل محترم جدا )
-
خاصة المواضيع التالية ::::::::::::
-
1-سيارات غبور اللى بتجيب زيت ثم تكذيب الخبر ؟!؟!؟!
-
2-التلميع الزائد لابو الفتوح ومقال كامل عن زوجة حسام ومعاد خروجه !؟!؟!؟! وعدم الالتفات لاى من
المشاكل الموجودة فى موديلات اسبيرانزا 1600 التى تم انتاجها فى اول دفعة!!؟!؟!؟!؟
-
3-الهجوم والهجوم على معرض دبى واستعراض جماليات معرض الاخبار اللى جاى واللى فات
رغم ان معرض دبى ناجح جدا ؟!؟!؟!؟!؟!
-
4-التحيز الواضح لتويوتا مع العلم ان سيارة زوجته كورولا !؟ وعدم الالتفات للزحمة فى توكيل تويوتا وعلشان نحجز لازم قبلها بيومين والعربية بتبات كمان فى التوكيل ......
-
5-المقال الاخير بتاع الاسعار.......الغريييييييييي ييب جداااااااا ؟؟؟؟؟؟؟؟؟( هو ده تمهيد لزيادة الاسعار فعلا ولا ايه ) ؟؟
ده بدل ما يدافع
There's is always a Limit,Don't Try breaking
رقم العضوية : 56
تاريخ التسجيل : 18Apr2007
المشاركات : 2,957
النوع : ذكر
الاقامة : 6اكتوبر
السيارة: kia spectra 2004
السيارة[2]: hyundai matrix 2006
دراجة بخارية: no
الحالة :
المفضلات