المشاركة الأصلية كتبت بواسطة ghazy12
لأ صح, عندك حق, عندي أنا الموضوع ده, ماخدتش بالي والله :shyy:
شوف يا سيدي, احنا متفقين اننا هنفتح من الغيار الرابع للأول...
1- هتمشي على أي هاي واي على الرابع (اوله) يعني في بداية سرعة الرابع
2- هتكبس للعربيه بنزين, لحد ما تجمع سرعه على الرابع (160 مثلا)
3- خف رجلك من على البنزين, لحد ما السرعه تقل و انت على الرابع بردو (100 مثلا)
4- أكبس تاني بنفس الطريقه لحد ما تجمع سرعه على الرابع..... و هكذا
5 او 6 مرات كده للرابع و بعدين نفس الكلام للثالث و الثاني...
دول كلهم كده مره واحده (يوم واحد), حاول تعمل الموضوع ده كذا مره, و يحبذ سفريه كمان
أهم حاجه اختار طريق انت عارفه متسفلت بنظافه على قد ما تقدر و يكون مستقيم الى حد ما
موضوع ان العربيه تنقل لوحدها ده انت بتتحكم فيه, انت عارف أول و آخر كل نقله, و لو بتفتح الثالث مثلا, و نقل معاك للرابع و انت بتكبس عادي جداا, لما تخف رجلك على البنزين هتنزل للتالت تاني...
أهم حاجه ان الموضوع ده بدون كيك داون خاااالص, يعني تخليي دوسة رجلك تدريجيه
موضوع الـrpm, هو أصلا الــrpm عباره عن عداد لعدد لفات الموتور في الدقيقه
و الكلمه اختصار لــ(round per minute)
انت لما تزود طبيعي الـrpm بيزيد نظرا لزيادة السرعه, عدد لفات الموتور بتزيد أكيد
و العكس صحيح, تغيير عدد لفات الموتور لكل نقله بين عدد لفات أكبر (لفات سريعه) و عدد لفات أقل (لفات أبطئ) هو مفهوم التفتيح...
يا رب أكون قدرت أشرحلك الموضوع بشكل أفضل, و لو في حاجه مش واضحه قوللي...