-
عن الزيوت (سبعاوي)
انا من انصار الزيوت الل بتتغير على فترات متقاربة ، يعنى الحاحاجات اللى بتتغير على 3000 الى 5000، لا افضل الزيوت التخليقية لأن بلدنا متربة وبنزينها مش حلو ودا بيخلى الزيت يتوسخ بسرعة فحتى لو هو من النوع الذى لا يفقد لزوجته فخواصه بتتأثر بالتراب
انا جربت الانواع الآتية وعارف انها ممتازة: شل هيليكس(الجركن الأصفر)، توتال كوارتز 5000،موبيل XHP ،إسو يونيفلو
لا انصح بزيوت محركات التعاون لانها سريعة البخر
الزيوت من الانواع اللى انا قلتهالك دى تتغير من 3500 كيلومتر الى 4000 كيلومتر
الزيت بتعرف اساسا من حاجتين، اللزوجة اولا واللون(بدرجة اقل) ثانيا
اللزوجة بتتعرف بمقارنة العرق (بكسر العين) اللى بيعملة الزيت فى إيدك بنفس اللى كان بيعمله وهو جديد، يعنى انت اول ما بتحط الزيت بتاخد نقطة منه بين صباعينك الإبهام والسبابة وتفصل الصباعين عن بعض وتشوف المسافة اللى هايفضل الزيت متصل ببعضه فيها قبل ما يفصل عن بعضه
لما المسافة دى تلاقيها قلت يبقى الزيت لزوجته قلت(مع مراعاة ان الإختبار يتم والزيت بارد فى الحالتين)
الحاجة التانية بالنبة للزوجة لما تلاقى الزيت وهو ساخن بينقط من على المقياس كأنه ماء بدو تماسك تعرف ان لزوجته قلت
يالنسبة للون ، لما لون الزيت يوصل انه اسود غطيس لا يظهر فيه اثر للون الزيت الاصف الأصلى يبق لازم يتغير، لكن طول ما هو اسود بس فيه اثر للصفار مش مشكلة طالما اناللزوجة على ما يرام
سبعاوى
وردا علي السؤال التالي "
انا رحت محطة شل اشترى زيت محرك يعمل 3000 كيلو العامل ادانى عبوة لونها احمر ب 36 جنية وكان عندة عبوة لونها اصفر قالى دى 5000 كيلو
المهم رحت عند ورشة تغيير الزيوت جنب البيت بحب اتعامل معاهم عشان الراجل بيحط الزييت وبيظبطلى كل حاجة براحتى
فقالى الزيت دا بكام قلتلة ب 36 جنية وبيعمل 3000 كيلو
قالى ازاى دا انا عندى الزيت ال 1000 بيعمل 35 جنية وورانى علبة عندة شل بس لونها ابيض
انا استغربت ازاى الراجل قالى دا يعمل 3000 والعامل بيقول دا مستحييل عشان ال 1000 بيتباع بنفس السعر تقيبا
بعد فحصى للعبوة اللى انا جبتها ملاقيتش اى كتابة تقول انه يعمل 3000 بس رمن 50w و 20ًw
طب ازاى انا اعرف بقى الزيت دا يعمل كام الف
ممكن اى حد كدا ينصب عليا مش عارف
وايه افضل زيت وماركة وعمر يعنى 3000 ولا 5000 ولا 10000 ولا 1000 اشتغل على ايه؟؟؟؟؟ وازاى اعرف
وشكرا ليك يا سبعاوى باشا "
قال الفيلسوف :wink:
الإتنين كلامهم صح، عامل محطة البنزبن وعامل تغيير الزيت
الزيت اللى هو بيقول علية عامل الزوت ابو علبة بيضا دة زيت عادة ، يعنى احادى الدرجة وبيكون درجة لزوجة SAE40 ، ودة بيستعمل للمحركات القديمة وبيتغر كل ألف
لكن بالنسبة للمحركات الجيدية هتلاقى نوعين زيت والأتنين درجة لزوجة SAE20- 50، نوع رخيص بيتغير كل 3000 ونوع اغلى بيتغير كل 5000
وبعدين بعد كدة هتلاقى انوع غالية تخليقية فى منها 9000 وفيه منها 12000 الف وبتكون درجة لزوجةSAE10-50 أو SAE5-50
انا معرفش ايه هو نوع عربيتك، لكن بما انك فى نادى الفيات فالنصيحة انك تحط النوع اللى بيقعد 5000 كيومتر(الأصفر بتاع شل) او ما يقابله من الشركات الأخرى(توتال كوارتز 5000)او(موبيل XHP) او (إسو يونيفلو)
وغيره كل 3500 الى 4000 كيلومتر علشان بلدنا تراب وبنزيننا وحش وبالتالى الزيت عمرة بيكون اقصر شوية من المواصفات العالمية
لو موتورك خفيف يبقى مافيش غير شل X100 وتغيره كل 1500-2000 كيلومتر
سبعاوى
-
يا استاذ سبعاوى انا سالت ف التوكيل عن زيت موبيل xhp المهندس قالى دا بيتغير كل 2500 كيلو ولو استمر اكتر من كدا يتعب الموتور ياريت تقلى الكلام دا صح ولا اسيبة 5000 كيلو ؟
-
الموبيل دة لما كنت بغيرة في البنزينة ساعات يقولو انة بيمشي 3000 ك وساعات 5000 ك انا محتار برضة.
-
Total 5000
ذى الفل و مكتوب عليه 5000 بعكس الموبيل xhp مش مكتوب عليه أى حاجة
و سعره فى المحطة 57 جنيه
-
دة نفس سعر موبيل سوبر (xhp)
-
الزيوت التخليقية ميزتها ان مفيهاش شوائب و بالتالى بتعيش اكتر من الزيوت الحفرية و طبيعى ان تلاقى فترة تغيير الزيت التخليقى ضعف الزيت العادى
على فكرة محدش ياخد بكلام صنايعى سواء فى ورشو او فى توكيل او فى محطة لان الناس دى بتفتى بنسبة 90%... مرة كنت فى التوكيل وواحد سال مهندس الاستقبال اذا كانت البوجيهات الاربعة شمعة بتبوظ الموتور فقالة ايوة... و لما انا سالتة هى بتبوظ الموتور فعلا قالى "انا معرفش انا قلتلة كدة عشان لو ركبها و باظ الموتور يبقى انا قلتلة و لو مباظش اهى ماشية" يعنى الردود مش على اساس علمى... تخيل بقى لو حد بيفتى فى الزيت اللى هو حياه الموتور
MMamdouh
-
أنا رأيي ان الموبيل xhp ممتاز جدا ولا رأيك ايه يا استاذ سبعاوي
-
المشكلةانةمشمكتوبعلى--كل--عبواتالزيتالمعلوماتالخاصةبمواعيدالتغييرفهنعرفمنين!!؟؟؟؟؟؟؟؟؟؟
-
فتوى
بمناسبة الإفتائات, انا معايا سوبارو امبريزا, و المهندس في التوكيل قاللي ان في صيانة ال 5000 هنغير زيت و نحط موبيل 1, و بعد كده يتغير كل 5000 كم!!! لما قولتلو ان حسب معلوماتي موبيل 1 بيتغير كل 10000 قاللي مش في عربيتك لأن عندك العزم عالي!! بس انا لما قريت الكاتالوج لقيت ان الزيت المطلوب موبيل 1 مغطي مواصفاته, انه المفروض يتغير كل 12500 !!!! ايه رايوكو بجاااااااا؟!!! :x
-
تغيير الزيت مرتبط باستخدامك للعربية مش لقدرة تحمل الزيت... لو الزيت بستحمل لحد 10000 كم و انت بتمشى وسط البلد و بتدور و تبطل موتورك كتير و معظم مشاويرك بتاع 15 الى 20 كيلو يبقى غير كل 5000 مش 10000 لان دة استخدام شاق... ايوة القيادة داخل المدينة استخدام شاق
اما لو مشاويرك كلها كرق طوالى و على سرعات ثبة ثابطة... طرق سريعة بشكل عام ممكن تغير الزيت على فترات اطول و هنا حيحكمة قدرة الزيت على التحمل
الناس هنا بتحط الزيت و تهلك اللى جابوه لحد ما يبقى اسود من الاسفلت و نازل زى الميه... محدش حيحس بالضرر الا لما يفك الموتور عشان جوان وش ولا حاجة و حيلاقى ترسبات بالعبيط و شبة انسداد لمجارى الزيت و دة كلة بيقلل عمر الموتور
MMamdouh
Content Relevant URLs by
vBSEO 3.6.0 PL2