الموضوع: رابطة مالكى الجميلة اكسنت من1998 الى 2006

المشاركة الأصلية كتبت بواسطة essam_shaaban

انا معايا اكسنت 1500 انجكشن موديل 2000 ، وكان بقالي فترة العربية مبرجلة و مش مظبوطة ع السلانسيه و بعدين بدأت تطلع دخان كثيف جدا جدا اسود من الشكمان ، المهم الحبايب ودوني لمهندس شاطر اوي في الهرم اسمه م/ايمن انما شاب محترم جدااااااااااا ، كشف بالكمبوتر و عرف ان العيب حساس الماف maf وقالي الافضل تغيره استيراد هوه وحساس السلانسيه

وبالفعل اشتريتهم استيراد و ركبتهم بنفسي ..... لانهم سهلين اوي

وبعدين رجعلت له ظبط لي حساس tps و حساس oc علي الكمبيوتر

النتيجة الحمد لله بفضل الله العربية رجعت أفضل من الاول وظبطت استهلاك البنزين وكله بقا تمام

التكلفة 40 ج كشف كمبوتر و تشخيص + 300 حساس الهوا + 100 حساس السلانسيه

وانا قولت انقل لكم التجربة دي للإفادة

والسلام عليكم ورحمة الله وبركاته

السلام عليكم ورحمة الله وبركاته
استاذ عصام اولا احب احيي حضرتك جدا والله على خدماتك لكل ملاك او الراغبين في اقتناء الاكسنت.
انا بحكم العادة من زمان لما احب اشتري حاجة اسال الناس و ادور بنفسي لحد لما اقتنع او اصرف نظر.ومن ساعه ما بعت عربيتي القديمة و انا قولت اقيم الاكسنت.وبدات اقرا كل مشاركات الاعضاء في الرابطة و كانت النتيجة اني لقيت حضرتك انسان محترم جدا و خدوم و بتساعد الناس برأيك و خبرتك و ده من خلال قراءة مشاركات الناس و ردودك عليها و اخرهم المشاركة اللي انا حبيت اشكر حضرتك عليها.
وعندي كم سؤال لحضرتك..
رأيك في الاكسنت بكل حيادية.ما لها و ما عليها من كل الزوايا..ميكانيكا و عفشة و كهرباء و صاج و اسعار قطع الغيار و استهلاك بنزين و معدله و التكييف و الباور و كل حاجة.

انضف واكتر ناس امينة و خبرة و تشخيص حاله العربية فين بس يكون جنب 6 اكتوبر او الجيزة فين..وده لاني لما ان شاء الله ربنا يوفقني لعربية كويسة محتاج اعرف تاريخ حياتها كله بمعنى الكلمة و اعرف حالتها.باختصار افليها و افحص كل مسمار فيها..لان حضرتك عارف احنا بنتعب لحد ما بنجيب القرش و مش ناقصة ان الواحد يلبس في عربية مش كويسة.وطبعا لو في قدام حضرتك عربية 1500 كويسة يبقى يا ريت بردو تبلغني و هي تعمل كام دلوقتي..38 الف مثلا ولا ايه..

اخيرا انا بجد باشكرك جدا على اللي انت بتعملوا مع الناس و مساعدتك ليهم و ربنا يوفقنا جميعا و يصلح حال المسلمين عامة و بلدنا خاصه.
السلام عليكم ورحمة الله وبركاته

السلام عليكم و رحمة الله و بركاته
كل عام انتم بخير جميعا و في افضل صحة و حال
هلت علينا ايام مباركة و كلها خير..العمل الصالح فيها احب الى الله
علينا بالصيام.الذكر..تلاوة القران..الصدقة..صلة الرحم..حسن الخلق
عسى الله ان يفرج ما بنا من هم

اللهم اصلح احوالنا و احوال المسلمين
اللهم اغفر لنا و ارحمنا و اعف عنا و ارضى عنا يا كريم
اللهم اصلح نسائنا و بناتنا و شبابنا و سائر المسلمين
بارك في ذرياتنا و ربى لنا اولانا و سائر المسلمين
اغفر لابائنا و امهاتنا و ارحمهم كما ربيانا صغارا
اجعل مصر بلدا امنا مطمئنا سخاءا رخاءا و سائر بلاد المسلمين و ولى الحكم لمن يصلح ليقيم العدل بشرعك
اكتب لنا حج بيتك الحرام عاجلا غير اجل
زد و بارك في ارزاقنا و امتنا على شهاده لا اله الا الله محمد رسول الله


اخواني في الرابطة..
من لا يشكر الناس لا يشكر الله
اتقدم امامكم جميعا بخالص الشكر للعضو المحترم الاستاذ / عصام شعبان على مشاعره الاخوية الصادقة و نصائحه المخلصة التي ارجو من الله ان تكون في ميزان حسانته...وذلك لما لمسته صدقا في مكالمتي معه..اسال الله ان يوفقنا جميعا لما فيه الخير لنا و لبلدنا و لسائر المسلمين..

والله يا اخواني لو حالنا مع بعضنا في حياتنا العادية بنفس اهتمام الناس هنا ببعضها و بالعربيات .. باذن الله نكون افضل امة في العالم..
ربنا يوفقنا جميعا
كا عام و انتم بخير
السلام عليكم

السلام عليكم
أنا ناوي اشتري اكسنت موديل 2000 حتي 2006 1500 سي سي كاملة منوال و دي سوف تكون أول عربية اشريها ايه رايكم فيها و سعرها المعقول في حدود كام و ياريت حد يقول لي يعني مواصفات خليجي و مصنوعة فين و و المصنوع في مصر يبدأ من موديل كام و هل في اكسنت مصري الصنع 1500 سي سي أرجو الافادة و لكم جزيل الشكر

فى البداية كل سنة وانتم طيبين بمناسبة عيد الاضحى المبارك واشكر كل من ساهم بنصيحة فى هذا المنتدى العظيم انا معى عربية اكسنت موديل 99 1500 سىسى كاملة اتومتيك العربية وانا ماشى بتضرب فرامل مرة واحدة عند سرعة 40 بدون اما ادوس على الفرامل وهذه المشكلة اتكررت كتير معى وانا ماشى عارف اية السسبب وكشفت السيارةعلى الكمبيوتر المهندس لم يكتشف العيب وقال حسسيات الفتيس ليس بها عيواب عايز اعرف اية السبب والمشكلة دة خطر جدا كانت هتسسب فى حادثة

صباح الفل يا هيونداوية ... انا بيعت عربيتي الفورد من اسبوع و جبت اكسنت 99 1300 cc و بجد مبسوط بيها اوي .. عربية هايلة استهلاكها للبنزين كويس قوي و جراية جدا و مريحة اوي في السواقة بعكس الاسكورت تماما ... بس عايز اعمل فيها شوية حاجات كدة ( مثلا تنظيف كربراتير و تغيير سير كاتينة و فلتر هوا و بوجيهات و تربيط عفشة و تزبيط الدبرياج مع الكشف علي زيت الباور و الفتيس ) طبعا دة سيرفيس لازم يتعمل عشان امشي مطمئن بعد كدة .. وطبعا الناس كلها كانت قافلة عشان العيد كل سنة وانتو طيبين .. شوية الحاجات دي تتكلف كام تقريبا و في حاجة تانية محتاجة الكشف عليها ولا كدة تمام .. خلونا نوسع دايرتنا و هيونداي هي الاكثر مبيعا و احتراما من المصريين دلوقتي :)

الله يبارك فيك يا كبير .. بص هيا 1300 cc و زجاج وسنتر و باور و فتح شنطة و تنك من جوا .. و الحالة العامية هايلة عفشة و موتور ... محتاجة بس رش الاكصدامات وخلاص .. و السماعات و الكاسيت الاصلي (مش عاجبني اصلا) والتكييف شغال و كاوتش جديد وبطارية جديدة ... هو كان عايز 38 بس انا خدتها ب 35 عشان هو جاري وكدة و العشم بقي :] .. المهم ربنا يكرمك و تبيع .. بس قوللي حالة عربيتك اية كدة و ياريت ترفع صورها لو هتبيع .. عندي مشتري لو الحالة نضيفة والموتور محترم.