بديل للفوطه الزفره

**sameh127** · 11-01-2010 03:01 AM

تابلوه العربيات الحديثة الصنع مصنوع من مادة البولي كربونات المغطية لمادة البولي بروبيلين المكونة لجسم التابلوه.لغرض تلاشي التشقق و خفة الوزن المساعد علي توفير الوقود و حماية جسم الركاب في حالة حدوث حادث جسيم و ارتطام الركاب بالتابلوه فيعمل علي امتصاص الصدمة و منع كسر العظام وتقليل كمية الإرتجاج في المخ قدر الإمكان و في اسواء الأحوال يتعرض التابلوه للكسر لقطع بلاستيكية مكسية بالمطاط وناعمة الحواف قبل كسر كل عظام الركاب الأماميين او إحداث قطع في الجلد بسبب حدة الحواف وتقليل كمية وشدة الكدمات بواسطة مرونة سطح التابلوه"بولي كربونات تشبه السيليكون في المرونة و المطاطية"
العربيات القديمة كان التابلوه فيها مصنوع من مادة الحديد او الخشب بكاقة انواعه او البلاستيك او الجلد الصناعي و القليل منه كان من الجلد الطبيعي ككساء علشان كده تابلوهات زمان كان شهير عنها التشقق بسبب تعرضها لأشعة الشمس و بالأخص اشعة جاما "المشئول الأساسي للتشقق وبهتان اللون" وارتفاع حرارة التابلوه بسبب تعرضه للأشعة تحت الحمراء من الشمس وتختلف مدة الإحتفاظ بسخونة التابلوه على حسب مادة التابلوه.
المادة المكونة لطلاء السيارة هي بولي اكريلات"اكريليك"او الدوكو او البودرة المنصهرة +اضافات اخرى. هذه المواد لها قدرة عالية على الإحتفاظ باللون و مقاومة التشقق"عند التعرض للشمس" ومقاومة الخدش البسيط و حماية الصاج من الصدأ.
الشئ الوحيد اللي بيخليها تكرمش و تجرب ،انك تغسل جسم العربية في الظل بالبنزينة و بعد كده تروح تركن العربية في الشمس المباشرة و تسيبها تنشف. الصاج بيسخن جامد مع التعرض للشمس و البوية سطحها السفلي متمدد بسبب السخونة. وسطحها العلوي الخارجي لها بارد جدا علشان المية مغطياه و مبرداه وتأخذ حرارته و تتبخروتتركه بارد فينكمش السطح الخارجي للبويه"و في نفس الوقت السطح السفلي متمدد فيزيد الكرمشة للبوية" وبعد كده اشعة الشمس تهدأ اخر النهار وتترك البوية تبرد محتفظة بالتشوه و الكرمشة اللى حصلت فيها وتبقي البوية علي هذا الشكل دائما الي ان تشيلها و تطلي الصاج مرة اخرى.

حل كل ده ان بعد غسيل جسم العربية في البنزينة تأكد من مسح المية من على كل الصاج المغطي للعربية جيدا وتبقى ناشفة.بعد كده اركنها في الشمس زي ما انت عاوز.
بهتان لون الدوكو بسبب اشعة جاما اللي في ضوءالشمس الحارق"ظهر-عصر" وليس الضوء العادي"فجر-صبح-مغرب"
وحله انك تركنها في مكان به ضوء ليس مباشر او انك تغطيها.

**د.محمود صلاح** · 11-01-2010 05:15 AM

وتوجد ايضا مساحة اتربة متزفرة منها فيها لها ممسكة يد وفرشتها مشرشبة تفريبا تمنها 20 ج

شبه دى بس لها يد

**auto5truck** · 11-01-2010 02:14 PM

شكراً للمعلومة دى يا باشا

**WalidAdel** · 11-01-2010 08:33 PM

شكرا لكل الردو
و عموما الفوطه دي انا بستخدمها بقالي اسبوع و كويسه و مخليه العربيه بتلمع شكر خاص للاستاذ Sameh127

**titonasr4u** · 18-05-2010 10:37 PM

على فكرة يا جماعه زميلى فى الشغل و اللده كان طول عمره بيشتغل فى شركة كبيرة لتصنيع السيارات و فوجئ صاحبى ده لما نزلت المساحات الزفرة الجاهزة دى بوالده بيقوله ما تشتريش الفرش الزفرة و ما تستعملش اى فوطة زفرة كمان على الصاج بتاع العربية فلما سئله ليه قاله حاجة فايتة عننا جميعا
قاله ان الفرشة او الفوطة الزفرة دى اول استخدام ليها بتبقى تحفففففه لكن مع كل استخدام بعد كده بتقعد تلم فى تراب و التراب ده بيلزق فيها و مع الوقت بتبقى زى الصنفرة على البوية و بتبوظها .............قاله طب و ايه الحل ...الحل هوة انك اما تستخدم فوطة عادية لان التراب الدقيق ده ما بيلزقش فيها و ممكن بنزل بسهولة مع تنفيضها او انك تستخدم حاجة زفرة لكن تقعد تغسلها بعد كل مرة و تزفرها تانى و ده بيبقى متهيالى عن طريق الزيت او الجاز او كلاهما مش متأكد لكن قولت انقلكم اللى وصلى بالظبط

**helmay9949** · 18-05-2010 11:21 PM

مشكوررررررررررررررررر

**otefa** · 18-05-2010 11:42 PM

المشاركة الأصلية كتبت بواسطة titonasr4u

على فكرة يا جماعه زميلى فى الشغل و اللده كان طول عمره بيشتغل فى شركة كبيرة لتصنيع السيارات و فوجئ صاحبى ده لما نزلت المساحات الزفرة الجاهزة دى بوالده بيقوله ما تشتريش الفرش الزفرة و ما تستعملش اى فوطة زفرة كمان على الصاج بتاع العربية فلما سئله ليه قاله حاجة فايتة عننا جميعا
قاله ان الفرشة او الفوطة الزفرة دى اول استخدام ليها بتبقى تحفففففه لكن مع كل استخدام بعد كده بتقعد تلم فى تراب و التراب ده بيلزق فيها و مع الوقت بتبقى زى الصنفرة على البوية و بتبوظها .............قاله طب و ايه الحل ...الحل هوة انك اما تستخدم فوطة عادية لان التراب الدقيق ده ما بيلزقش فيها و ممكن بنزل بسهولة مع تنفيضها او انك تستخدم حاجة زفرة لكن تقعد تغسلها بعد كل مرة و تزفرها تانى و ده بيبقى متهيالى عن طريق الزيت او الجاز او كلاهما مش متأكد لكن قولت انقلكم اللى وصلى بالظبط

+111111111111
أفضل طريقة وصلتلها مع اني مش دايما مواظب عليها.....هي بعد الغسيل كويس يتعملها طبقة شمع فالتراب مايمسكش عليها لفترة طويلة.........وكل يوم تتنش بريش النعام..........انما مسح العربية بفوطة والعربية عليها تراب كانك بتستعمل صنفرة بالظبط.......ماهي الصنفرة الاساس فيها هو رمل.........وعلي فكرة الارمور اول مع الوقت بينشف ويشقق التابلوه.